Skip to main content

FEBRUARY 2026, SIH(PHIR) DIARY

 

1st. Sunday : K. Lalbiakveli, kum 85 w/o R. Lalhmingthanga (L), Upper Dinthar Veng chu ZMC-ah 'Lung tha lo' avangin a boral.  


2nd. Monday : Pu Pakima, kum 67 h/o Biaksangi, Upper Dinthar venga Pu TC Lalrindika (Pu Lalchullova in hlui) in luahtu chu chu a zinna, Lungsei khua-ah 'Lungphuchawl' in a boral. Anni Venghlun lama ID nei an ni a, an tunu hi Sihphir Venglai PES-ah an luh tir avangin buaipui a awlsam zawk nan tiin helama rawn awm laikawk an ni. Helama in dah an duh viau naa, ruang lut ang lo chuan a in dawnsawn theihloh avangin Venghlun lamah a ruang hi dah a ni. 


3rd. Tuesday : Lalkunga, kum 74, Laltanpuii pasal, Tamlo veng chu Civil Hospital-ah awmlaiin a boral.


4th. Wednesday : Ni hnih awh, Entrepreneurship traning program on Further Processing of Meat Selesih a neih chu a tiak. Traning-ah hian Sihphir nu 15 an tel a, certificate an dawn vek bakah an products siam te an dawng bawk.


5th. Thursday : Tv C. Malsawmzuala s/o C. Zairemmawia, Dinthar veng, Visakhapatnam a navy hnathawk, Krismas chawlh hmanga lo haw chu a thawhna hmun panin a kal leh ta.


6th. Friday : Ex-VCP, Pu Lalropuia Pachuau, Kawnveng chuan lo neitu te leh huan thlai siama eizawngte tan thlama tui dahna/chawina tur plastic bur (10 liter) a sem. Pu Ropuia hian hetiang bur hi tunhma pawhin mi a lo pe fo tawh a ni.


7th. Saturday : Venglai KTP (Daniala group) te chu Kawnveng ah motor silin an hnatlang.


8th. Sunday : Presbyterian kohhran hnuaia bial hmeichhe inkhawmpui, Zirtawpni zan atanga Sihphir kohhrana neih chu a tiak.


9th. Monday : Kum 2026 Sihphir Branch MHIP hruaitu tur chu YMA conference hall-ah thlan a ni. Inthlanna hi YMA hruaitu ten an kaihruai.


10th. Tuesday : Pu Lallianfala ten an building a ATM bula Solar Stud light (eng sen phe zek zek thei) pahnih an dah chu tuizem phur, vai motor pahnih ten an ru. Police hnena report in Kawnpui-ah man an ni. 


11th. Wednesday : Sihphir Village Council chuan Sihphir Branch YMA hnenah mitthi vuina bika hman tur Sound System thar, cheng nuai chuang man, JBL Company siam pe.

 

12th. Thursday : SASCI Scheme aṭangin YMA Library a mi tur Inverter leh Battery dawn a ni.  


13th. Friday : Venglai Kohhran chu an Kohhran Hall-ah HIV/AIDS leh RUIHHLO DO chungchangah tun aia awmze nei leh chak zawka hmalak dan ngaihtuahin an thukhawm.


14th. Saturday : YMA Evangelical Sub-committee chu Melsawmkham tlanga Kross bulah an bethel.


15th. Sunday : YMA Section hruaitu thlanna chu section tinah neih a ni. inthlanna hi veng lun laiah ballot box siam a hun a ni a, mi 294 in vote an thlak.


16th. Monday : Arpu bazar chung zawk a mi thlai, Pi Lalsangzuali (Manu-i) ten an riah chu      misualin an ru bo.


17th. Tuesday : Pu R. Vanlalsawma, kum 62, Pu Lalbiakkima Kawlni unaupa, Biak In Veng chu an chenna Inah 'Thisen sang leh kal tha lo avangin a boral.  


18th. Wednesday : Kar khat awh, chhiatna chi hrang hrang thlen thulh a chhanchhuah dan (YUVA AAPDA MITRA TRAINING) training-na State Training Centre, Tanhrila neih chu zawh a ni ta. Hetah hian Sihphir mi 10 zet an tel ve a, Sihphir hming pawh an ti tha hle. Traning-ah hian Mizoram a District 6 atangin hmeichhia 9 leh mipa 91 an kalkhawm a ni.


19th. Thursday : Ni za inhlawhna (NREGS) hna

chu tan leh a ni a, tuntumah hian ni 6 hna thawh a rawn chhuak a ni.

 

20th. Friday : YMA thlabi committee chu conference hall-ah neih a ni.


21st. Saturday : Venglai Kohhran te chu an biakin sak lai-ah thil senghawi in an hnatlang.


22nd. Sunday : Presbyterian Kohhran, Sihphir Pastor Bial te chuan Sihphir Kohhran Biak Inah Bial huap Kristian Chhungkaw Campaign an nei a, Chanchin Tha Puangtu Team fSpeaker, Upa Laltlanmawia chu

Speaker a ni.


23rd. Monday : Lalthanzauvi, kum 86 m/o HS Lalthafamkimi, Kawnveng chu a chenna inah awmlai-in a boral.


24th. Tuesday : LIDCAS chuan Pu Lalchhanhima Varte te inah kum 2026-2027 chhunga hruaitu tur te an thlang.


25th. Wednesday : Govt. Sihphir High School, Class IX zirlai te chuan Mizoram Budget Session neih mêk chu an chhim.


26th. Thursday : Pu Lalbiakliana, Arpu Veng, Transport Dept.-a Machinist II hna thawk lai chu Superannuation pension-in a chhuak.


27th. Friday : Sorkar in Zoram pawn leh Mizoram chhung Sorkar damdawi inah te ABHA ID hman tawh tur a tih avangin Sihphirah pawh a siam hna kalpui tan a ni. 


28th. Saturday : January ni 9 a Mota lui bul quary chim a thi, Pu Solen Tudu ruang, a chhiat deuh avanga Sihphir thlanmuala phum tak hriatrengna lung chu quarry neitu, Pu Roddy Zonunmawia chuan a phunsak! Lungphunna-ah hian Pu Solena nupui leh a fate pahnih bakah, Pu Solena nu leh a unaupa te chu Jharkhand atangin an lokal a, Pu Solen-a thian hnai tlem azawng in an telpui bawk. He hun hi Pu HVL Zarzoliana, VCM chuan a kaihruai a, Pu Solena vuitu Catholic Father chuan thlan tih thianghlimna a nei bawk.


Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

THLAZING

  (Sawiremtlang editorial) August thla han hman meuh chuan chhum a zing phui chuai reng mai a, upa ten 'thlazing' an lo ti pawh hi a awm viau mai. Amaherawhchu, heta thlazing tih hi pi pu te thla hming pakhat emaw ti kan awm leh mai thin. Mizo thla chhiar danah chuan Thitin thla a ni tih i hria ang u khai. Hmanlai chuan mitthi te hi pialrala kal nghal mai loin kan velah hian an la tap thin a, August thla hian mitthi khua an pan thin nia an ngaih avanga thitin thla ti pawh an ni niin a hriat. Chuvangin, August thla hi Mizo thla chhiar dan chuan thitin thla tihna a ni a, thenkhat ten thlazing tia an sawi erawh thla hming ang niloin tun thla chu chhum a zing chuai reng mai an tihna a nih chu. Mizo thla chhiar dan hriat hi kan mawhphurhna ni ve in a langa, thla chhiar dan mai bakah an nunphung te pawh hi hriat ve hram hram I tum ang u. August thla chu a zo ruai chu a ni leh ta a, ni reilo te-ah Ber thla kan kan kai anga, derhken, nuaithang, anthur leh senhri nu ten par an chhuang l...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more