Skip to main content

APRIL 2021, MIZO (RAM) DIARY

 


1st. Thursday : Lal Isua mantira a awm zan (venpui zan) ani a, kohhran hrang hrangah inkhawm awmin, kohhran engemawzat chuan Lalpa Zanriah Sacrament an kilho. Synod Moderator, Rev Dr. C. Lalhlira chuan Sihphir Venglai kohhranah Sacrament a theh


2nd. Friday : Good Friday a ni a, Zoram hmun tam zawka Kristian te chuan Pathianni anga serhin nilengin inkhawm nan an hmang.


3rd. Saturday : Rajya Sabha MP, K.Vanlalvena chuan North Delhi huam chhunga Jehangirpuri, Yamuna luikama Pakistan Hindu raltlante camp a tlawh a. An hruaitute kawmin an dinhmun tlangpui te a zawt fiah bawk.


4th. Sunday : Easter Sunday a ni a, kohhran hrang hrang te chuan zingkarah Sunrise Service hun hmangin, chhun leh zan hunah Pathian biak inkhawm an nei hlawm.


5th. Monday :  

Ramchhung hmun dang rualin Health Minister, Dr R Lalthangliana'n Integrated Health Information Platform (IHIP) a hawng. Integrated Health Information Platform (IHIP) ah hian system ngai tho hmangin Portal thar hman a ni tawh dawn a. Natna chi hrang hrang 46 leh syndrome leh symtom 26 report tel theih a ni a. Central lamah he portal report hmang hian nitin case report a ni tawh dawn a ni. 


6th. Tuesday : Zotrek member pahnih, Romalsawma Hmar, Mission Vengthlang leh Vanromawia  Bawngkawn te chuan Aizawl chhuahsanin kein Siaha an pan. An ni pahnih hian February thla khan Aizawl-Kolasib 78KM chu kein an lo kal thleng tawh bawk.


7th. Wednesday : Ruihhlo avanga harsatna tawkte chhanchhuahna leh tanpuina hmunpui atana duan, Jordan Centre Sethawn, Kolasib district ami chu chief minister, Zoramthanga’n a hawng.

   

8th. Thursday :   Assam Forest Dept hnuai-a District/Division Forest Officer (DFO) leh Assam Police engemawzat te chu a rukin ramhnuai atangin Mizoramah an lo lut a. Heng mite hian VC-I ten kawng an siam mek leh ram an theh a In lo sa mekte chu rawn enin In sate hi chawlhsan turin an rawn ti a. He thu hria hian Vairengte SDPO, Pu Thartea chu a hmunah kal ve nghalin In sa te chu sak chhunzawm zel turin a ti ve thung.

   

9th. Friday : Mizoram sorkar Disaster Management & Rehabilitation Department chuan thuchhuah tun hnaia Covid-19 lo pung chho leh chungchangah  inkaihhruaina thar siam.


10th. Saturday : Mizoram State Legal Services Authority (MSLSA) leh Champhai District Legal Services Authority (DLSA) te tangkawp buatsaih, ND&PS Act chungchang zirhona I&PR Auditorium Champhaia neih chu Gauhati High Court Judge, Justice Michael Zothankhuma, Executive Chairman, Mizoram State Legal Services Authority leh Champhai District Portfolio Judge ni bawk chuan khuallian niin a hmanpui.


11th. Sunday :

Khawbunga Hla Kûngpui mual tlâk lam mual chu nasa takin a kâng a, hla kûngpui ram eng emaw zât a kâng chhia.


12th. Monday : R. Lalmuanzova (34)  Kanan Veng, Aizawl chu ZMC-SHRF-ah a boral. Sorkar thuchhuah tarlan danin amah hi April 10, 2021 khan ZMC OPD ah RAT hmangin Covid-19 positive a ni tih hmuhchhuah a ni.


13th. Tuesday : Rudy K Lalhmingsangi (33), Khawruhlian khua, Pune-a awm, Covid-19 vei enkawl mek chu  damdawi-inah a thi. 


14th. Wednesday : Kângmei laka himna tûra inzirtîrna Fire Service Day chu Mizoram pumah hman a ni a, kâng ṭhelhnaa mahni nun chân tate pualin Martyrs Day hman nghâl a ni.


15th. Thursday : Tlawng, Reiek kàiah in a kâng a, in luahtu, Keiaithiauva (54) s/o Thanchuanga, Maubawk a kâng hlum.  


16th. Friday : Chakma Autonomous District Council budget session neih mekah kum 2021 - 2022 chhûnga hman tûr sum cheng nuai 13,483.12/- a pass a ni.


17th. Saturday : Sêrchhîp A/C by-election chu tluang taka neih a ni a, vote 83.80% a tla.


18th. Sunday : Assam Mission Field,  Guwahati Ramthar Pastor biala Beltola Fellowship-ah ringlo mi 3 (Puitling 2 leh Naupang 1) te chuan bialtu Pastor, Rev Joseph Lalnunmawia kutah Baptisma an chang.


19th. Monday : Lok Sabha Speaker, Pu Om Birla chuan India rama State leh Union Territory zawng zawnga Legislative Assembly leh Legislative Council Speaker leh Chairman te video conference kaltlangin meeting a ko a. Mizoram Legislative Assembly Speaker, Pu Lalrinliana Sailo bakah Deputy Speaker, Er.Lalrinawma, Parliamentary Affairs changtu Minister, Pu TJ Lalnuntluanga bakah Opposition Group Leader, Pu Vanlalhlana te pawh meeting-ah hian an tel a ni.


20th. Tuesday : DMR Department-in SOP thar a tichhuak a,  zing dar 4 atanga April 26, zing dar 4 thlenga kalpui/hman turin Aizawl leh district khawpuiah phalna nei loa khawlaia chhuah phal a ni lo.  


21st. Wednesday : 

Rev. V. Lawmkima, TBZ Madhya Pradesh Field Director chu Covid avangin a thi. 


22nd. Thursday : Mizo hmeichhe rapper lar, RD-i tia hriat, Vanrodinpuii (34), Chanmari West chu cancer vangin a thi.


23rd. Friday : Zasangi (74) m/o Lalnuntluangi, Laipuitlang chu  Tata Medical Centre, New Town, Kolkata-ah Covid-19 vangin a thi. Pi Zasangi hi chuap cancer a ni a, kumin April 14 khan zai a ni. Zai a nih hnuah Covid-19 positive a ni tih hmuh chhuah a ni. 


24th. Saturday : Pu Lal Thanhawla kaihhruai Congress sorkara minister pawimawh tak ni thin, Pu PC Zoramsangliana (65) chu Covid19 avangin ZMC-ah a thi. A ni hi April 14, 2021 khan COVID-19 a vei a ni tih hriat chhuah a ni a, ZMC-ah phurh phei nghal a ni. Amah hi kal thlak tawh, zunthlum leh thisen sang nei, damdawi chi hrang hranga inenkawl mek a nih bawk avangin a tlin talo a ni.


25th. Sunday : Zoram hmun hrang hrangah kangmei a chhuaka, ram leh chenna in engemawzat a kang.


26th. Monday : Laldinpuii (57) D/o  Sangliana (L), Lengpui khua, Madhya Pradesh a TBZ Missionary a awm chu  Burhanpur a All is Well Hospital-ah covid 19 avangin a thi. 


27th. Tuesday : COVID-19 positive thar 229 hmuhchhuah a ni. Hei hi nikhat thilthua Mizorama COVID-19 positive hmuhchhuah tam ber tum a la ni. Hemi hma a, nikhat thilthu a hri kar hmuhchhuah tam ber tumin tun thla ni 24 khan mi 105 hmuhchhuah a ni. Record khum na duhawmlo tak a ni.


28th. Wednesday : Mizoram a tlang sang ber, Phawngpuitlang (Phawngpui National Park) chu a kang.


29th. Thursday : TMEF founder, Evangelist, Rev.Dr Rohmingliana (67) chu Aizawl Civil Hospital-ah stoke  natna avangin a boral.


30th. Friday : Covid 19 avangin J. Sapzinga (82), Champhai leh Lalthlamuanzuala (47), Armed veng te chu ZMC-ah an boral a, Lalruatkimi, (34) Ramhlun Vengthar chu Gujarat-ah a thi bawk.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more