Skip to main content

JULY 2022, KA DIARY

 


1st. Friday : Nimin lam hna ka chhunzawma, kan zo. Zanah Sawiremtlang editorial board member thenkhat ten Sihphir khuaa upa ber, Pi Zatangi, kum 95 mi, Damveng chu kan kawm. Hemi hnu hian chanchinbu chhutnaah kan kal zui a, kan inkawmna hi kan tarlang nghal. Maawmi hlawhfa hruaiin huanah a feh a, bean an tuh.


2nd. Saturday : Huanah bean hmun ka va kaphlum a, antam hmun ka thlo bawk.


3rd. Sunday : Chawhmaah Sunday school kan kala, chawhnuah ka inkhawm leh bawk. Inkhawm hi Hospital Sunday anga hman a ni. Kristian Tlangau a lo thleng.


4th. Monday : Huanah antam hmun ka va thlo. Tlaiah Diktea dawr, Vengtharah thil print tur ka va dah.


5th. Tuesday : Huanah antam hmun ka va thlo. Zanah Treasurer, U Sawma te inah LIDCAS OB kan committee. Vice President, U Paran a hruai. Ka president hnua Vice President ka chair tirna hmasa ber a ni. Maawmi thiannu fa, thla hlui ni 26 a vile accident a hliam chu a thi. Maawmi a thihna hmun, Durtlang damdawi inah a phei ve nghala, puan in a khuh. (26/2)


6th. Wednesday : Chawhmaah bank ah ka kal. Kan huan lam thilah Forest Department atanga Rs 6,840/- lai a lut tih ka va hmu a, ka lawm hle. Chawhnu-ah Au Chhanhimi tupa, Andrew a birthday vawi lina lawmnaah kan kal ve. Zanriah kan ei nghal. Kan TV sound chianglo chu siam turin Aringa dawrah ka dah. 14/7


7th. Thursday : Huanah bean ngul ka va sawh a, antam hmun tur ka thlo nghal. Laltlankima te fanu, U MSa tunu chu Durtlang damdawi inah thawhah avangin a thi a, zan khawhar in hunah ka kal. 


8th. Friday : Huanah antam tel 13 ka va la. Apan vawk talh pui tura min rawn sawm avangin zanah ka phei.


9th. Saturday : Nizan lama kan vawk talh chu zingkarah Arpu-ah kan va zuar. Kan zawh hma deuhin tih tur ka neih avangin ka haw. Chawhnu herah YMA Coference hall-ah LIDCAS ten rising day lawm kan tum avangin ka kal. He hun hi Vice President, U Paran a hruai a, Venghlun VCP, Awia chu khuallian a ni. Kei chuan lawmthu sawi pahin ka Sihphir diary leh thildang neuh neuh te ka tlangzarh thung. Pawl inkhawmna thila lawmthu sawitu atana ka tan vawikhatna a ni. Zanah khawhar inah ka kal.


10th. Sunday : Chawhmaah Sunday School kan kal a, chawhnuah pawh ka inkhawm. Sunday school atanga zan inkhawm (ka inkhawm lo) thleng hi bial hmeichhia ten buhfaitham leh Kristian chhungkaw campaign nan an rawn hmang a ni. Tlaiah conference hall-ah YMA keyboard man khawn tur te relin kan section OB te leh min tihpuitu tur, branch OB thenkhat te nen kan comtt.


11th. Monday : Huanah vaimim hmun kan va thlo. Thlai tlem kan la bawk. Zan thalai inkhawm banah LIDCAS OB te VP, U Para te inah kan comtt.


12th. Tuesday : Loah zawngtah hmun ka va sam.


13th. Wednesday : Huanah dania kuina tur kan va thlo.


14th. Thursday : A pate inhnuai slab chhung ka va pui. Atei Aizawl a kal. Aringa dawra TV kan dah chu kan la leh ta.6/7


15th. Friday : Huanah vaimim hmun kan va thlo. Purunpuar kan phunna thinah khan dania kan kui nghal. Zanah chanchinbu chhutnaah ka kal.


16th. Saturday : Bike siam tumin inah ka awm. Bike siam tura ka biak, Arema a hman leh takloh avangin pawi ka ti hle.


17th. Sunday : Chawhmaah Sunday school kan kal a, chawhnuah pawh kan inkhawm. Chawhnu hian bialtu pastor, Rev. C. Sapkaia chuan Lalpa zanriah sakramen a theh. Inkhawm banah Pathian ram kan chhiar. Pa Duhawma te in chu inkhawm hlanin misuallin an rawk. Thil lak a neih awm erawh hriat a nilo. Zanah ka inkhawm.


18th. Monday : Huanah purun puar kan va phun a, bean bi kan ti fai bawk. Bike siam turin Machhunga, Tamlo veng hnenah ka dah chho.31/7


19th. Tuesday : Huanah bean leitha kan va pe a, dania, vaimim hmunah tlem ka theh nghal. Lalthapuia fapa, phaia lehkha zira awm mek chu thluaka khawsik lut avangin a thi.


20th. Wednesday : Hahchawlh pahin inah kan awm. Electrict bill ka pe a, ration ka la bawk. TV kan ti nung leh ta a, Pu Hmuaka atangin Pu Chunga hnenah kan insawn thung. Aringa TV kan siam tir erawh a tha chuanglo a, woofer hmangin kan kaltir.


21st. Thursday : Huanah thlai siamna tur ka va kap a, bean hmun ka thlo bawk.


22nd. Friday : Huanah kan va feh a, thlai hmun tur te tifaiin zawl thlangah antam ka theh nghal. Zanah chanchinbu chhutnaah ka kal.


23rd. Saturday : Inrinni a nih avangin hna kan thawklo. Atei Aizawl a kal.


24th. Sunday : Chawhmaah Sunday school kan kala, chawhnu leh zanah pawh ka inkhawm. Chawhnu hian DTI in min rawn tlawh a, zanah hian bialtu pastor hlui, Rev. S. Lalmuanan thu a sawi.


25th. Monday : YMA chanchinbu a lo thleng. Huanah kan va feh a, bean hmun kan thlo. Zawl thlangah antam, hmannia daih bak ka theh bawk.


26th. Tuesday : Khua a nawmloh avangin kan fehlo. Chawhnuah Pu Sena te inah ka leng chho.


27th. Wednesday : Huanah thlai hmun tur ka va ti fai. Pu Biaka, Neihbawih, nikuma Pu Ropuia te huana ka thawhpui thin chu cancer avangin a thi a, Rosanga Varte, Neihbawih nu a thi bawk. A ni erawh Zohmun lamah a ruang chhoh pui a ni thung.


28th. Thursday : Huanah kan va feh a, bean kan tuh. Laldina, JS Thara nau chu a motor khalh lai vai motor in a sut avangin damdawi inah a thi. Kawnvengah in an luah na a, an in a tet deuh avangin JSa te in (inpuiah) ah a ruang hi dah a ni.


29th. Friday : Huanah bean ka va tuh. Zanah khawhar inah ka kala, chumi hnuin chanchinbu chhutnaah ka kal.


30th. Saturday : Ni za inhlawhnaah Ni Biaki te kawmthlang kawng hnim tifaiin kan thawk. Thlalak a ngaih avangin chawhma leh chawhnuah reilote ve ve kan thawkchhuak a ni. Maawmi chu an thiannu, Seni thih champha vawihnihna a nih avangin a lengphei ve a, zanriah an ei nghal. Zanah khawhar inah ka kal. Laldina kha YMA member a nih angin dekchi, citation leh Rs 9,790/- in kan ral nghal.


31st. Sunday : Chawhma (thlaithar thawhlawm inkhawm a ni a, thlai thar kan neihloh lai a nih avangin kan nupain Rs 50/- ve ve kan thawk.) leh zanahte kan inkhawm. Ka bike Machhunga hnena ka dah chu duhthu la sam chuahlo mah se ka la ta. Ka lawm hle a ni. 18/7

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more