Skip to main content

FEBRUARY 2021, KA DIARY

 


1st. Monday : Ka nak ding lama vual awm chu Chhuanga ka entir a, awmvel a lo ni. Lo-ah nimbu hmun ka va sam a, ka zo fel.


2nd. Tuesday : Kawmchhak Sairengi damdawi inah a thi. Ka hriat veleh ka chho nghala, ruang a lo thlen lawk dawnloh avangin ka haw leh. Kal lehin vui hma deuhin ka haw.


3rd. Wednesday : Pa Zaia huanah bal ka va cho a, thil awm ang ang te ka in la chhuak fel. Kumi'n chuan khawih ka tum rihlo a ni. Tlai-ah Tlangveng velah ka leng kual. Zanah khawhar inah ka kal. 


4th. Thursday : Lo-ah khael la in ka kal. Pek tur ka sat nghal. Zanah khawhar inah ka kal. Sairengi kha YMA member a nih angin Rs 7,155/-, citation leh dekchi in kan ral nghal. Atei Aizawl a kal. 


5th. Friday : LIDCAS te Bervakawna Kawlawia thlanah kan zu kal. Zanah chanchinbu chhutna-ah ka kal.


6th. Saturday : Zingkarah kumi'n atan library kan hawng. JC-a lu ka meh tir a, Maawmi'n min dum sak nghal.


7th. Sunday : Chawhma-ah Sunday School kan kal. Pawl hming siam rem ni a ni. Senior department atangin mi 27 an rawn insawn. Hripui avangin upa bial 1-6 kan inkhawma, chawhnu lamah 7-12 an inkhawm ve thung. Apa chu Pavalai committee member a nih ve thu an puang.


8th. Monday : Hna a awmloh avangin engmah ka tilo.


9th. Tuesday : Lo-ah banril hemin ka riak lut. Udara thlamah Uatea te hnenah ka riak phei. Pa Faka leh Lalparama te an riak ve bawk. Ka lehkhabu chhiar lai chu ka chhiar chhuak ta.


10th. Wednesday : Ka hna ngai ka thawk leh a, ka riak leh bawk.


11th. Thursday : Ka hna ngai ka thawk leh a, ka riak leh bawk. Atei leh Mami Aizawl an kal. Section YMA inthlan a ni a, ka tlinglo a, ka lawm hle.


12th. Friday : Ka hna ngai ka thawk leh a, ka haw ta. Laltluanga motor-ah thil ka hlan duh avangin ka va haw kual. Ka chauh deuh avangin chanchinbu chhutna-ah ka kallo. Mami a haw.


13th. Saturday : Zingkarah library-ah ka kal. Kristian Tlangau February issue a lo thleng tih ka hria.


14th. Sunday : Chawhma-ah Sunday school kan kal. Ponty chuan hming a dah thar. Tlau-ah section YMA OB thlan thar leh nikum OB ten charge kan in hlan. Manghaki, Treasurer nenckan tla a, VK-a, Assistant Leader leh Dawngtea, Financial Secretary te an tling thar a, Dika Assistant Leader ni lai chu Treasurer a ni ang. Chumi hnu in Vailokawn zau te Uatea te inah kan committee. Banah thurel bawhzui-in VCP kan va kawm. Zanah Pa Biala damlo ka kan.


15th. Monday : Nu Awii te Neihbawi huan samin Uatea nen kan inhlawh.


16th. Tuesday : Ka hna ngai ka chhunzawm. Parama a rawn thawk ve.


17th. Wednesday : Ka hna ngai ka thawk leh a, kan zo. UPari a lo kal ve. Zanah H. Vanlalruata, Chairman, Sihphir Milk Producer Co-operative Society Ltd. hnenah YMA library a hman tur chhuar dilna ka va thehlut. Tunkara ka hlawh Nu Awii hnen atangin Rs 3,750/- ka dawnga, ka lawm hle.


18th. Thursday : Kawngkan lui-a Aizawl pa ram sam turin Pa Faka, UAtea leh Lalparama te nen kan riak lut. U Dara thlamah kan riak a, langin kan han bei dawn a ni. Rs 10,000/- in kan theka ang. Tlem kan sam nghal.


19th. Friday : Kan hna ngai kan thawk leh a, kan riak leh bawk. Zingkarah Lalparama nen kan zau ho ram thla kan la kual a, lo ka thleng phei.


20th. Saturday : Kan hna ngai kan thawk leh a, kan haw. Pa Faka chu sa chan a duh avangin a cham thung ang.


21st. Sunday : Zingkarah Pathian ram ka khawn. Chawhma-ah ka inkhawm. Bialtu pastor, Rev C. Sapkaia chuan Baptism a leh Lalpa Zanriah Sakramen a theh. Dawngi, Tlankimi fanu kan kohhran mi pasala nei tur chuan Baptisma hi a chang a ni.


22nd. Monday : Kar hmasa lama kan hna kan va chhunzawm. Midang an riak a, kei ka haw.


23rd. Tuesday : Kan hna ngai kan thawk leh a, kan zo. A bula mi huan sam lai chu Rs 2,000/- hlawh turin ka thawk zui. Zanah Sangzeli te inah Sihphir Milk Producer Co-operative Society Ltd.-in library almairah leina tur min pek chu a pa, society a Vice Chairman hnen atangin ka han dawng. Rs 10,000/- lai a ni. Maawmi SHG thilah Community Hall-ah a training. Mechanic-ah ka khawl ka dah.


24th. Wednesday : Ka huan sam theka ka va thawk leh a, ka zo thei a, ka lawm hle. Khawl erawh a tawp thlen hma deuh in a nuar a, chemin ka sam tawp. 


25th. Thursday : Zanah kan section YMA ten VC house-ah kumthar dyan committee kan nei. Mitthi buhfai enfel tu atan Peter-a leh Dawngtea te nen min ruat.


26th. Friday : Huan ka va hal. Zanah conference hall-ah YMA kan committee. Chumi hnu-ah chanchinbu chhutna-ah ka kal. Atei Aizawl a kal.


27th. Saturday : Huanah kan nupa in mangkhawh pahin thlai chi kan va thlak.


28th. Sunday : Chawhma-ah Sunday School kan kal. Chhuana Arpu chu hrawk cancer avangin a thi.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more