Skip to main content

Central YMA Volleyball Kutpui a ṭiak ta

 



July ni 15, Zirtawpni zana Tuikhuahtlanga Central YMA Hall a spike off, a kar leh Thawhlehni (19th. July) a khelh tan Inter Branch YMA Volleyball Tournament chu kar kalta Inrinni khan a tiak ta. 


Inelna-ah huan mipa team 104 leh hmeichhe team 39 an tel a ni. Tournament hi Central YMA leh Mizoram Volleyball Association (MVA) tangkawp buatsaih a ni a, Organising Committee Chairman chu Central YMA Sports Sub-Committee Chairman, R. Lalrinmawia a ni.


Inelna hi R. Dengthuama Hall, Mualpui Salem vengah neih a ni a, hall-ah hian court pathum awmin he'ngahte hian hun engemawchen khelh a nih hnu-ah quarter final atangin court pakhatah chauh khelh a ni ta thung. Hmeichhe team aia mipa team tel an tam zawk avangin ni hmasa pahnihah hi chuan mipa hlanga khelh a ni. Inkhel te hi LPS leh ZONET bakah YouTube lamah live a pekchhuah thin a ni bawk.


Tarlan tawh angin spike off programe hi Central YMA Hall, Tuikhuahtlangah neih a ni a, spike off tu, Pu Lalhmachhuana, Vice President (CYMA) chuan infiammi te chu an thiamna leh theihna te tangkai taka hmanga insum theihna nen beidawng loa ke pen zel turin a chah. He hunah hian MVA leh Central YMA hruaitu te bakah branch aiawh pathum theuh kal tura tih angin kal pawh an tha hle a, kan branch atang pawhin Sports Sub-Committee Chairman, Pu H. Vanlalhriata ho-in kal ve a ni. Tournament main sponsor hi D3 Amrit Cement dawr neitu pa, Pu Lalmalsawma Nghaka a ni.


Inelna-ah hian Joint YMA, Group YMA emaw sûb-headquarters YMA anga tel theih a ni lo. Zoram pawn erawh  branch khat aia tam atanga inlak phalsak an ni thung. Team khatah player 12 bakah coach, asst. coach pahnih, physio leh maneger te an awm thei a, match hi best of five set a khelh a niin knock out system a ni. 


Kar hmasa lama kan tarlan tawh ang khan July ni 29, Zirtawpni zanah hmeichhe final hi khelh a ni a,  hetah hian Bungkawn branch chuan Kolasib Diakkawn branch chu 23-25, 25-17, 25-17, 25-22 in an hneh in an nomawi humhim in CYMA Volleyball-ah a vawi riat nan an champion ta a ni.


Kar hmasa Inrinni zan khan mipa final hi khelh a ni ve thung a, hetah hian Hunthar branch chuan Khawhai branch chu 25-21, 25-19, 16-25, 22-25, 15-13 (3-2) a hnehin an champion ve bawk. Hunthar hian a vawi thum na'n CYMA Volleyball-ah an champion a, Maubawk nen champion zat inang chiah mah se Hunthar hi ṭum hnih pahnihna an nih tawh avangin record an nei ṭha zawk.


Inelna-ah hian Sihphir branch te pawh tel ve a ni a, match hnih khel ve hmanin match hmasa zawkah Chanmari West branch chu 25-20, 25-17, 25-22 (3-0) in kan hneh a, match hnihna-ah Chhinga veng branch chu 22-25, 15-25, 20-25 (0-3) in kan hneh talo hlauh a ni.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more