1st. Saturday : Mizorama Roman Catholic Kohhran lo luh kum 100-na (centenary) chu Christ the King Cathedral, Kulikâwn Aizâwlah a lawmna hawn a ni.
2nd. Sunday : Sairâng Presbyterian Kohhran biak in bul kawrah mihring ruh ro hmuh a ni a; a thuamhnaw aṭangin mipa ni ngeia rin a ni.
3rd. Monday : Excise & Narcoticst Department leh Assam Rifles ṭang kawp chuan Aizâwl Zodin Square-a over bridge-ah heroin gram 50 chu Tingngaihawmi (40), Ngûr hnen aṭangin an man.
4th. Tuesday : PWD Minister, Pu Vanlalhlana'n
Election Model Code of Conduct (MCC) a bawhchhiat avanga State Election Commssion a ngaihdam a dilna na chu State Election Comission, Dr. H. Lalthlangliana chuan a thil tih pha lova ngaihdam a dil te, a thil tih chu a vawikhat tihna anih avang leh ti tawh lo tura a intiam avang te in ngaihdam a dilna chu a pawm sak. Pu Vanlalhlana hian a bial Aizawl North I huam chhung veng hrang hranga ZPM VC Candidate vote tura mipui sawmna, Video Clip a tihchhuah chu Minister Office atanga siam ni-a a lan avangin MCC bawhchhia-a puh a ni.
5th. Wednesday : SP, Lunglei hnuaia District Special Branch-te chuan heroin sahbawn bâwm 34-a dah, gram 368.6-a rit chu Zomuanpuia (36), Lunglei Zohnuai hnên aṭangin Zobâwk Vêngthar, Lunglei area-ah an man.
6th. Thursday : Uzbekistan a World Armwrestling Cup neih mekah Mizo kut elh chak, Denic Lalruattluanga Vangchhia chuan Kazakhstan player hnehloin silver medal a la.
7th. Friday : All Mizoram VC Association-in VC term tihtâwi chungchânga Mizoram sawrkâr a khinnaah Gauhati High Court-in Mizoram sawrkâr thiam a chantîr.
8th. Saturaday : Sorkar in airport tihral an tum chungchangah MNF Party hruaitute chuan Lengpui airport an tlawh a, he hunah hian MNF Legislature Party Leader Pu Lalchhandama Ralte bakah MLA - Pu Lalrintluanga Sailo, Pu L. Rohmingliana, Pu Ramthanmawia, Pu K. Laldawngliana, Pu H. Lalzirliana leh Pu Lalrinsanga Ralte te an tel.
9th. Sunday : Presbyterian kohhran hmeichhia ten Zirtawpni atanga pastor bial inkhawmpui an hman chu a tiak.
10th. Monday : ZPM General Headquarter chuan Party office ah chhung inkhawm an hmang a, he hunah hian Sport Minister, Lalnghinglova Hmar chuan, Kal phung thar mipui sawrkarin Zoram tha zawk a thlen ngei dawn tih a sawi. VC leh LC inthlanah sawrkar bawm zawnho pui thei tur thlang turin mipui a sawm.
11th. Tuesday :
Lokayukta chairman, Lalmalsawma chuan Governor Gen. Vijay Kumar Singh hnenah Mizoram Lokayukta Fifth Annual Report 2023-2024 a hlan a, Mizoram Legislative Assembly budget session-ah pharh a ni ang. Mizoram Lokayukta-ah thubuai 71 ziah luh a ni tawh tih tarlan a ni. Annual Report hian April 1, 2023 leh March 31, 2024 inkar a huam a; Governor Gen. VK Singh hian Lokayukta Chairman leh member pahnih - Lalsanglura leh Joel Joseph Denga te chu an hmalakna hrang hrangte a sawipui nghal.
12th. Wednesday :
Village council leh local council inthlanpui chu Mizorama district pakuaah tluang taka neih a ni a, rokhawlhna avanga inthlang theilo khaw tlem azawng an awm thung. Rorel lai, ZPM chuan seat 3,127 zinga 1,505 la in an la tam ber a, MNF seat 940, INC seat 551, BJP seat 17 leh Hmar Peoples Convention (HPC) party-in seat 3 an la ve bawk a, independent candidate-te'n seat 99 an la bawk.
13th. Thursday :
Pathianni thleng awh tur, Lunglawn Muala pandal sak, Krista Pasalṭhate Rûnah Mizoram Ṭhalai Kristian Pawl (MṬKP) inkhawmpui chu ṭan a ni.
14th. Friday : Valentines Day a ni a, he ni pual hian Association for Voluntary Blood Donation (AVBD) leh Mizoram State AIDS Control Society (MSACS) chuan Mizoram hmun hrang hrangah thisen pek runpui an buatsaih a, Mizoram pumah thisen unit 663 pek a ni.
15th. Saturday: Chief Minister, Pu Lalduhoma leh Sericulture minister, Pu Lalthansanga te chuan Zemabawk North-a Sericulture Complex an tlawh a, hnathawh mek leh hmalak zel dan tur an enpui.
Pu Lalduhoma chuan Sericulture chu department pawimawh tak a nih thu leh Mizoram ei leh bar chawikan nana hmanraw tangkai ber an nih theih thu a sawi a, Central Sawrkar pawhin Sericulture chu a ngaih pawimawh thu leh project engemawzat bawhzui tura ruahmanna an siam mek thu a sawi bawk.
16th. Sunday : K Zorammuana (23) s/o K Lalliansanga Sangau chu a ṭhiante nen Nghalchawm kai, Tlawng luia an kal chu chesual palhin tuiah a tlahlum.
17th. Monday : Sihphir Venglai kohhran chuan biak in thar an sak dawn avanga a hnawk dawn avangin an biakin thlanga Masihi Sangati (Non-Mizo) Biakin chu an thiat. Biak in hi March ni 1, 2000 kum khan a hunlaia bialtu pastor, Rev. C. Satliana chuan a hawng ani. Bial hminga sak ni mah se Venglai kohhran kutah hlan a ni tawha, hmanraw hlui pawh hi Venglai kohhran ten an chang zui dawn a ni.
18th. Tuesday : Feet 300 vel a sang, Mizorama Skywalk hmasa ber tur, Aizawl Peak, Hangi Lunglen tlang a mi chu CM, Lalduhoma'n a hawng. Skywalk hi mimal (Er. H Ginzalala, MLA) ta leh enkawl niin, a siam nan kum hnih chhung hman niin, a him tawk tih mithiam te pawm thlap a ni.
19th. Wednesday :
March ni 20 thleng awh tur,
Mizoram Legislative Assembly Budget Session chu Legislative Assembly House, Aizawlah tan a ni.
Budget Session tan ni hian Larsap Gen (Rtd) Vijay Kumar Singh chuan thusawiin Legislative Assembly Annual Budget Session chu sorkar pawisa lut leh chhuak tarlanna satliah mai ni lo, mipuite tana sorkar hmachhawp leh ruahmannate tarlanna a nih thu a sawi a, assembly session-a thil sawi ho leh rel te chuan mipui tan hmasawnna a thlen ngei a beisei a ti. Mizoram Legislative Assembly-in rorelna kalphung zahawm tak vawnhim kawngah sulhnu duhawm tak a lo nei tawh thin tih sawiin, member-te chu he sulhnu chhuanawm tak hi chhawmnung zel turin a sawm a ni.
20th. Thursday:
Mizoram State din champhaphak vawi 38-na a ni a, Mizoram pumah ram tana a huho a tawngtai ‘State Day of Prayer’ hun atana hman a ni.
A hmanna pui ber Aizawl Lamual-ah chuan ‘I ram lo thleng rawh se’ tih hmangin tawngtai beihpui thlak a ni. He hunah hian kohhran hrang hrang atangin zaipawl sang chuang in 'Haleluia Chorus' hla an rem bawk.
21st. Friday :
Lalmuanzuali
Sihphir lehkhabu ziah ‘Wild
Whisper’ chu ICFAI University Registrar, Dr. David Lawmzuala'n a tlangzarh.
He lehkhabu hi ICFAI University in Lenlai 2023 peotry writting competition a buatsaih a lawmman pahnihna a ni.
22nd. Saturday : Chief Minister, Pu Lalduhoma pianchampha vawi 76 na a ni a, hemi pual hian Prime Minister Narendra Modi leh ramchhunga hruaitu hrang hrangten piancham chibai an buk.
23rd. Sunday : Johny Lalrinsanga, Saizawh chu a hnathawh na Aibawk bul a Tlawngah a tlahlum. An khua, Saizawh hi kal a hautak tham deuh avangin a nu ngenna angin a fate awmna (an inthen tawh ani) Sihphir thlanmualah phum a ni.
24th. Monday :
Parawl, Hosana Lalrinpuia (Hos-a), kum 42 chu a chenna In Tuikhuahtlangah thi a hmuh a ni.
25th. Tuesday : Ni thum awh tur Aizawl Day lawmna chu Aizawl Mayor, Pu Lalrinenga’n Aizawl Sipai Lammualah a hawng.
Pu Lalrinenga chuan Aizawl khawpui chu ni 25 February, kum 1890 atang khan mei mit lova luah lum nia chhinchhiah a ni a ti a, chumi champha chu Aizawl Day chu niin; Aizawl khawpui din cham chu Aizawl Mihlun Thlah ten an lo lawm thin thu a sawia, kum 2023 atang khan Aizawl Municipal Corporation kutah Aizawl Day lawmna chu tla in AMC hmahruaina a lawm thin a nih tak thu Pu Lalrinenga chuan a sawi a ni.
26th. Wednesday :
PHE, Minister Prof. Lalnilawma chuan Tlawng lui (Reiek kai)-a tui kam khuahna, temporary barrage siam hnathawh mek chu a enfiah. Prof. Lalnilawma hi PHE hotuten lo dawngsawngin hmalakna leh ruahmanna dang awmte an sawi ho.
27th. Thursday : LADC CEM atan ZPM legislature party leader, Pu V. Zirsanga chu Chief Executive Member, Lai Autonomous District Council atan Lawngtlai Deputy Commisioner, Pu Cheemala Siva Gopal Reddy, IAS chuan rinawmna thu tiam tirin a la lut.
28th. Friday : Aizawl South III Bialtu MLA, Pi Baryl Vanneihsangi pianchampha (1991) a ni a, hemi pual hian Women Centre Jail tlawhin thilpek chi hrang hrang a hlan. Hmeichhe Jail tang mekte chu inhremna anga ngai lo a, nun bul thar an neihna tura kailawn pawimawh tak a nih tih hre turin a chah a. Thawktute pawh Jail-a awm mekte chu hmangaihna nen enkawl a, nun bul thar an neih ngei theih nan thahnemngai taka thawk turin a chah bawk.
Comments
Post a Comment