Skip to main content

LOVESONG HI SUAL A NI EM?

  (Sawiremtlang editorial) 

 

Tin, i mit/kut in a tihtlûk che chuan, kherchhuak/tan la, paih daih rawh; mit/ke khing hnih neia Gehenna meia paih ai chuan, mit/ke khing khat neia nunnaa luh i tân a ṭha zâwk e.(Matthaia 18:8&9)


Tunlaia Mizo zaithiam lar ber pawl, J. Lalrosanga chuan thla thar (April) atanga lovesong nilo, Pathian hla (gospel) chauh sak a tum tawh thu a sawi.


Hetianga a tum chhan hi a thlarau nun ti chau thei a a ngaih vang a nih a lang. Hetiang deuh hian zaithiam lar tak tak, heng : Lalsangzuali Sailo, RTC Lalduhawmi leh Vanlalsailova te pawhin love song an sak thin chu bansana Pathian fakna hla chauh sa turin a lo intiam tawh a nih kha. An ti hlawhtling ngei pawhin a lang.


Mi thenkhat chuan  hetianga love song atanga gospel a inleh kher hi tul kan ti lo maithei. A mawh lo e. Setana hian hmanrua hi a ngah khawp a, lovesong sa thin chuan piangthara gospel an sak a hlau em em ang tih a rinawm. Chumi a nih avang chuan heng zaithiam kan sawi tak te chungah hi chuan love song sak zel kha sual (thlemna) a ni tlat a ni.


Kan mizia azir hian Setana pawh hian min thlem thin tih hria ila, mi in love song an sak avanga Pathian laka hrang ta riaua an inhriat chuan chu chu an tan chuan sual lian tak niin bansan a ngai a ni mai. Zu in tur te, eiru tur te, rui tur te, inkhawm thatchhe tur te adt. in mihring azirin Setana hian min thlem thin. Kan tana ho tak kha thenkhat tan chuan tlukna a nih theih avangin zaimi thenkhat tan chuan lovesong bansana gospel a in sawrbing kha sual hnehna pawimawh tak a ni thei ang.


A chunga Pathian thu kan hmuh ang khian min ti tlu thei thil chu kan tan hlu leh tangkai tak pawh ni se Gehenna meia paih ai chuan hnawl ngam a pawimawh hle a ni. Chuvangin, lovesong sak pawh thenkhat tan chuan sual ani kan ti thei awm e.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more