Skip to main content

MARCH 2021, MIZO (RAM) DIARY

 

1st. Monday : Aizawl Municipal Corporation (AMC) Councillor 19 thlan thar te chu Aizawl District Magistrate, Pu R. Lalramnghaka kaihhruaina hnuaiah rinawmna thu tiam tira lak luh an ni. 


2nd. Tuesday : Agriculture Minister, Pu C. Lalrinsanga'n ni hnih awh tur "Export Promotion Conference-cum-Buyer Seller Meet" Aijal Club Conference Hall-ah a hawng.


3rd. Wednesday : C. Laitanga (84), h/o Vanmawii, Hunthar veng chu a boral. Amah hi Jt. Director,  Art& Culture pension ta kha a ni.


4th. Thursday : 

Chief Minister, Pu Zoramthanga'n kum upa leh natna benvawn neite tan'a hri danna pek runpui Cowin 2.0 kalpui mekah hri danna a la. Chief Minister in hri danna a lak rual hian MLA dang 14 ten an la ve nghal bawk. 


5th. Friday : "Zonun Ze mawi- Thuawihna" tih thupui hmangin Chapchar Kut  Vanapa Hall-ah lawm a ni. Lawmna hmanpuitu, Kut Pa, Chief Minister, Pu Zoramthanga chuan Kut thupui angin, Zonun ze mawi neih theih nan thuawihna nun nei turin Zo hnahthlak zawng zawng zawng te min chah. Chapchar Kut hi District dangah pawh sawm bikte chhim theih turin hman a ni bawk.


6th. Saturday : World Boxing Council, Youth Super Feather Weight, R. Dengthuama hall-a khelhah Mizo tlangval, Lalrinsanga Tlau, Khawruhlian chuan Eric Quarm (Ghana) chu unanimous decision (80-72, 80-72, 80-72) a hnehin champion kawnghren hlu tak a la.


7th. Sunday : Bâwihkima, Ruallung te chênna in chu engmah chuh hman lohin a kâng ral a; vânduaithlak takin in neitupa, Pu Bâwihkima (73) a kâng hlum.


8th. Monday : Khawvel puma hmeichhiate nî, International Women’s Day a ni a, Mizoram hmun hrang hrangah hman ve a ni.


9th. Tuesday : Mizoramah Covid - 19 hri lêngin ziaawm lam a pan zêl avângin sâwrkâr chuan kâr khatah zân lam Pathian biak inkhâwm vawi hnih neih a rem ti.


10th. Wednesday :  

Lârsâp, P.S. Sreedharan Pillai chuan Lunglei District tihmasâwn zêl tûra hmalak ṭûlte leh harsatna awmte zir chiang tûrin Lunglei a tlawh.


11th. Thursday : BCM Assembly (inkhâwmpui leh rorêlna sâng ber) vawi 125-na chu Lunglei Ramthar Vêngah neih a ni a, President Elect atân Rev. Dr. R. Zolâwma thlan a ni.


12th. Friday : Mara kût ngaihhlut ber, Lyuva Khutla chu Siaha-ah lawm a ni.

 

13th.Saturday : Maubâwka chhûngkaw 15 chênna, in 8 chu a kâng. Kângmei chhuakah hian mihring thi leh hliam an awm lo a; vawk 2, âr 18 leh ui 1 an kâng hlum thung.


14th. Sunday :   Tlawng ruam YMA branch 7 leh Sairang Police ṭang hovin, Sairang '0' Point-ah ruihhlo do beihpui an thlak a,   zu engemawzat an man.


15th. Monday : Mizoram a Fiamthu lama intihsiakna show lian leh hlun ber LPS Comedian Search chu a tum 13 na atan tan a ni leh ta. Tun tum Comedian Search hi SR Tochhawng Traders ten an Sponsor a ni.  


16th. Tuesday : Parliament Session kal mekah Rajya Sabha M.P, Pu K.Vanlalvena chuan Zero Hour-ah Myanmar ram buaina avanga Mizorama raltlan te chungchang a sawi chhuak a. Ministry of Home Affairs chu Myanmar atanga raltlan te himna turin a tul anga an kalphung her danglam turin a ngen.


17th. Wednesday :  

Ratna Gurung (58), Venghlui chu ZMC-ah Covid19 avangin a boral. Covid 19 avanga Mizoram a thi 11 an awmna chiah a ni.


18th. Thursday : MPF Gen. Hqrs. hotute chu PC Party Gen. Hqrs-ah an leng a, Sr. Vice President, Vanlalruata hoin hruaituten an lo dawngsawng.


19th. Friday : Chief Minister, Pu Zoramthanga tirhin Lok Sabha MP, Pu C.Lalrosanga leh Rajya Sabha MP, Pu K. Vanlalvena te bakah State Planning Board Vice Chairman, Pu H. Rammawi leh MNF Adviser, Pu Rosangzuala ten Union Minister of State for Home, Nityanand Rai chu a pisa-ah hmu in  Myanmar atanga raltlan rawn lut leh Aizawl khawpui laili atanga Assam Rifles te Zokhawsanga an insawn dan tur chungchang an sawipui. 


20th. Saturday :  Zemabawk Bial PYD (NE) chuan Aizawl Civil Hospital tan thisen unit 20 an pe a, a petu te hi mipa 18 leh hmeichhia 2 an ni.

 

21st. Sunday :  

Chief Minister, Zoramthanga'n  biak hmuhtheihna kaltlangin Myanmar Foreign Minister, Zin Mar Aung kawmin Myanmar ram buainaa Zohnahthlakte tawrhna chungchang a sawipui. Myanmar Foreign Minister bakah hian US a Zohnahthlak awmte pawhin inbiakna hi an chhim a. Myanmar a sipaite chetna avanga harsatna hrang hrang thlengte an sawiho bakah an hmakhua tur pawh sawiho a ni a. Chief Minister Zoramthanga chuan he hunah hian Zohnahthlak te tawrhna chuan ziaawm lam pan thuai se a duh thu a sawi. 


22nd. Monday :  Darlak leh Bawngva inkar Teirei Lei dawh hna thawh mek chu a him tawk lo ni a an hriat avangin Mamit Sub-Headquarters  YMA leh Taitesena Group YMA hruaituten thawk chhunzawm tawh lo turin an hriattir. 

 

23rd. Tuesday : Pu Lalbiakthanga, Lawipu Veng chuan Myanmar rama sipai rorelna a din leh tak avanga mipui tawrhna nasa tak thleng chu a tawrhpui zia lantir nan leh Myanmar ah mipui sorkar Democracy thami tundin a, a awm leh thuai theih na'n a chenna Lawipu Veng atangin Zokhawthar leh Tiau thlengin, amahin ke hlira kalin Long March a nei tan.


24th. Wednesday :

TC Lalpartlana, (80) h/o C.Vanlalruati

Sihphir chu an chenna inah stroke natna avangin a boral. 


25th. Thursday : Aizâwl Adventist Hospital chuan an din champhaphâk vawi 25-na (silver jubilee) chu Health Minister, Dr R Lalthangliana hovin an lâwm.


26th. Friday : Baptist Church Of Mizoram Vengpui Zawlnuam Biakin chu a kang. Kang mei chhuah chhan hi hriat a ni lo.


27th. Saturday : T. Dumzau khua a chenna in 25 a kang. Hei hi Hmawngbuchhuahkhua a lo hal ten an mei chhuah avanga   thleng ta nia sawi a ni. T. Dumzau hi in 70 vel awmna khua niin di in chung, a bang dap deuh vek a ni.


28th. Sunday : Tumkau ni, Isua Krista khenbeh a nih hma a Jerusalem khawpuia chawimawi a a awm ni champha a ni a, hmun thenkhatah  tumkau kenga kawngzawh kohhran engemawzat an awm. Chutihrualin, kuminah erawh chuan hripui leng avangin kum dang a phaklo hle niin a lang.


29th. Monday : Serchhipah chenna In (Assam Type) 4 chu bungrua chuh mumal hman lovin a kangral vek.  


30th. Tuesday : Lalêngmawii (65)

w/o R. Sângkhûma

Sihphir Venghlun  chu Cancer Hospital, Zemabawk-ah 'Cancer' avângin a boral.


31st. Wednesday : Social Welfare Minister, Dr. K Beichhua chuan a Office Chamber-ah AIDS/HIV dona kawnga hmalakna thar Index Testing and 90-909-90 atana Mizoram sawrkar leh pawl dang te thawhhona a taka kalpui a nih theih nan a hawng.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more