Skip to main content

FEBRUARY 2025, SIH(PHIR) DIARY

 


1st. Saturday :  Sihphir Presbyterian Committee Room-ah MPF Local Forum te chu VC inthlan lo awm tur atan hmalakna tur chi hrang hrang te ngaihtuah in an țhu khawm. 


2nd. Sunday:  

Vanlaltluanga, kum 65 h/o Ronghinglovi,  Kawn Veng chu 'Cancer' natna avangin Synod Hospital, Durtlangah a boral.  


3rd. Monday : Naute, Vanlalpeki d/o Zorammawia, Venglai chu rannung seh avangin Synod hospital-ah admit a ni.


4th. Tuesday : VC inthlan lo awm tura Returning Officer, Pu Lallianfala chuan vote thlaktu tur te tana hriat tur pawimawh chu social media kaltlangin a tarlang.


5th. Wednesday : YMA

hnuaia Khawntesep Sub-Committee te

Conference Hall-ah an committee a,

Library Committee te Pu Laldailova te In

Damvengah an committee bawk.  


6th. Thursday : Sihphir

Venglai Kohhran Pavalai Pawl te chuan

Jehova Rapha Team Speaker Upa David Lalnunchama Speaker-a hmangin retreat

(intuaitharna) an nei.


7th. Friday : VC

inthlan lo awm tura Counting

Supervisor leh Counting Assistant tura

ruatten DC Office, Aizawlah Training

an nei a, Sihphir atang pawhin vote

chhiar turte an tel.  


8th. Saturday: Bial Kohhran Hmeichhe Inkhawmpui, Hmarveng kohhrana hman mek chu rorela chhunzawm a ni a, hruaitu thar an thlang nghal.


9th. Sunday : YMA hnuaia section hrang hrang hruaitu tur te chu thlan a ni. Inthlanna hi hmun remchang laiah ballot box hunga tih a ni a, section tinah nomination 12 vek awmin heng zing atang hian mi 6 thlanchhuah an ni.


10th. Monday : Pu H. Lalremruata, Secretary, MPF chuan VC inthlan chungchanga MPF ngenna a ti chhuak. Ngenna an siamah chuan vote thlak theuh tur te, Candidate te rulh tura dawra thil lo ei leh batloh te, Polling area a  rui chunga awm  lo tur te, inthlan nia vote thlak tura motora inhruai tir lo tur leh sum leh therhlo dang hmanga vote lei leh hralh phal a nih loh thu te a ni.


11th. Tuesday : Lalbiaknunga, kum 33 h/o Malsawmtluangi, Kawn Veng chu 'Thinlian' avangin ZMC, Falkawnah a boral. An in luah hi a tet deuh avang leh panna a harsat deuh avangin a nupui te inpui lamah a ruang hi dah a ni. 


12th. Wednesday :    21st. Village Council Election chu Zoram hmun dang rualin tluang taka neih a ni.  ZPM chuan seat la tam berin seat nga an la a, INC in seat thum leh MNF ten seat khat an la ve bawk.                 


13th. Thursday  : Sihphir Village Council Executive Body 2025-2030 chu hetiang hian siam fel a ni :

President : Pu R. Lalremruata

Vice President :

Pu H. Vanlalruata

Treasurer :

Pu R. Lalduhzuala 

Secretary : 

Pu Hrangthansanga


14th. Friday :Tv. Malsawmpuia s/o Pu H.

Lalnghinglova, Kawnveng chu ATC-ah

BD zir turin a tling. Class June thla lamah neih tan chauh tur a ni thung.


15th. Saturday: Pi Lalnunmawii w/o K. Vanlalchaka, Kawnveng chuan a hmasa ber atan fapa, Noah Lalhmangaihsanga, kg 3.740 a rit chu a hring.


16th. Sunday : KTP Day a ni a, Venglai Branch te chuan biakinah KTP flag tarin zan inkhawm te pualin thingpui an buatsaih bawk.


17th. Monday : Venglai kohhran chuan biak in thar an sak dawn avanga a hnawk dawn avangin an biakin thlanga Masihi Sangati (Non-Mizo) Biakin chu an thiat. Biak in hi March ni 1, 2000 kum khan a hunlaia bialtu pastor, Rev. C. Satliana chuan a hawng ani. Bial hminga sak ni mah se Venglai kohhran kutah hlan a ni tawha, hmanraw hlui pawh hi Venglai kohhran ten an chang zui dawn ani. 


18th. Tuesday : Sihphir Village Council hlui leh Village Council thlan thar te chuan charge an inhlan a, sitting hmasa ber an nei zui nghal. 


19th. Wednesday :  

HSLC Examination 2025 chu tan a ni a, Govt.

High School Sihphir pawh exam center zingah telin Sihphir town chhunga school hrang hrang te an exam a ni.


20th. Thursday : State day a ni a, Zoram hmun dang rualin Sihphirah pawh Rohrenga Hall, Kawnvengah  hman ve a niin mi 200 velin ṭawngṭaiin Pathian an au a ni.


21st. Friday : Nl.

Lalmuanzuali d/o Lalthlamuana Royte, Kawnveng lehkhabu ziah 'Wild

Whisper’ tih chu ICFAI University-ah ICFAI University Registrar, Dr. David Lawmzuala'n a tlangzarh.

He lehkhabu hi ICFAI University in Lenlai 2023 peotry writting competition a buatsaih a lawmman pahnihna a ni.    


22th. Saturday :  

N.Kaikunga, kum 96 h/o Pi Laltlanthangi, Kawn Veng chu an chenna Inah 'Awmlai' in a boral.  A ni hi Sihphir khuaa upa ber ni mek a ni.


23rd. Sunday : Johny Lalrinsanga, Pu Lalniliana, Arpu te makpa hlui, a nupui nen an inthen avanga khaw danga awm ta chu Tlawngah a tlahlum a, an khua, Saizawh hi kal a hautak tham deuh avangin a nu ngenna angin Sihphir thlanmualah phum a ni a, YMA ten lo tuamhlawmin YMA Hall-ah vui a ni.   


24th. Monday : MHIP hruaitu tur chu YMA Conference hall-ah thlan a ni. 


25th. Tuesday : YMA thlabi committee hmasa ber chu Conference hall-ah neih a ni.


26th. Wednesday : Gram Sabha chu Rohrenga hall-ah neih a ni a, he hunah hian ni za inhlawhna chungchang thil pawimawh hrang hrang rel a ni a, kum 2025-'26 chhunga VEC hruaitu tur thlan nghal a ni bawk.


27th. Thursday : Ni thum thanga Farmer producer group (FPO)  exposer visit a Khanpui leh a chhehvel tlawha zin, Pu Lalmalsawma, Tamlo veng, board Vice chairman chuan dam takib Sihphir a lo thleng leh ta.  


28th. Friday : Pu Lalhmachhuana, kum 48 s/o Lianthangpuia, Tamlo Veng chu a motor chuanna chhungah 'Lungphuchawl' in a boral.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more