CHANCHINBU CHUNGCHANG

  (Sawiremtlang editorial)

Tunkar Thawhtanni zan khan Media and

Documentation Sub-committee chu Pu Lallianfala te inah kan thukhawm a, hemi tum hian Sub-committee

hmachhawp hrang hrang te sawiin chanchinbu enkawltu tur leh a kalphung tur te duan nghal a ni.

Nikum khan Editorial Board-ah hian member 9 (OB incharge tiamin) kan awma, kumin hian Media Sub-Committee-ah hian member pakua awmin nikum lama mi zat chiah kan nih avangin Editorial Board member atan kan inruat vek. A chunga kan hmuh ang khian Editor

atan, Pu R. Malsawmtluanga ruat a ni a, Joint Editor-ah mi 3 awmin, News Editor 3 leh Circulation Manager atan pakhat ruat a ni. Kum hmasa lama board member 3 chawlin mi thar 3 kan awm belh dawn thung a ni.

Nikum khan chanchinbu hi tluang taka kalin hmanral engemawzat a awm chungin cheng sing thum chuang zet kan hum thei a, hei hi khawtlang mipui, chanchinbu min hlutsak tu te vang a ni a, in chungah kan lawm takzet a ni. Kumin chho pawh hian tlawmngaih chhuaha min lo lak sak zui zel turin kan nge che u a, keini lam pawhin

theihtawp kan lo chhuah zel dawn nia.