Skip to main content

JANUARY 2021 KA DIARY



1st. Friday : Chawhma-ah inpui-ah ka leng phei. Chawhnu-ah chanchinbu kan chhu a, editorial board ten chaw kan ei khawm nghal. Chanchinbu hi hruaitu inruat fel hma chu kan keng rih dawn a ni. Ka article 'Lungthu kimna duhawmlo' tih chu ka dah tel. Kum 2021 project atan Sihphir diary ziah ka tum a, a vawikhatna atan chuan tlai-a kan chaw ei khawm thu ka dah.


2nd. Saturday : Chawhnu-ah Ni Biaki tu leh fa ten an inah chaw an ei khawm a, kan nupa in kan zuk fatu. Fatu zingah hian Lalthaa a tel bawk. Anni hian thawhkhawm in apa an ral nghal. Anni pawh hian chaw an rawn ei thla ve a ni.


3rd. Sunday : Nanunga thih champha kar khatna a ni a, thenrual tha te lo leng khawmin hlim takin kan in pawl khawm. Zanriah kan ei nghal. YMA OB thlan a ni a, Au chu a tling ve leh a, ka lawm hle. Inpui lamah program kan neih avangin inthlan na-ah hian ka kallo.


4th. Monday : Lo-ah nimbu hmun ka va sam. Zanah Multipurpose Indoor Hall-ah gym bik hawn na-ah ka va kal ve.


5th. Tuesday : Lo-ah nimbu hmun ka va sam. Zanah Tamlo veng Welfare inthlan na-ah polling officer-ah ka han tang. Lalnghinglova chu V/C a nihna in RO a ni a, kei chu YMA section OB ka nihna-a tel ka ni thung. Hetia'ng chanvo hi ka la chelh ngailo. Ka lawm hle. Tan dawnin ka tawngtai. YMA branch committee-a ka tel leh dawn thu ka hria. Ka lawm hle.


6th. Wednesday : Thenawm YMA in a Mimi dawr chu nizanah rawk a ni. Thil chhia te siamim mi tlem a zawng kan hnatlang nghal. Chawhnu-ah tuikhurah puan suk kan zu tleuh. Zanah SR&AC V/C house-ah kan committee. Atei Aizawl a kal.


7th. Thursday : Lo-ah nimbu hmun ka va sam.


8th. Friday : Laldavid-a thih champha vawikhatna a ni a, inpui-ah hun kan hmang. Tlai-ah chawhlui kilho nghal a ni. Zanah chanchinbu chhutna-ah ka kal. Atei Aizawl a kal. Kristian Tlangau November leh December 2020 inkawp a lo thleng.


9th. Saturday : Chawhnu-ah Sawmtei thih champha vawihnihna a ni a, an inah kan nupa in kan va kal ve. Zanriah kan ei nghal. Zanah arm wrestling kan practice.


10th. Sunday : Zingkarah nikum lama ka bial, Zion veng velah Pathian ram ip ka sem. He'nglai vel hi ka bial leh dawn a ni. Chhunah Zara te inah arm wrestling kan committee. Kumi'n atan hruaitu kan in ruat nghala, ka president leh dawn a ni. OB dang turte chu :

Vice President : Zoramtluanga

Secretary : Lalfamkima

Assistant Secretary : Lalchhanchhuaha

Treasurer : Lalzarmawia

Financial Secretary : Lalawmpuia.

Tlai-ah SR&AC te V/C house-ah kan committee.


11th. Monday : Lo-ah nimbu hmun ka va sam. Asawmi u, Sairang a thi.


12th. Tuesday : Lo-ah nimbu hmun ka va sam. Mami inentir turin a lo chho. Zanah LIDCAS te Pu Sanglura te inah kan committee. President ka nih hnu a OB meeting tihloh committee ka hruai hmasak ber a ni.


13th. Wednesday : Zanah SR&AC te Selesihah kan duty-a, Vula leh Abiaka te heroin nen kan man. V/C house-ah hruai-in intiamkamna neihtira hawntir an ni. Chumi hnu-in VCP inah thingpui kan va in. Mami leh Atei inentir turin Aizawl an kala, doctor a lo kalloh avangin inentirlo-in an lo haw leh tawp.


14th. Thursday : Neihbawi Nghakliana a thi. Kuhva rah lak pahin ruang thlen thleng ka va thu ve. Chawhnu-ah Asawmi u thi chu kan zuk ral. Zanah khawhar inah ka kal. Mami chu inentirin Ani Tei nen Aizawl an kal.


15th. Friday : Lo-ah nimbu un ka va sam. Zanah khawhar inah ka kal. Pu NGhaka kha YMA member a nih angin dekchi, citation leh Rs 6,970/- in kan ral nghal. Chumi hnu-in chanchinbu chhutna-ah ka kal.


16th. Saturday : Conference hall-ah YMA kumthar duan kan nei. Library sub-committee chairman atan m8n ruat leh a, Sangzeli chu secretary a ni leh ang. Zanriah kan ei nghal. Zanah kan inkut elh. 


17th. Sunday : Zingkarah chanchinbu sem pahin YMA member ka la. Chawhnu-ah Pathuan ram ka khawn. Chhunah Lalduhsaka te ram zawrh chu ka han en. 


18th. Monday : Uthai te huanah iskut hmun tifai-in ka inhlawh. Amah leh a tunu, Zari an thawk ve bawk. YMA Media & Documentation sub-committee member-ah min ruata, zanah Vansangliana dawrah kan committee zui. Sawiremtlang chanchinbu chungchang kan sawi bet a, editor atan min ruat. Hetia'ng chanvo ropui hi ka la chang ngailo. Ka thil chák tak a ni bawk a, ka lawm khawp mai. Editor tang lai, Edy-a chu V/C member a nih avanga a inthlahrun deuh avangin a pha a ni. Arema nen joint editor an ni zui ang'a, Op-a, Sawmzuala leh Aruata te news editor an ni ang'a, Manghaki chu circulation manager a ni leh ang. Mami chu zai turin Kulikawn damdawi inah admit a ni. Ani Tei'n a kalpui. 


19th. Tuesday : Uthai huanah ka unhlawh leh. Mami chu zai a ni.


20th. Wednesday : Sub-center-ah BP leh zunthlum manlo-a test tir theih a nih avangin ka va test-a, ka tha e. Khawl ka siam tir a, ka ta a chianglo deuh a, Mama ta chu a tha e. Mami chu chhuah a ni ta a, mahse, motor vel a khaihlak avangin an riak leh.


21st. Thursday : Mami te chu an lo chhuak fel ta. Zanah YMA Library Sub-committee te Secretary, Sangzeli te inah kan committee. Dawngtea tan dawnah tawngtai turin ka sawm. Au in sak chu a chim.


22nd. Friday : Pa Faka huan ka va khawih leh dawn avangin ka va sam. Zanah chanchinbu kan chhu. Editor ka nih hnu a kan chhut hmasak ber a ni. Thu chhuah tur a tam avangin a luhaithlak hle. Putea article kan dahlo chuan tun thlengin (mut dawn) ka awm a la ti nuamlo. Kristian Tlangau a lo thleng.


23rd. Saturday : Zingah YMA committee te field sira kan ram samin kan hnatlang. Chawhma-ah Vailui-ah puan suk kan zu tleuh. Chawhnu-ah MNF Aizawl East I campaigner ten kan unau mual liam ta te an rawn ral a, ka va tel ve.


24th. Sunday : Tlai-ah V/C house-ah Social Reform kan committee. Aseia koh a ni a, chumi hnu in Dakla lui vai naupang chu Sarepkawnah kan zawng. Kan hmulo. Zanah LIDCAS sum tur VCP kan dil. Sitting-a an lo sawi tur thu in min chhang. 


25th. Monday : Au in sak chhia ka han then pui.


26th. Tuesday : Sakawrhmuituai tlang panna tur kawng siamin YMA te kan hnatlang. Zanah SR&AC ten V/C house-ah mi kan koh avangin ka kal ve. Chumi hnu in Theihaingaw a mi, zu an zawrh avanga Sihphir atanga hnawhchhuah tur a tih, an lo chhuah loh avangin an inah va kalin Ningani ral hma a chhuak turin kan va hrilh nawn.


27th. Wednesday : Pa Faka huan ka va  sam leh. Nanunga thih atanga thla khatna a ni a, zanah ka va leng phei.


28th. Thursday : Pa Faka huan ka va sam leh. Ka tum chin chu ka zo fel. 


29th. Lo-ah thlai hmun ka va sam. Zanah chanchinbu chhutna-ah ka kal. 


30th. Saturday : Thingdawla Esther Picnic Spot-ah SR&AC te kan mi koh tawh te pualin kan zuk tawngtai. Zanriah kan ei nghal.


31st. Sunday : Chawhnu-ah U Ramdini accident avanga ke tliak chu kan hria a, kan va tlawh. Hripui avangin inkhawm theih a la nilo.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more