JANUARY 2021, SIH(PHIR) DIARY
1st. Friday : Sihphir Branch YMA chanchinbu, Sawiremtlang kartin chhuak enkawltu te chuan kumi'n atana chanchinbu chhuak hmasa ber tur buaipui pahin an chhut thinna hmun, Hope Computer Centre-ah chaw an eikhawm.
2nd. Saturday : Pi Biaktluangi, Dinthar veng tu leh fa, hmun hrang hranga awm te chuan an pu, Lallura a fapa in a boral san avangin an ral.
3rd. Sunday : Branch YMA hruaitu tur chu VCP, Pu Lalropuia Pachuau kaihhruaina in community hall-ah thlan a ni a, member 133 in vote an thlak. OB ni lai panga an tling leh a, President ni lai, Pu Lallianfala chu President a ni leh ang.
4th. Monday : Multipurpose Indoor Hall-a Undivided Sihphir Fitness Centre chu R. Rosanga, President, Aizawl East I North Block MNF chuan ribbon chep chatin a hawng. He hun hi Health and Fitness Association Vice President, Laltlanmawia Sailo in a kaihruai a ni.
5th. Tuesday : Tamlo veng Welfare hruaitu tur Pi Vanlalsawmi te inah VCM, Pu H. Lalnghinglova kaihhruaina in neih a ni a, Pu Lalrivunga h/o Kros Chhuanawmi chu Chairman atan thlan a ni.
6th. Wednesday : YMA in, Kawnvenga Pu H. Rokunga ten dawr atan an luah lai chu a bang ti chhia a rawk a ni. Eitur bakah bungrua thenkhat an la ni'a hriat a ni. Bang hi YMA hruaitu thenkhat ten an siamtha nghal.
7th. Thursday : Kawnveng Self Help Group te chu Bank Facillitator, Pi Vanrammawii Fanai hnenah sum enkawl dan zirin an traning.
8th. Friday : Nikum January ni 8 a boral, David Malsawmtluanga h/o Lalvohbiki a thih champha pualin a nu Lalhmunmawii h/o Lallura te inah thenrual tha te an lengkhawm. Tlaiah chawhlui an kilho nghal.
9th. Saturday : Sihphir Pastor Bial KTP te chuan CKṬP hmingin Synod Hospital tan Sihphir Presbyterian kohhran Centenary Hall-ah thisen unit 43 an pe a, thisen petu te hi mipa 36 leh hmeichhia 7 an ni.
10th. Sunday : Sihphir Arm Wrestling Club te chu Tv Lalzarmawia te inah an committee-a, he hunah hian March ni 27, Inrinni-ah tournament neih an rel.
11th. Monday : Social Reform & Action Committee te chu Pi Remlali, Neihbawi in sak puiin an hnatlang.
12th. Tuesday : Village Council chuan thlanmual kawnga State Finance Commission aṭanga an hnathawh la chuang hmangin Health & Wellness Sub-center Sihphir tan Gas connection ₹ 8,000/- leh BP check na ₹ 3,000/- leina tur an pe.
13th. Wednesday : Sakawrhmuituai tlangdung lawn thin te lirthei hunna hmun pui (Parking Place) tur leh main entrance tura hisap chu Sihphir Branch YMA chuan JCB hmangin a lai tan. Helai hmun hi Zo phei a YMA tuikhur piah kawng chung, Forest Nursery hmun hlui zawl deuh sa kha a ni.
14th. Thursday : Nghakliana (80) h/o Lalringaii (L), Neihbawi Veng chu Synod Hospital, Durtlangah ‘Thisen var tlachham’ avangin a boral.
15th. Friday : Thlai thar rate chungchang ngaihvenin MAHFED
Chairman leh manager
an lo kal. Sihphir leh Venghlun VC te bakah
huan thlai siam hruait ten V/C house-ah an lo dawngsawng.
16th. Saturday : Branch YMA chu Conference Hall-ah kumthar duangin an committee-a, kum 2021 chhunga hmalak dan tur hrang hrang an rel. Tlaiah chawhlui an kilho nghal.
17th. Sunday : Sehlawh zau ram neitu te chuan kum 2021 chhunga hruaitu tur an thlang a, hetah hian Pu Laldanmawia, Dinthar veng chu President atan thlan a ni.
18th. Monday : Sihphir Branch YMA hnuai-a media and documentation sub-committee chu Hope Computer Centre-ah an meeting-a, he hunah hian Sawiremtlang chanchinbu kalphung tur hrang hrang te sawi ho a ni. Kum 2021 chhunga editor atan circulation manager tang lai, Lalchhanhima Varte, Branch Committee member chu ruat a ni. Meeting hi sub-committee chairman, Tv H. Lalrindika'n a kaihruai a ni.
19th. Tuesday : VC House, Kawnvengah VC, Sihphir huaihawtin Sihphir khawchhung kawng line marking chungchang a hmalak dan tur relin Pu Lalropuia Pachuau, VCP kaihhruaina hnuai-ah Sihphir leh Sihphir Venghlun VC aiawh, Branch YMA pahnih aiawh bakah Sihphir VC hnuai a Village Task Force On Traffic ten joint meeting an nei.
20th. Wednesday : Sihphir Self Help Group VO-II, MZSRLM leh Sihphir khua a vety. dept. tangkawp chuan ran vulhtu te an ran ina kal chilhin vawk 182 leh ar 400 te a thlawnin vaccine an pe.
21st. Thursday : Social Reform & Action Committee (SR & AC) leh all NGO join meeting chu Conference Hall-ah neih a ni a, khawtlanga sual dona kawng hrang hrangah SR & AC te hmalakna reng reng an thlawp tlat a ni tih resolution siamin an tarlang. Inkhawm hi Pu Lalropuia Pachuau, VCP in a kaihruai.
22nd. Friday : Neihbawi Bazar atangin khaw chhung lam panin road marking tih tan a ni. Local Level Task Force On Traffic te bakah Chawngbawla Section YMA hruaitu ten an tawiawm.
23rd. Saturday : Kristian Thalai Pawl Sihphir Pastor Bial Conference chu Sihphir kohhran biak inah rorelin neih a ni a, tlaiah chawhlui an kilho nghal. Conference-ah hian kum 2021-2022 chhunga Office Bearer tur thlan nghal a ni a, Leader atan Pu H. Lalremruata, Venglai Branch chu thlan a ni. Hripui avangin nikhat chhung chauh hun hman a ni.
24th. Sunday : Tamlo veng Welfare te chuan kum 2020 a V/C buatsaih, veng fai lawmman pakhatna an dawn chu Pi Vanlalsawmi te inah an lawm. He hun hi naupang puala hman a ni a, H.Lalnghinglova VCM chuan a hman pui.
25th. Monday : Hripui leng avanga hun rei tak a tlanloh tawh hnu-ah Sihphir-Chanmari bus chu a tlan leh tan ta. Mipuiin an hlut hle.
26th. Tuesday : Branch YMA chu Sakawrhmui tuai tlang panna kawng siamin an hnatlang. Hnatlang hi VCP, Pu Lalropuia Pachuau in a tawiawm a, Chief Minister, Pu Zoramthanga'n pawisa fai thahnem tak in a tanpui bawk.
27th. Wednesday : PYD te chu Rev Biaksangzuala huan, Neihbawi-ah leirawhchan thiarin an hnatlang.
28th. Thursday : Zu engenawzat man sak an nih avanga khua-a awm zui lo tura tih, C. Parliana w/o Lakbiakzuali leh Lalremsanga w/o Lalfamkimi Theihaingaw ve ve te chuan Sihphir khua an chhuahsan.
29th. Friday : Esther Lalmalsawmi d/o H. Lalrinliana, Kawnveng chu a pian champha kum 11 na a ni a, thenawm vela nupang hote sawmin hlim takin an lawm.
30th. Saturday : Social Reform and Action Committee te chu sualna hrang hrang laka inhnamhnawih leh lehkha pek lo ni tawhte pualin Thingdawlah ṭawngṭai in an kal.
31st. Sunday : Asia Pacific Youth Exchange (APYE) Online India 2021 chu January ni 28 atang khan India ramah a neih tan a ni a, Mizoram-in he programme hi a thleng. Sihphirah pawh zirlai 6 te zan hnih riak turin an lo thleng. V/C house-ah an innghat ang.
FEBRUARY 2021, MIZO (RAM) DIARY
1st. Monday : Sihphirah ZPM Thalai Unit din niin, hruaitu thar thlan nghal a ni a, K.Sapdanga, Vice President, ZPM chuan he hun hi a hmanpui. K. Sapdanga chuan, “An tiam tawh an tihhlawhtlin a awm mang loh laia, tiam belh tura hmanhlel politician-te hian kan vote an rawn dil leh anih pawhin, kan in kawngka hawn sak mah ila, kan thinlung kawngka hi chu i khar hnan ve tawh ang u,” tiin Thalai kalkhawmte a fuih.
2nd. Tuesday : Sairengpuii (50) d/o Hualziki, Sihphir chu pumna avangin Civil Hospital-ah a boral. A thih danah mi kut tuar ni a hriat a nih avangin Police-ah FIR thehluh a ni a, pawikhawihtu ni a puh, Lalhmangaiha (40) s/o Hnehliana, Sihphir chu police in an man.
3rd. Wednesday : Vanlalchhanchhuaha kum 26 s/o Thathuan 'L' Champhai leh Vanlalmalsawma (Ramuka) kum 35 s/o Chhanerh Sangau-I, kar hmasa Inrinni-a Siaha District jail atanga tang tlanchhuak pathum zinga pahnih te chu Sangau-ah man an ni. Heti hian man kim an ni ta.
4th. Thursday : Dr R. Tlangkunga (79)
Dawrpui, Mizo zinga Surgeon kan neih hmasak ber pawl chu Civil Hospital Aizawlah lung lam natna (heart attack) avangin a thi. Civil Hospital Aizawlah Medical Superintendant in kum 20 leh thla riat (22.1.1979 - 7.10.1999) a thawk a, hemi hnu hian Director of Hospital & Medical Education hmasa ber niin a pension.
5th. Friday : Sihphira thil hlui humhalhtu pawl, LIDCAS te chuan Mizo history-a hmun pawimawh tak chelhtu, Kawlawia thlan, Sairum rama mi chu an tlawh. Anni hian mumal taka humhalh turin hmalak an tum mek a ni.
6th. Saturday : Covid 19 hripui leng avanga nikum March ni 22 atanga a huhova inkhawm khap anih hnuin Mizoram hmun hrang hrangah kohhran engemawzat an inkhawm leh tan ta.
7th. Sunday : Covid-19 hri leng avanga hun rei tak inkhawm theih a nih loh hnu in kohhran tam zawk te an inkhawm tan leh.
8th. Monday : Mizo National Front chuan Serchhip Assembly bial bye-election neih turah an party Vice President, Vanlalzawma an din tir dawn tih President leh Chief Minister ni bawk, Zoramthanga chuan a puang.
9th. Tuesday : Mizoram leh Assam ramri buai kal zelah Presbyterian Mission School, Synod Mission Compound, Gharmura, Haiklakandi District-a Mission Headmaster, H. Vanlaldika s/o Sihphir te chhungkua, member panga awmna chuan Assam mipui te kut nasa tak an tuara, an taksa leh an bungrua te nasa taka nghaisak a ni. Thisena inchiahpiah nuaiin Civil Hospital, Kolasib panpui nghal an ni.
10th. Wednesday : Law & Judicial Minister, TJ.Lalnuntluanga chuan ZOHANCO Special Handloom Expo-2021 chu Champhai-ah a hawng a, hawnna inkhawmah hian thusawiin minister chuan "Mizo hnam a boral loh nan Hnam ziarang leh incheina vawn nun tlat a pawimawh," a ti.
11th. Thursday : Mizoram Thalai Kristian Pawl rorel vawi 67-na chu BCM Biak In, Electric Veng, Aizawlah neih a ni a, he hunah hian budget atan cheng nuai 13/- pawmin, TKP memberte'n rilru hrisel zawk neih a nih theih nan MTKP in hmalak nise tih leh fa neih tam in zirtir kawngah MTKP in hma la se tih te an rel.
12th. Friday : Thangzela (38) s/o Lalkawlliana (17) leh Thanglalduata s/o H. Muana Sunhluchhip khua ve ve te chu, Tuirialah chesualin an pahnih hian an tlahlum. Thangzela leh midang pali te hi Tuirialah hian an riak a. Tlai lamah midang riak ve te bula leng tura an lawngleng hmanga an in karchhuak chu Lawngleng an tibuk palh a, an chesual ta nia sawi a ni.
13th. Saturday : Mizoram Presbyterian Kohhran Hmeichhe bial inkhawmpui chu Zoram hmun hrang hrangah rorel leh hruaitu thlan in hun hman a ni.
14th. Sunday : Bairabi North Branch YMA Kumpuan duty te chuan phai atanga lo kal, bungraw phur lirthei pakhat atangin sap zu case 34 leh beer case 1 an man a, lirthei khalhtu hnam dang chu a tlanbo.
15th. Monday : T. Pazawna (82) Ramhlun North, Aizawl chu COVID19 kaihhnawih natna avangin a thi. Pu Pazawna hi January ni 30 khan Aizawl-a damdawi in pakhatah inentirin COVID19 a vei tih hmuhchhuah a ni a. ZMC ah admit nghal niin ICU a enkawl a nih mek laiin a boral ta a ni. Covid avanga Mizoram a thi 10 a nihna chiah a ni.
16th. Tuesday : Aizawl Municipal Corporation (AMC) inthlanpui chu tluang taka neih a ni. AMC inthlanah hian chuh tu mi 66 awmin, MNF, Congress leh ZPM ten ward 19-ah candidate an nei kim a, BJP-in ward 19-ah an chuh thung. AMC huam chhunga vote nei mi nuai 2,20,110 in vote annei a, heng zinga 139743 in vote an thlak (63.49).
17th. Wednesday : Nikum November thla atanga neih, Melham Reality International Zo Children's Online Talent Search chu a hmawr bawk a ni ta a, naupang rilru chak, Brandon Lalhriatpuia (5) chu pakhatna a ni. He Talent search-ah hian Mizo naupang talent nei tha mi 100 chuang ten inelna an hmachhawn a ni. Inelnaah hian pahnihna chu Daisy Lalrinkimi (11) Phullen (zaithiam) niin pathumna chu Saidingpuia Sailo (8) Aibawk (khuangpu/drummer) a ni.
18th. Thursday : Tunkar Thawhlehni a thlan Aizawl Municipal Corporation vote chu chhiar a ni ta a, inthlanah MNF in seat 11 la in sorkar thei turin chakna an siam. ZPM in seat 6 la in INC in seat 2 an la bawk. Tuntum inthlanah hian AMC term hmasaa councillor ni lai mi 7 te thlan tlin leh an ni a, he'ng zinga 5 chu MNF councilor ni lai niin, INC councilor ni lai 2 an tling nawn bawk a, midang zawng chu mi thar vek an ni a, AMC term hmasa vawihniha councilor ni tawh, Rosiamngheta, INC chu tun term-ah hian a tling leh bawk.
19th. Friday : Deputy Chief Minister, MNF Sr. Vice President ni bawk, Pu Tawnluia hoin AMC councillor thlan tharte an thukhawm a, AMC a mawhphur turte an ruat. Mayor atan Pu Lalrinenga Sailo ruat a ni a, Deputy Mayor atan Pu R. Thanglura ruat a ni bawk. Executive Councillor atan mi pali, Pu Lalringliana, Pu Laltlanzova Khiangte, Pi B. Lalawmpuii leh Pu H. Zonunsanga te ruat an ni bawk.
20th. Saturday : Mizoram State dinhmuna hlan kai champha a ni a, Vanapa Hall-ah Mizoram sawrkarin hemi pual hian hun a hmang.
21st. Sunday : Inspector, V. Lalbiaksanga Vaivakawn OC, Aizawl Tuithiang veng chu lungphuchawl in a boral.
22nd. Monday : Covid-19 hrileng vanga kum khat dawn lai Mizorama zirna In te khar a nih hnuah sorkar ruahmanna angin pawl 9 leh pawl 11 zirlaite chuan sikul an kai leh tan ta.
23rd. Tuesday : Mizoram Legislative Assembly, budget session, March ni 17 thlenga neih tur chu tan a ni.
24th. Wednesday : Mizo National Woman Front (MNWF) te chuan Mizo hnam runah AMC 2021 inthlana hmeichhe tling tharte lawmpuina hun an hmanga, he hun hi minister, Dr. R. Lalthangliana chuan a hmanpui.
25th. Thursday : Kepran khaw dai-a kangmei chhuakah kangthelhtu zinga mi, Presbyterian kohhran upa, Upa Zamawia (87) chu a kang hlum.
26th. Friday : Lalropiangi in, Khawpuar Assam Type chu a kang. Pi Lalropiangi hian fa pahnih a nei a, tunah hian Aizawl Civil Hospital-ah damlohna a vangin awm mek a ni.
27th. Saturday : Mizo film uhnawm em em mai, scooty film-a a chang tupa Zorinpuia (28), Dinthar veng chu lungphu chawlin a thi.
28th. Sunday : Sairangah bike leh bike na takin an insu a, Samson Lalropuia (21) s/o Kapmawia, Ramthar Aizawl chu a hliam tuar loin Sairang damdawi inah a thi. Bike pakhat khalh tu pawh hi Civil Hospital, Aizawl lamah sawn nghal a ni.
MARCH 2021, SIH(PHIR) DIARY
1st. Monday : Covid-19 hri a len avanga hun rei tak chhung khar a nih hnuin pawl nga atanga pawl riat (Middle section) zirlaiten zirna in an kai leh tan.
2nd. Tuesday : Chief Minister, Pu Zoramthanga fapa, Tv Ramthansiama chuan a pa bial kan nih angin Sihphir khua a rawn tlawh a, natna avanga harsatna tawk chhungkaw engemawzat tlawhin tanpuina pawisa a pe.
3rd. Wednesday : V/C te chu an house, Kawnvengah an sitting-a, quarry lung chungchang leh lo hal chungchang te an rel.
4th. Thursday : H. Lalnghakliana, Chhanhim veng chuan kum 2015 a boral ta a nupui, C. Lalthanzauvi hriatrengna lung a phuna, thenrual tha te sawmin hlim takin an inpawl khawm. Zanriah an kilho nghal.
5th. Friday : March ni hnih atanga khelh tan, kum 2021 Volleyball Calendar-a Tournament hmasa ber, Mizoram District hrang hrang aṭanga players ṭha thlan bîk te'n an khelh ṭhin, 17th Inter District Volleyball Tournament Khawzawla neih chu a hmawrbawk a ni ta a, Aizawl district leh Saitual district ten final hi khelin Saitual hi an champion.Tournament-ah hian H. Lalrinmawia s/o Lalbiaktluanga, Kawnveng chu Best Spiker atân thlan a ni.
6th. Saturday : Taitesena section, YMA te chu an huamchhunga mi harsa te in sak chhunzawm sak leh in chhia thawmin an hnatlang.
7th. Sunday : Branch YMA OB te chu Treasurer, H. Laltanpuia inah an committee-a, executive committee kumthar duan lai-a hmachhawp hrang hrang te an thlir ho.
8th. Monday : Venglai branch Kristian Thalai Pawl te chuan cement chawhna khawl, Rs 1,45,000/- man an lei thar.
9th. Tuesday : Sihphir, Venghlun leh Nausel khaw chhunga kum 80 chunglam te tan covid 19 vaccine Community Hall-ah lak a ni.
10th. Wednesday : Tamlo veng atanga Pu TC Lalremruata te in chhuk thla, kumtin fur laia hreawm tak thin leh naupang tam tak tawlhthluk thinna kawng chu cement hmanga chhun that a ni.
11th. Thursday : V.C leh NGO's hruaitute’n VC area a veng hming leh a huam chin tur te relin joint meeting an nei. Joint meeting-ah hian graphic map duan sa chu projector nen Pu V. Lalrindika’n power point hmang a presentation a neih hnuah sawi zui a ni a. Siam rem ngai te siam remin an pawm ta a ni. Sihphir VC area hi Veng hlawm 12-ah then a ni.
12th. Friday : Lalawmpuia (Awmtea) memorial Arm wrestling competition chu Durtlangah neih a ni a, hetah hian kan tlangval te pawh tel ve in an che tha hle. Gold medal 1, silver medal 2 leh bronze medal 1 la in kg 60 huanga gold medal la tu Lalfamkima s/o Sawilaii, Arpu (Theihaingaw) chu a pumpuiah chak ber niin Champion of the Champions a thlan a ni a, cup mawi tak leh tangka fai thahnem tak a dawng.
13th. Saturday : Vanlalfela Hnamte, (47) s/o Rintluangi Kawn veng chu 'Stroke' avangin Vairengte damdawi Inah a boral. Vanlalfela Hnamte hi MRP niin Vairengte P/S-a post lai a ni.
14th. Sunday : Laldanglova Ralte, (39) h/o Pi Lalnunsangi, Dam veng chu 'Thinlian' natna avangin BN Hospital, Kulikawnah a boral. Amah hi Bukpui khawchhuak niin, a chhungte duh dan angin Bukpui lamah hian lak a ni.
15th. Monday : Village Council chuan Chhanhim veng a Pu R. Lalduhzuala in atanga Pu Lalthawma in inkar kawng 'Upa Kaichhunga road', R Zothansiama in atanga Pu Zosangliana Tochhawng in inkar 'Pu Buka road' tiin leh Melsawmkham chung a kros awmna 'Sihphir Park' ti te in hming an vuah thar.
16th. Tuesday : Village Council (VC) chuan LIDCAS te chu Kawlawia thlan an cheibawlna senso atan Rs 5,000/- an pe. Pawisa hi VC Treasurer, Pi Lalbiakdiki'n LIDCAS Secretary, Tv Zonunsanga a hlan a ni.
17th. Wednesday : Hripui avanga hun rei tak zan inkhawm a theihloh hnu in kohhran tam zawk chuan inkhawm an nei tan. Hetih lai hian Venglai Presbyterian kohhran chuan Pathianni kalta zan khan inkhawm hi an nei tawh thung.
18th. Thursday : R.K Vanlalpeka (37) s/o Pu R.K Lalduhsaka, Rinchhan Veng chu an chenna Inah 'Awmlai' in a boral.
19th. Friday : Tamlo Veng Welfare chuan Ruihhlo Do beihpui hawnna inkhawm open air an hmang. He hunah hian Pu Lallianfala, President, branch YMA chu khualzahawm a ni a, a ni hian Tamlo Veng Welfare Directory a tlangzarh sak nghal.
20th. Saturday : March ni 24 hi Branch YMA Rising Day a ni a, hemi pual hian thlanmual, sunhlutlang, library leh Neihbawi-ah te hnatlan a ni.
21st. Sunday : Venglai Presbyterian kohhran biak inah missionary, Pu H. Vanlaldika, Rinchhan veng, Garmurra, Assam-a thawk mek chuan tunhnai-a Assam misual ten an sawisakna chungchang report a pe. Pathian thuchah ropui tak a puangchhuak nghal bawk.
22nd. Monday : Mason Lalruattluanga, (Thla 4) s/o R. Lalbiaktluanga, Chhanhim Veng chu 'Bronchitis' natna avangin a boral.
23rd. Tuesday : Taitesena Section YMA te chu thlan lai-in an hnatlang.
24th. Wednesday : T.C Lalpartlana (80), h/o C.Vanlalruati, Arpu (Ramthar veng) an chenna inah 'Stroke' natna avangin a boral.
25th. Thursday : Pu Rozara, RO, Department of Soil & Water Conservation Department chuan Sihphira rubber chingtu te leh chin tuma hma la mek te a rawn kawm. Rubber chin hlawk dan leh hamthatna awm thei te an sawi ho.
26th. Friday : Lalmuanpuii d/o Lalnuntluangi,
Kawnveng chuan
Vanlalhmangaihsanga, Sialhawk chu pasal atan a nei.
27th. Saturday : Air Rifle Club te chuan Neihbawi Field-ah tualchhung mite tan bik silai kah intihsiak anbuatsaih.
28th. Sunday : Mizoram Fencing Association chuan an President, Pu K. Biakthianghlima ho-in Multiourpise Indoor Hall-a an room-ah Khelo India Sports hnuai-a Assam Rifles Public School Shhillong-a lut tura tling Sihphir naupang pasarih te lawmpuina leh fuihna hun an hmang a, V/C, YMA President te pahnih leh naupang nu leh paten an telpui.
29th. Monday : Vawmthianga, Pu Thangliana h/o Tlangmawii, Dinthar veng pu, kum 1950 a tuihri avanga Hortoki a phum tak ruhro chu a chhungte an phawrh a, Sihphir thlanmuala a nupui thlanah phum a ni.
30th. Tuesday :Tamlo veng Welfare te chuanruihhlo do beihpui thlakna pakhat atan zu leh ruihhlopualin ngaite ‘Welfare chhungkaw tawngtairual zan’ an hmang.
31st. Wednesday : Np Joseph T Muanbiaka (3) s/o Thangkhansona, Nausel chu UPHC-ah 'Rannung seh' natna avangin a boral. Sihphir huamchhunga thi a nih avangin kuang siam saka thlahliam a ni.
APRIL 2021, SIH(PHIR) DIARY
1st. Thursday : Lal Isua mantira a awm zan (venpui zan) ani a, kohhran hrang hrangah inkhawm awmin, kohhran engemawzat chuan Lalpa Zanriah Sacrament an kilho. Synod Moderator, Rev Dr. C. Lalhlira chuan Venglai kohhranah Sacrament a theh.
2nd. Friday : V/C Treasurer, Pi Lalbiakdiki pianchampha vawi 60 na a ni a, chhungkhat leh thenrual tha te sawmin hlim takin hun an hmanga, tlai-ah chawhlui an kilho nghal.
3rd. Saturday : Sihphir branch Kristian Thalai Pawl te chu khawhnuai kawng cement chhungin an hnatlang.
4th. Sunday : Easter Sunday a ni a, kohhran hrang hrang te chuan zingkarah Sunrise Service hun hmangin, chhun leh zan hunah Pathian biak inkhawm an nei hlawm.
5th. Monday : Sehlawh kawnga kalte kawng siam tha in anhnatlang.
6th. Tuesday : V/C house-ah Gram Sabha neih a ni a, he hunah hian Village Monitoring Committee leh Village Employment Committee Office Bearers tur te thlan a ni.
7th. Wednesday : VCP, Pu Lalropuia Pachuau, MNF General Headquarters Secretary ni bawk chu Serchhip Constituency MLA By-election lo awm turah party campaign pui turin party hruaitu engemawzat nen a zin chhuak.
8th. Thursday : Vanlalruati, (48) D/o Kutdengi, Tamlo Veng chu LRM Hospital-ah 'Ril T.B' natna avangin a boral.
9th. Friday : Aizawl District Volleyball Association 2nd Division Zone - B Season Ending Tournament Chanmari West Volleyball Court-a khelhah Sihphir team A te chuan Albert Volleyball Club, Muanna veng chu 3-2 a hnehin an champion.Trophy leh Rs 10,000/- an dawng a, first division-ah an in hlangkai nghal bawk. Tin, Nelson Zothanpuia s/o Vanlalhriata, Tlangveng chu best spiker atan thlan a ni.
10th. Saturday : Chhungkaw pawimawhna avanga chawlh hmanga rawn haw, missionary, Pu R. Vanlalsiama te chhungkua chu an thawhna hmun Rangamati, Assam panin an haw leh ta.
11th. Sunday : Bial Kristian Thalai Pawl te chu Sunhlu tlangah an bethel.
12th. Monday :
YMA Branch OB, Section tina leader te leh Mizoram sorkar-a Surveyor, Pu V. Lalrindika te chu YMA Conference Hall-ah
House No siam chungchang sawiin an inhmu khawm. He hun hi President, Pu Lallianfala'n a kaihruai a, Map/diagram duangtu surveyor, Pu V. Lalrindika'n Projector hmangin, ruahmanna a duan te a tarlang bawk.
13th. Tuesday : Nl Malsawmdawngkimi d/o Tlankimi, Kawnveng, tunkar Ningani-a Aizawla pasal nei tur chu a chhung ten thenawm khawveng leh chhungkhat laina te sawmin an thlah.
14th. Wednesday : Village Level Task Force chuan Covid-19 thawh hnihna a nasat chhoh zel avangin inkaihhruaina tur hlawm hrang 11 zet a chhuah.
15th. Thursday : Jio company chuan Arpu-ah sim card duh tan a thlawnin an pechhuak a, mi thahnem takin an book.
16th. Friday : April ni ruka thlan, Village Monitoring Committee te chu Pu Lalbiakkima Kawlni te inah chanvo insiam rem a, Chairman atan, Pu Lalbiakkima Kawlni, helama tawnhriat tha tak lo nei tawh chu thlan a ni. Secretary atan Pu Lalchhanhima Varte chu thlan a ni bawk.
17th. Saturday : Sihphir Pastor Bial KTP Diamond Ju-
bilee (Kum 60-na) lawmna chu SihphirKohhran Biak Inah neih a ni.
18th. Sunday : Tripura atanga lo haw, Marina Lalrinfeli d/o Lalmuanawmi, Venglai leh Vanlalruatpuii, Serchhip te chu VLTF ten Covid Care Centre atana an buatsaih, Govt . P/S-III, Tlangvengah khunghran an ni.
19th. Monday : Biaksangi, (82) m/o C. Vanlalpeka, Tamlo Veng chu an chenna Inah 'Cancer' natna avangin a boral.
20th. Tuesday : Arm Wrestling Club ten tun thla ni 24-a tournament siam an tum chu hripui leng mek avangin an thulh.
21st. Wednesday : AH & Vety Department hmalakna in tunlaia vawk hri leng mek, African Swine Fever chungchang zir hona Sihphir YMA conference Hall ah neih a ni. He hun hi AH & Vety Department Sihphir ten an kaihhruai a. Sihphir khawchhunga Vawk vulhtu thlan bik te bakah Sihphir VC leh Sihphir Venghlun VC te hnenah Vety officer Dr Ch Lalṭhafamkima chuan zirtirna a pe.
22nd. Thursday : Bangalore atanga April ni 14 a rawn haw, Lalremruati (23) d/o K. Lalbiakmawia, Venglai chu Covid 19 a lo positive tih hriatchhuah a ni. Amah hi home quarantine lai ani.
23rd. Friday : Venglai Presbyterian kohhran committee chu Committee Room-ah an thu a,
May thla inkhawm hruaitu turin Upa R. Sapthlengliana leh Upa Ch. Sanglura te an ruat. Thil pawimawh dang engemawzat an rel bawk.
24th. Saturday : Branch YMA hnuai a Section pakhat, Chawngbawla Section (Neihbawi lam) te chuan an Section chhung a parawl pakhat chenna In chu an thawm sak. Hei bakah hian a mutbu leh thuamhnaw an suk fai sak bawkin tui dahkhawlna tur Brite Bucket lian tak an lei sak bawk.
25th. Sunday : Vailokawn zau chhunga forest plantation leh a chhehvel chu nasa takin a kang.
26th. Monday : UPHC-ah Venghlun lam mi covid 19 hri kai mi 10 lai hmuhchhuah an nih avangin khaw pumin lockdown puan a ni.
27th. Tuesday : Sorkar-in covid 19 do na kawng a ruahmanna a siam pawisa lo, hmun danga zu lei tum mi 4 te chu Selesiha Executive Duty ten lo man in, VLTF Sihphir hnenah hlan an ni. Dan an bawhchhiat avangin Sorkarin chawi tur a tih zat Rs 1000/- ṭheuh chawi tur a tih an ni.
28th. Wednesday :
VC Emergency committee chuan
Bunghmun leh a chhehvel kang mek chu thelh theih a nih leh nih loh te finfiah ni se, ram kang dinhmun a zirin khawtlangah ram kang thelh tura au nise tih chu Pu Lalchhanhima Varte leh Pu Peter Lalrinnunga, Kawnveng ve ve te chu lamkalah tirin anni hian ram kang a rem ti tih thu an sawi.
29th. Thursday : Zan dar 8:00-ah khawtlang tan chhungtin te a rual a tawngtai a ni.
30th. Friday : Village Level Task Force, Secretary, VC Secretary ni bawk, Pu PC Lalrinliana chuan vanduaithlak taka Sihphir Venghlun lam a Covid-19 positive hmuhchhuah kaihhnawih leh chhan dang avanga hmalak mekna kal zelah thuchhuah hrang hrang a siam.
MAY 2021, SIH(PHIR) DIARY
1st. Saturday : A vawikhat na'n YMA Thlanmual Sub-committee te chuan awmze nei zawkin thlanmual lane an siama; thlan pariat siam hman a ni.
2nd. Sunday : Vanlalsiama (63) Pi Rengthangpuii nutapa, Arpu (Neihbawi veng) chu Stroke natna avangin a boral.
3rd. Monday : Hripui laka kan him theihna tura Mizoram Sorkar in vawiin aṭanga Total Lockdown a puan chu VLTF, Sihphir pawhin khauh takin ken kawh a tumin theihtawpin hma an la.
4th. Tuesday : Rural Industries Association chu kuang siamin an hnatlanga, kuang paruk siamin siam sa pakhat awm nen, tunah hian kuang pasarih a awm mek a ni. Tun tum kuang an siam paruk zinga pakhat hi covid19 avanga a chhe ber thleng palh thei thu hla-ah chhin hnu a hmel hmuh theih turin darthlalang vuah a ni.
5th. Wednesday : Social Reform & Action Committee chuan V/C house-ah ruihhlo avanga khawchhung aṭanga hnawhchhuah tura tih Lock down avang leh anmahni lainatna avanga chance pek Vanlalsawma, Kawnveng leh Lalbeiseia, Venglai te chu an kawm a, Pathian thua inkawmna nei tura ruahmanna siam a ni.
6th. Thursday : Sihphir VLTF te chuan Sihphir Venghlun VLTF hnênah a ṭul a an hman atan Rs. 5,000/- an pe.
7th. Friday : V/C house-ah gram Sabha neih a ni a, he hunah hian khawtlang hruaitu ten Covid -19 hri hluar zelah sorkar in hri veite a enkawlna hmun a khah tawh avangin VLTF Sihphir chuan kan veng chhungah vanduaithlak taka hri kai kan awm palh hlauh a, a enkawlna tur C4 ( Community Covid Care Centre) siam ni se ti a a rel chungchangah hemi atan hian sum engemaw zat a ngaih dawn avangin April ni 22-a Gram Sabha-in hmasawnna tura a lo rel tawh chu sut leh niin, kan khawtlang dam chhuahna tur a tan sum awm ang ang hman nise tih a ni.
8th. Saturday : Mizoram Sorkar chuan hripui inkaidarhna a nasat chhoh zel avanga May ni 10, 2021 atanga May ni 17 chhung a rampumah Total Lockdown a puan angin VLTF chuan Sihphirah pawh he hun hi khawtlang dinhmun thlir chungin inkaihhruaina tur a siam.
9th. Sunday : Village Level Task Force chuan Social Reform & Action Committee te chu duty na a an hman atan Rs 10,000/- an pe.
10th. Monday : Tunhnai-a kangmei in nasa taka a tihbuai, Vailokawn zau a Pi Laldinthari te chuan ram kan hnu a a hmasa ber atan an ram te an tlawha, an thlai kang chhe vek tura an ngaih, a tha an lo awm nual tih an hmuhin lawmawm an ti hle.
11th. Tuesday : Nl Malsawmdawngliani, Lab. Technician d/o Pu Lalrinliana Royte, Dam Veng ZMC-a thawk lai chu a thawhpuite zingah positive an awm avanga a in test ve chu vanduaithlak takin Covid-19 a lo positive tih hmuhchhuah a ni.
A quarter, Falkawnah Home Isolation in a awm zui ang.
12th. Wednesday :
VL Rema Tochhawng (49) h/o Sawikimi (VCM), Kawn Veng chu Tagore Hospital, Kolkata-ah COVID-19 shock avangin a boral. Kal thlak (Kidney Transplant) turin kumin January thla khan Kolkata hi an pan a ni. Kal petu tur a fapa, Zothantluanga bakah a nupui leh a fanu Zorinsangi ten an awmpui a. Covid-19 hri hi an kai ve tak hlawm avangin thil tih a harsat phah ta a ni.
A nupui leh a fanu hi an negative tawh a, amah leh a fapa Matluanga hi an la negative ve loh avangin enkawl chhunzawm an ni a. Pu Marema hi dialysis lak lai, taksa chaklo a nih tawh avangin ICU-ah ventilator nen enkawl te a ngai chho ta a. Tun dinhmun hi a thleng ta a ni.
13th. Thursday : Kapzauvi (74) w/o Chalhmingthanga, Tlangveng chu an chenna Inah 'Kal tha lo' avangin a boral. A ruang hi a fanu Pi Lalchhandami te Inah lak a niin vui nghal a ni.
14th. Friday : Pu Laldailova, Damveng thlam, Vailokawn a mi chu a bang tichhia in misualin an rawk.
15th. Saturday :
Lianzikpuii (76) w/o H.Zalawra (L) chu an chenna Inah 'lung thalo' avangin a boral.
16th. Sunday : Bolero, MZ06-7218, Zoliana, Ramhlun North a mi khalh chu Melsawmkhamah kawngsira thingkung su in a let a, motor neitu leh a khalhtu ni bawk, Pu Zoliana hian hliam tenau a tuar a, damdawi in panpui a ni a, first aid pek a nih hnuin in lama in enkawl tura hawn tir a ni. Motor-ah hian midang pakhat a phur tel bawk. A ni erawg hi chuan hliam a tuar lo thung.
17th. Monday : Sihphir a Covid-19 kaihhnawih awm chungchangah C. Remsangpuia (Ex Service), Arpu Veng, chuan Serkhan rama an huana hnathawk tura achhawr mek Tualbung khuaw mi Mipa 1, Hmeichhia 2 leh naupang kum 6 mi 1 te chu an chhungte Covid-19 positive an ni tih hriat a nih avangin an hnathawhna hmun atangin Synod Hospital, Durtlangah RAgT an nei a. Vanduaithlak takin Hmeichhe pahnih hi an lo positive a ni. Positive-te 2 leh naupang (positive zinga pakhat zawk fa) hi BSUP, Durtlangah dah an ni a, mipa 1 (negative) hi an awmna lamah haw mai a remchan loh avang leh positive contact a nih avangin a chhungte ngenna angin Middle School-I, Arpu-ah dah a ni. C. Remsangpuia hian a hlawhfa positive te nen an in contact tan atanga a chetvelna leh contact a lo neih dante uluk taka chhui nghal a ni a, a mah leh a chhungte bakah a contact hnaivaite quarantine nghal an ni.
18th. Tuesday : Chhanhim veng Wellfare te chuan Social Reform & Action Committee te hnenah a tul apianga an hman atan cheng 2,000/- an pe.
19th. Wednesday : Pi Lalthanzauvi, Kawnveng te chuan Melsawmkhama an huanah balhla hmun siamin thar tumin hma an la a, hlawhfa te hruaiin balhla kung engemawzat an phun nghal.
20th. Thursday : Lalhriatchhunga s/o Lalnunpuia Tochhawng, Kawnveng chuan Venglai Kohhranah nupui a nei.
21st. Friday : Social Reform & Action Committee te chu Aizawl lama ruihhlo la kal nia report awm bawhzuiin an duty.
22nd. Saturday : Social Reform & Action Committee te chuan Sihphira No. 4 bupui ber a sawi, Pu Lallawmkima s/o Rinkhami, Arpu Veng chu a in leh a vêl dapin No. 4 local rate-a Rs 90,000/- (singkua) man hû an man sak. Pu Lallawmkima hian No. 4 a ti ve ngai lo va, sumdawn nan a hmang țhin nia sawi a ni.
23rd. Sunday : Sihphir Kiosk a Covid 19 test neihah Sihphir mi 4, hmeichhia vek te chu an lo positive tih hmuhchhuah an ni. An zinga pakhat hian symtom a nei. Multipurpose Indoor Hall-a damdawi in buatsaihah (4C) dah nghal an ni.
24th. Monday : Social Reform & Action Committee te chu khawchhung thianghlima ngaihtuahin hmun hrang hrangah an duty.
25th. Tuesday : Pu Laltlankima d/o Lalnunsanga, Dinthar veng chu Durtlang LLTF te chuan ruihhlo la tura a kal chu an man a, Sihphir Social Reform & Action Committee kutah rawn hlanin Primary School I-ah quarantine a ni.
26th. Wednesday : Pu Lalrinfima, Venglai te chuan an Sarepkawn huana hmanraw hlui chu hmun danga hman turin an thuar chhuak.
27th. Thursday : Social Reform & Action Committee te chu hmun hrang hrangah insem darhin tawngtai rawngbawlna an nei.
28th. Friday : Malsawmdawngzela, (48) h/o Nuzawni, Venglai chu Selesihah motor a khalh laiin 'Lungphuchawl' in a boral. Damdawi in panpui a ni chungin chhan theih a ni talo.
29th. Saturday : Sihphir 4C a Covid vanga enkawl lai Pi Liankimi chu a thisen sang a zual deuh vang leh a BP normal loh deuh avangin in enkawlna tha zawk dawng turin ZMC lam panpui a ni.
30th. Sunday : Covid-19 Primary Contact, Home Quarantine mêk mi 44 te swab sample lâk leh a ni.
31st. Monday : Pi Lalkailiani h/o H. Lianmawia hun engenawchen d amdawi ina a awm hnuin dam takin a lo chhuak leh ta.
JUNE 2021, SIH(PHIR) DIARY
1st. Tuesday : 4C-a enkawl lai mek 3 te dinhmun endik niin Pi Lalnunthari leh a fanu an negative a, 4C-ah tho, room hranah enkawl chhunzawm an ni ang.
2nd. Wednesday : RT PCR result chhuakah Pi Lallianpuii, Damveng leh a tu te pahnih chuan covid 19 hri an kai tih hmuhchhuah an ni. Positive te hi 4C-ah enkawl zui nghal an ni. Hetih lai hian ZMC lama enkawl lai Pi Liankimi chu test a negative avangin ZMC atanga chhuahtir a ni thung. 4C-ah a hranga enkawl chhunzawm a ni ang.
3rd. Thursday : Nu naupai leh naute kum khat leh a chanve chin vaccine conference hall-ah pek an ni.
4th. Friday : Information Secretary, Village Level Task Force chuan hripui leng mek dona atana tha thawhtu te tanpuina atana pawisa leh thildang petu te chungah lawmthu thuchhuah siamin a sawi
5th. Saturday : Sihphir mi Jail tang chhuak pakhatin a tang chhuah pui, Aizawl vawikhat hmuhna leh haw ngaihna a hriatloh avanga Sihphira a rawn hruai, quarantine lai chu quarantine period zovin test an negative a, an khua (Manipur ramri dep) ah tlawmngaiin Pu Lalhunpeka, Arpu chuan a Taxi-in Sakawrdai thleng a han thlah a. A nau, Tv Thanglianchhunga, VCM chuan a u hi a kalpui.
6th. Sunday : Thanchungnunga (33), s/o Lalliani Damveng chu RAgT hmangin covid19 positive tih hriat chhuah a ni. 4C-ah dah luh nghal a ni.
7th. Monday : Village Monitoring Committee chuan tunhnai-a MNREGS hnuai-a tuikhuah leh tarrace laih chu a hmuna kalin an endik.
8th. Tuesday : Rebecca Lalmuansangi d/o Vanlalchhunga, Zion veng chu Covid 19 a kai tih RT PCR result hriat a ni. A ni hi Remedy Health Care, Kanan Veng a thawk lai a niin heta tang a hri kai hi a ni.
9th. Wednesday : Covid 19 positive mi 12 zet hmuhchhuah an ni. Quarantine lai an nih hlawm loh avangin fimkhur thu hla-ah khaw puma lockdown nghal a ni.
10th. Thursday : Covid 19 hri kai mi pahnih hmuhchhuah (mipa leh hmeichhia) an ni.
11th. Friday : Home Quarantine mêk zinga mi, Lalthuammawia (10) s/o Lalhmunsiama Pautu, Neihbawi chu Symptoms (khawsik) a neih avangin RAgT-a Test niin, vanduaithlak takin a POSITIVE a, 4C a enkawl mêk a nu bulah dah luh nghal a ni.
12th. Saturday : Social Reform & Action Committee te chuan Pu C. Lalbiakzuala s/o C. Thangngaia, Chhanhim veng hnen ațangin No. 4 hawng 2 leh a rawn petu Malsawmzuala s/o Lalrinkima, Kanan veng, Aizawl hnen ațangin hawng 3 (a vaiin hawng 5, gram 60) an man. Ruihhlo rawn phurtu Taxi MZ 01-Q 0671 driver hian a hriatpui lo niin a lang a; mahse, Task Force permit a neih sa tidanglam chawpin Sihphir hirawn kal a nih avangin Sihphir khua-ah ruihhlo rawn phur lut tawh lo tur a tih a ni a, C. Lalbiakzuala leh Malsawmzuala te hi Exise & Narcotic kutah hlan nghal an ni thung. Tin, C. Lalbiakzuala hi thuneitute hnen ațanga a lo chhuah atanga chhiar tan in kum 3 chhung chu Sihphir khua rawn rap tawh lo tur a tih a ni bawk.
13th. Sunday : Vanlalhruaii (36) w/o Lalhmachhuana, Tamlo veng chu ril TB avangin Tripura-ah a boral.
14th. Monday : Henry Lalhrilvela h/o Lalrindiki, Kawnveng chu covid 19 hri a kai tih hmuhchhuah a ni.
15th. Tuesday : Kum 18 - 44 inkar tab community hall-ah covid 19 vaccine a thawhkhatna atan lak a ni.
16th. Wednesday : Home Quarantine mêk zinga mi Pu Ramnghinglova (60) leh a nupui Pi Lalthazuali (45), bakah an fanu Lalmuanzuali (18) d/o, Dinthar veng (Serkhan veng hlui) vek chu RAgT-a Test niin, vanduaithlak takin an positive a, Lalmuanzuali hi 4C ah dah luh nghal niin, a nu leh pate hi ZMC lamah dah an ni thung.
17th. Thursday : Laldingngheti (44) w/o Lalhrangzuala, Arpu veng chu Civil Hospital, Aizawlah "Kalna" avangin a boral.
18th. Friday : Mizoram Board of School Education chuan pawl sawm pahnih exam result a ti chhuaka, hetah huan Sihphir Higher Secondary School candidate 42 te an pass vek.
19th. Saturday : 4C, Sihphir-a enkawl mêk 35 zing mi 16 te chu Test (RAgT) ni a, mi 15 in NEGATIVE result an neih avangin 4C atangin In lamah ni 7 chhung inkhung hrang turin chhuah an ni.
20th. Sunday : Sihphir khaw mi chhungkaw thum atangin covid hri kai mi paruk hmuhchhuah a ni.
21st. Monday : Home quarantine lai mi 75-te Sample lâk a ni.
22nd. Tuesday : V/C house-ah gram sabha neih a ni a, he hunah hian hnathawhna tur ruahmanna hrang hrang siam a ni a, mipui lamin Rs 1,500/- an dawng ang. (Rs 1,700 niin chhiatni fund Rs 200/- cut nghal tur a ni.)
23rd. Wednesday : Lalbiaktluanga s/o Rammawia Chhanhim veng chuan a car hmangin an thenawm Pi Lalhnemkimi te in chu a su a, thi leh hliam na lutuk an awmlo hlauh. Motor hi task force member thenkhat ten an nawr chhuak nghal.
24th. Thursday : Henry Lalhrilvela, tun thla ni 14 a hri a kai avanga 4C-a dahluh chu a oxygen level a normal hleihtheihloh avangin ZMC-ah sawn phei a ni.
25th. Friday : 4C-a enkawl lai mi paruk te an negative-a, ZMC lama awm, Pu Vanlalfela te nupa chu damin an lo chhuak bawk.
26th. Saturday : Covid hri kai mi pahnih, mipa leh hmeichhia hmuhchhuah a ni a, 4C-ah dahluh nghal an ni.
27th. Sunday : Community Covid Care Centre a enkawl lai, Lalrinkima leh Lalmuanzuali te chu test (RAgT) an ni a, negative in, in lamah ni sarih chhung inkhung zui turin an chhuak.
28th. Monday : Covid hri kai mi pali, chhungkaw thum ami, mipa leh hmeichhia pahnih ve ve hmuhchhuah a ni.
29th. Tuesday : Robert Lalchhuanawma, Covid avanga ZMC-a enkawl lai chu ICU extensive-a dah luh a ni.
30th. Wednesday : Covid hripui avangin Mitkhubi (Kimi) f/o Tawnzohmangaiha, Venglai leh Darthantluangi f/o H. Lalremruata, Dinthar veng te chu hri an kai tih hmuhchhuah a ni.
JULY 2021, SIH(PHIR) DIARY
1st. Thursday : Facebook group pakhatah mi pakhat, Bena Hnamte inti, profile lock tlat si chuan thingtlang lam mi ten khawpui mite chawhmeh an pek thin chungchangah mawilo taka thil a ziah avangin mipui an thinur hle. He thil kaihhnawihah hian he Bena Hnamte hming anga account nei, Pi Zonundangi, Rinchhan veng fapa chu ni a ngaitu an awm avangin nasa taka deusawhna a tawk. He thil hian Pi Zonundangi te chhungkua leh khawtlang mipui thin a thinur hle.
2nd. Friday : Kawnveng bazar-ah ni za hlawh sem a ni. He hunah hian mipui chan Rs 1500/- a ni a, (+ Rs 200/- hei hi chhiatni fund atan hman a ni.) Bank account-ah Rs 63/- a lut bawk.
3rd. Saturday : Pu Lalsangliana h/o Thanpuii, Damveng leh Pi Lalniropuii w/o K. Lalchamliana, Dinthar veng (Serkhan veng) te chu covid19 hripui an kai tih hmuhchhuah an ni.
4th. Sunday : Home quarantine lai chhungkaw paruk atangin pakhat theuh zelin mi paruk te chu test an ni.
5th. Monday :
Sub-Centre-ah nu naupaite leh nausen piang hlim aṭanga naute kum 1 leh a chanve inkar ten vaccine an la.
6th. Tuesday : Dakla lui kawng chu PCC Flooring a renovate tih leh tan a ni.
7th. Wednesday : Pu Lalsangliana h/o Thanpuii, Dâmvêng chu ZMC-ah Covid Pneumonia avângin a boral. Sihphir mi he hri avanga thi pahnihna a ni. Pu VL Rema Tochhawng chu May ni 12 khan a lo boral tawh bawk.
8th. Thursday : Covid avanga hun engmawchen enkawl a nih hnu-ah F. Lalmuanawmi W/o Pu Lalchhuanmawia, Venglai, E.T Bhairabkunda, Arunachal Pradesh-a awm chu damdawi in atangin a chhuak.
9th. Friday : July 7, 2021 (Nilaini) a Positive Contact mi 39 te swab sample test result chu chhuakin, an vaiin result ṭha tak (negative)
an nei vek a ni.
10th. Saturday : Kum hmasa lama an kawt tuikhuaha tlahlum ta, H. Vanlalsiama (2), s/o H. Zorammawia, Venglai (Kawnveng) thih champha vawikhatna a ni a, chhungkhat laina te lengkhawmin khawhar chhungte nen thu a inpawl khawm a ni.
11th. Sunday : Pu Lalrambuatsaiha (Te-a) s/o H. Ronghinglova te Vawkpui chu a thi a, Vawk hi vety doctor leh staff ten postmortem in a sample lak a ni. Postmortem aṭanga a lan danin a lâ a liana, ASF ni ngeiin doctor chuan a ngai.
12th. Monday : Lalpianthangi, (70) w/o Pu Vanlalchhuanga, Neihbawi chu an chenna inah ‘kal na’ avangin a boral.
13th. Tuesday : K. Lalchamliana, (75) w/o Pi Lalniropuii, Dinthar Veng (Serkhan veng) chu ZMC-ah 'Covid-19 (Kal/Lung tha lo)' avangin a boral.
Nikum lam atang khan ding chung nat kan tih ang chi deuh hian pawn chhuak vak peih lovin a awm chho va. June ni 28, Thawhtanni tlai khan symptom a neih avangin Kiosk-ah test niin, Vanduaithlak takin Covid-19 a positive tih hmuhchhuah a ni.
14th. Wednesday : Lalthianghlimi d/o Lalṭanpuia, Tlangveng, UPHC- a inentir tur chu vanduaithlak takin Covid 19 a lo Positive a, Home Isolation in a awm zui ang.
15th. Thursday : Secretary, VLTF chuan kum 45 chin chunglam, kumin April ni 19 leh ni 22 a Covid 19 vaccine 1st dose la tawh zawng zawng ten Dt. 17th July, 2021 (Inrinni) ah lak leh tur a nih thu thuchhuah a siam.
16th. Friday : Covid19 hri kai mi pathum (hmeichhia 1 leh meichhia 2) hmuhchhuah a ni. An ni ho hi Home Isolation in an awm zui ang.
17th. Saturday : Community hall-ah kum 45 chin chunglam te tan covid hripui laka invenna dose hnihna lak a ni a, veccine lakna hmuna duty, UPHC-a staff pakhat chu positive first contact a lo nih avangin fimkhur thu hla-ah veccine lak hi tih tawp lailawk a ni.
18th. Sunday : Home Quarantine lai symptoms nei in report, Pu Lalsawmliana Ralte, Dinthar veng chhungte test an ni a, vanduaithlak takin a fanute pathum leh an fate nen an vaiin mi pasarihin hri an kai tih hmuhchhuah a ni. An zinga an fanu te ber, Lalremfeli (naute nen) hi Aizawl lama pasal nei a ni a, (Sihphir) hri kai zingah hian chhiar tel an nilo.
19th. Monday :
Sakawrhmuituai tlangdunga Jio Tower dahna hmun tur ruahmanna khawtlang hruaitu ten an lo siam tawh chu YMA lam ngenna angin V.C te sawmna angin YMA aiawh (Extended O.B) te leh Jio aiawh ten a hmunah kalchilhin an enfiah a, a hmun tur atana ruahmanna lo siam tawh chu thil hnawk sak la ni thei dawna a lan avangin a chuan hnuai lam ram, tlawhpawh vak loh leh ram rem lo lai chu enfiah leh a nih hnuah remchang a ngaih a nih tlan tak avangin, Tower din an duh chuan chulai hmunah chuan harsatna a awm lovang tih hrilh an nih hnuah Jio aiawh lam hian Tower din nan an pawm zui.
21st. Tuesday :
Tunlai vawk hrileng avangin VC Emergency Meeting a ni a, he hunah hian vawk hri leng chungchang a buaipuitu tur, Village Level Task Force on ASF an din a. Chairman atan Tv
Eddie Lalhmangaihzuala (VCM) ruat a ni.
22nd. Wednesday :
YMA ruahmanna in thlan lane siam a ni a, thlan pasarih lung an rem a ni.
23rd. Thursday : F. Lalrinpari d/o F. Hrangngura, Arpu veng leh C. Lalbiakzuali d/o C. Lalfakawma, Dintharveng te chuan covid hripui an kai tih hmuhchhuaha ni.
24th. Friday : Pu Lalnunthara s/o HK Laltlanthanga, Kawnveng chu symptoms (hritlang) a neih avangin test a ni a, vanduaithlak takin a Positive a, 4C-ah a awm ang. Ani hi a unaupa awmpuia ZMC a awm reng, an rawn chhuah hnu a Quarantine hun hmang mêk a ni.
25th. Sunday : Branch YMA OB-te chu Twins Market, Kawn vengah an comt.-a, he hunah hian 'VLTF hmingin, ZMC-ah kuang
pahnih pek ve nise,' an ti.
26th. Monday : TC Lallianzuala (Zualtea) s/o TC Lalhlira (L), Kawnveng chuan covid symptoms a neih deuh avangin test a ni a, vanduaithlak takin Covid 19 a lo positive tih hriatchhuah ani a, Sihphir 4C-ah enkawl nghal a ni. Hetih lai hian Covid 19 positive mi 4, heng : 1. Lalthianghlimi, Tlangveng, 2. H. Vanneihtluanga, Damveng, 3. Vanlalmuanpuii, Damveng leh Melody Lalduhsangi, Damveng te chu an negative thung.
27th. Tuesday : VC term thar atan All Mizoram Village Council Association (AMVCA) hruaitu inthlan thar a ni a, hetah hian kan VCP, Pu Lalropuia Pachuau chu President atan thlan a ni.
28th. Wednesday :
ZMC a enkawl mek, Pi Lalhmingthangi w/o Lalsawmliana Ralte, Dintharveng chu RAgT hmanga test a nih hnu-ah a negative avangin chhuahtir a ni.
29th. Thursday : Lalhmangaihzuali Tochhawng d/o Lalthansangi, Biakin veng pianchampha vawi 23-na a ni a, social media kaltlangin lawmpuina engemawzat a dawng.
30th. Friday : Pi Malsawmtluangi leh Nl Vanlalmuanpuii covid hripui avanga home isolation-a awm mekte chu UPHC-ah test an ni a, vanneihthlak takin an negative ve ve.
31st. Saturday : Rural Industries Association te chu Community Hall-ah kuang siamin an hnatlang a, he hunah hian kuang paruk siamin he'ng zinga pahnih hi ZMC pek tura ruaman a ni.
AUGUST 2021, SIH(PHIR) DIARY
1st. Sunday : Village Monitoring Committee chu chairman, Pu Lalbiakkima Kawlni te inah neih a ni a, he hunah hian May leh June thla chhunga mimal tuikhuah (farmpond) leh terrace laih endik dan tur te an rel.
2nd. Monday : ZMC-ah VLTF te chuan kuang pahnih an pe. Tun dinhmunah damdawi in hian kuang 16 an nei mek.
3rd. Tuesday : CBSE Class X result chhuakah Vanlalṭhazuala s/o Lalrivunga, Tamlo veng chu 1st Division-ah pass-in, SS-ah letter a hmu.
4th. Wednesday : Malsawmkimi (MSi) d/o HK Laltlanthanga chu covid 19 a positive tih hmuhchhuah a ni. MSi hian a unaupa, HK Lalnunthara (Thartea) ZMC-ah a awmpui a, Thartea a negative tak avangin an discharge dawn avangin test an ni a, Thartea hi a negative a, a awmpuitu a u, MSi hi a lo positive ve leh thung a ni.
5th. Thursday :
Tv Lawmsangzuala, MBBS s/o H.S Lalhlimpuia, Dam Veng chu AIIMS (All India Institute of Medical Sciences) in India ram medical Colleges a MD, MS, DM, MDS etc courses zir zawm thei tur national level examination a buatsaih 'INI CET (Institute of National Importance Combined Entrance Test) July, 2021' result a tihchhuahah a tling a. All India ST Ranking-ah 5-na hauh pha-in, a pumpui (all India) ah 944-na a ni pha bawk.
6th. Friday : Mizoram University chuan Under Graduate results ti chhuakin, Sihphir thalai engemawzatin hlawhtlinna an chang. Heng zingah hian top ten pahnih (subject inang lo) H. Lalhriatpuia S/o Lallianfala, Arpu, B.Sc (Mathematics) leh Debora Lalhmingmawii, D/o Chuauhluna, Tlangveng, B.Sc (Geology) an tel.
7th. Saturday : Sihphir leh Venghlun V/C te chuan inkawm hona an nei. He hunah hian ran khuahkhirh leh tui pump chungchang bakah thil pawimawh dang engemawzat an sawi ho.
8th. Sunday : VLTF chuan Covid-19 hri inkaidarh nasa lutuk ven na'n Mizoram Sorkar-in Partial Lockdown chawlhkar khat chhung a puan chungchangah inkaihhruaina a siam.
9th. Monday : Lalremruata, Secretary,
TF on ASF chuan vawk hri leng mek chungchangah
vawk kah hlum (culling) chungchang hriattirna hrang hrang a ti chhuak.
10th. Tuesday : Tv Lalnunmawia, (65) s/o Thantlawma (L), Tlangveng chu an chenna inah Cancer natna avangin a boral.
11th. Wednesday : Mizoram State Council for Technical Education (MSCTE), H& T Department, Govt. of Mizoramin "Diploma in Computer Application (DCA - I Semester) July, 2021" exam result a tih chhuahah Hope Computer Centre atanga zirlai exam 25 ten Distinction-ah an pass vek a. Hetih rual hian session hmasa lam a subject ba nei mi 17 exam te pawhin an pass vek bawk. Hope Computer Centre hi Tv Vansangliana, Venglai ta a ni.
12th. Thursday : Venglai Branch KTP din champha vawi 30-na a ni a, hemi pual hian Synod hospital tan thisen unit 17 an pe a, thisen petute hi mipa 16 leh hmeichhia 1 an ni. Venglai KTP te hian UPHC-ah damdawi nawrna (stell trolley) man tur Rs 8,000/- an pe bawk.
13th. Friday : Malsawmkimi (MSi) d/o HK Laltlanthanga, tun thla ni li-a hri avanga ZMC-a enkawl chuan negative result neiin damdawi in a chhuahsan a, heti hian May ni 23, 2021, Pathianni atanga Covid-19 in Sihphir min tih buai hnuah, hri kai tumah awm tawh lovin kan inchhu chat fel thei ta a, a lawmawm takzet a ni.
14th. Saturday : Retailer I, Arpu leh Retailer II, Kawnvengah te ration buhfai sem tan a ni. Hetih lai hian AAY card te tan Pu Liankunga Ralte s/o Pu Chhiarkhuma (L) chuan August thla ration man leh bawlhlawh paihna Rs 30/- a tum sak vek a ni. A ni hian hetiang hian tumdangah pawh a lo tum sak tawh bawk.
15th. Sunday : Venglai Presbyterian kohhran chuan Baptima Sakramen inkhawm an nei a, he hunah hian nausen 16 ten bialtu pastor, Rev C. Sapkaia hnen atangin baptisma an chang.
16th. Monday : Venglai Presbyterian kohhran Committee chu kohhran committee room-ah an thukhawma, he hunah hian Sihphir August ni 20-21, 2021 chhunga Sihphir Kohhran Biak Ina Bial Inkhawmpui neih tura palai tur te an ruat.
17th. Tuesday : Venglai Presbyterian kohhran hmeichhia te chu PWF pualin Biak Inah an tawngtai.
18th. Wednesday : Covid 19 hri kai awm leh awmloh enchhinna (mass test) chu khawpumah neih a ni a, he hunah hian mihring 2179 in test hi neiin mi 5 in hri an kai tih hmuhchhuah a ni. 4C-ah hian an vai a dahluh nghal an ni. An zingah hian Pu H. Lalnghinglova, VCM pawh a tel.
19th. Thursday : Pi Laldawngliani h/o Vanlalfela (L) Kawnveng, Manipur lama chhungte tlawha zin chu a lo haw a, quarantine nghal a ni.
20th. Friday : Pi Zakhumi Tamlo veng te chuan MNREGA hnuai atangin an huan Kanghreng ram, Neihbawi-ah tuikhuah (farmpon) an lai.
21st. Saturday : Ni hnih awh, Sihphir Pastor Bial Inkhawmpui vawi 60-na chu Sihphir kohhran biak inah rorela chhunzawm a ni. Inkhawmpui thupui hi 'Khawvel nghahfak - Lal Isua' (Jeremia 14:21) a ni.
22nd. Sunday : Secretary, VLTF chuan Mizoram Sorkarin September ni 4, 2021 zanlai dar 12:00 thleng Mizoram pumah Partial lockdown a puan chhunzawm chungchangah khawtlang mipuite ngenna hrang hrang a siam.
23rd. Monday : Pu Lalrempuia Varte (Arema) s/o H. Vanlalruata, Arpuveng chu khawsik a neih avangin test a ni a, vanduaithlak takin Covid 19 a positive tih hriatchhuah a ni.
24th. Tuesday : Home Quarantine lai H. Vanlalruata, Arpuveng te chhungkua atangin member pathumin Covid 19 an positive tih hriatchhuah an ni.
25th. Wednesday : Lalrinsangi w/o Lalmuankima, Venglai, 4C-a a chhungte awmpuitu chu symptomps a neih avangin test a ni a, a positive a, 4C-ah enkawl zui a ni.
26th. Thursday : C. Zonunthari w/o Lalrempuia Varte (Home Quarantine lai) chu symptomps a neih avangin test-ah a positive.
27th. Friday : HS Lalparmawii, Kawnveng (member 4) leh B. Helluaia Arpu veng (member 3) te chhungkaw hnih chu Covid 19 an positive tih hriatchhuah an ni. Hetih lai hian mass test neih ni a hri kai hmuhchhuah panga te zinga Pu H. Lalnghinglova, VCM leh Pu C. Lalremruata te chu damin 4Catangin an chhuak bawk.
28th. Saturday : Symptom an neih avanga UPHC-a test, Pu Lalramnghaka, Neihbawi te chhungkaw zinga mi parukte chuan Covid-19 an positive tih hriatchhuah a ni.
29th. Sunday : Kar hmasa Zirtawpnia Positive Contact mi 37 te result chhuakah vanduaithlak takin heng mite hi an Positive : 1. Gosen Rammawia, (43)
H/o Lalfakmawii
Arpu Veng. 2. C. Lallawmkima, (24)
S/o C. Lalrinawma
Kawnveng leh 3. Lalhriatchhunga, (25)
S/o Lalnunpuia Tochhawng
Kawnveng te hi.
30th. Monday : Symptoms (khawsik) an neih avanga RAgT hmanga test Nancy Lalrinpuii d/o Lalsawilaii leh B.Lalruatpuia s/o B.Thangtinliana, Arpu ve ve te chuan covid 19 hripui an kai tih hmuhchhuah an ni.
31st. Tuesday : Covid 19 hripui kai mi pali hmuhchhuah an ni.
SEPTEMBER 2021, SIH(PHIR) DIARY
1st. Wednesday : Covid hripui kai mi pasarih hmuhchhuah thar a ni.
2nd. Thursday : VLTF te chuan khawchhungah hri kan kan pun leh tak em avangin hri hluarna Neihbawi pumpui leh Arpu veng thenkhatte chu restricted area-ah an puang.
3rd. Friday : Lalrinchhani m/o Lalruatfeli leh Juliet Lalngaihawmi d/o Lalmawizuala, Dinthar veng te chuan covid hripui an kai tih hmuhchhuah an ni.
4th. Saturday : Vanlalsawma, (36) h/o PC Laltanpuii, Kawnveng chu 'Internal Bleeding' avangin damdawi in pan pui a nih mek laiin Venghlun an thlen laiin a boral. Pu Vanlalsawma hi a thih hnuah RAgT test a ni a, Covid 19 a lo positive tih hriat a ni. Heti hian Sihphir khuaah Covid 19 avangin nunna chan pathum an awm ta a ni.
5th. Sunday : RT-PCR result chhuakah Pu B.Thangtinliana s/o B. Helluaia, Arpu (Theihaingaw) chu Covid-19 a positive tih hmuhchhuah a ni. Hetih lai hian hri avanga enkawl lei mi pathum chu damin an chhuak thung.
6th. Monday : Restricted area pahnih (Neihbawi leh Arpu veng thenkhat) leh mahni dinhmun hre duha in test runpui (mass test) neih a ni a, he hunah hian mi 668 in test in mi 10 in hri an kai tih hmuhchhuah a ni.
7th. Tuesday : Kum 18 - 45 inkar tan Covid-19 vaccine 2nd Dose Community Hall, Tlângvêngah lak a ni.
8th. Wednesday : Covid hri kai thar pali awmin mi paruk te chu damin an chhuak thung
9th. Thursday : HI Zahmingthanga, Venglai chu a ram kalna-ah khuaiin a zuk avangin Durtlang damdawi inah admit a ni.
10th. Friday : Pu Thangzova (L) tu te pahnih, Nl Lalruatfeli leh Pu Lalmawizuala, Dinthar veng ve ve te chuan covid hri an kai tih hmuhchhuah an ni.
11th. Saturday : Covid hri kai mi pathum hmuhchhuah an ni. Heng zingah hian Synod Camping Center-a Burma raltlan inkulh zinga pakhat a tel.
12th. Sunday : Nl Malsawmdawngliani D/o Thanpuii, Arpu (Theihaingaw) chuan College of Horticulture and Forestry, Pasighat, Arunachal Pradesh aṭangin B.Sc (Forestry) 1st Division-ah a pass.
13th. Monday : MNREGA tanpuina in Pu Lalchhanhima Varte, Kawnveng te chuan an huan, Lungsang ramah tuikhuah an lai.
14th. Tuesday : Kum 18-44 chin tan Covid 19 laka invenna vaccine chu Community hall-ah lak a ni.
15th. Wednesday : Pu C. Lalfakawma, Dinthar veng, thisen put avanga Synod Hospital-a enkawl lai chu dam takin a lo chhuak leh ta.
16th. Thursday : Hri kai an tam tham deuh avangin Tamlo veng chu restricted area-a puan a ni.
17th. Friday : Delhi Football Association buatsaih, Futsal Tournament Jawahar Lal Nehru Stadium, New Delh-a neihah Arpu rawlthar, Lalremruata c/o Hrangthansanga leh Mizo dang pali telna, Delhi FC chuan Eves Soccer Club chu 6-3 a hnehin an champion.
18th. Saturday : Tv H. Lalnunmawia s/o H. Laltanpuia, Neihbawi, Assam Rifle sipai tang lai, chawlh hmanga lo haw chu a hnathawhna hmun Aizawl panin a let leh ta.
19th. Sunday : Venglai Presbyterian kohhran chuan Pathian ram thawhlawm an lakhawm.
20th. Monday : V/C te chuan thil tihfel ngai a awm avangin job card number leh adhar card number te an lakhawm.
21st. Tuesday : UG result chhuakah Lalmuanzuali D/o Lalthlamuana Royte, Kawn Veng chuan B.A (English) chu Ist Division-ah Lady Keane College, Shillong atangin a pass.
22nd. Wednesday : Khaia Hero, Vaivakawn te chuan an thil zawrh, scooty leh bike vel chu loan hmanga lak theih a nih thu (loan mela) sawiin Kawnveng bazar-ah an rawn inzuar.
23rd. Thursday : Robert Lalremruata s/o MS Dawngliana, Kawnveng leh Lalparliani Khiangte d/o Dangliana, Thingsulthliah te chu Venglai Presbyterian kohhran biak inah Pastor C. Sapkaia kutah an innei.
24th. Friday : Self Help Group, Sihphir VO-2 te chu V/C house-ah an traning a, Aizawl lam atangin hotu lian lam ten zirtirna an rawn pe.
25th. Saturday : Lalnunpuia (Puitea), Venghlun khalh, Mahindra Pick up, MZ06-3753, Pu Lalthlamuankima, Chhanhim veng ta chu Sarepkawnah streering fail avangin a accident-a, vanneihthlak takin thi leh hliam an awmlo.
26th. Sunday : Lalngaizuala (Lalbawiha) s/o Lalkhawngaiha, Neihbawi, home quarantine lai chu a lo chhuah ruk avangin Rs 2,000/- chawi tir a ni.
27th. Monday : Pu Lalthachianga (Chiangtea Videography), Kawn Veng chu Tourism Department, Mizoramin World Tourism Day, 2021 pual a 'Professional Videography Competition' a buatsaihah 3-na a ni a, Day lawmna Vanapa Hall-a neihah lawmman hi hi dawngin pawisa fai Rs. 70,000/- + Certificate a dawng.
28th. Tuesday : Pi Chhunthangi, (86) M/o Pu R. Lalrinawma, Ex- MLA, Arpu Veng chu an chenna Inah 'Ashma' natna vangin a boral.
29th. Wednesday : Pi Lalenkawli h/o Lalnunkima birthday a ni a, social media kaltlangin mi hrang hrangin lawmpuina leh duhsakna an hlan.
30th. Thursday : Covid hri kai Pu Malsawmkima, Chhanhim veng te kaihnawih mi engemawzat chu hri an kai leh kai loh test an ni.
OCTOBER 2021, SIH(PHIR) DIARY
1st. Friday : State sorkar leh ZEDA tangkawpte buatsaih sikul naupang te tan solar lamp chu zirlai te hnenah sem a ni.
2nd. Saturday : Branch YMA chuan an area a zirlai, kum 2019 academic session atanga kumi'n thleng a pass te lawmpuina hun an buatsaih.
3rd. Sunday : Vailokawn zau te chu an Financial Secretary, Pu Lalthangliana te inah an committee-a, kawng laih chungchang bakah hmalakna tur engemawzat an rel.
4th. Monday : Sub centre-ah nu, naupai leh nausen pianghlim atanga kum khat leh a chanve in kar, vaccine lak hmabak nei ten vaccine an la.
5th. Tuesday : VCP, Pu Lalropuia Pachuau ho-in party hruaitu thenkhat chu Tuirial constituency MLA by election lo awm tura MNF party campaign pui turin an zin chhuak.
6th. Wednesday : Lalawmpuii d/o Lalrinchhana. Damveng chuan Malsawmkima, Nisapui chu pasal atan a nei.
7th. Thursday : Venglai kohhran hmeichhia te chuan kohhran committee room-ah thla committee an nei.
8th. Friday : Pi Zakhumi (78)
W/o Rualthanga (L), Tamlo veng te chhungkua (an thenawma a fate chhungkua nen) atangin member panga te chuan covid 19 hri an kai tih hmuhchhuah a ni.
9th. Saturday : Venglai Presbyterian English School chuan zirtirtu leh O.A. hna thawk turin Benjamin Lalrochhunga (M.Sc. Environmental Science) S/o Lalliantluanga (L),Theihaingaw (Arpu) veng. (Teacher) leh Lalsangzela (B.A, DCA) S/o H.Lalrintluanga, Chhanhim veng (OA) te an la thar.
10th. Sunday : Hripui leng avanga hun rei tak inkhawm a awmloh hnu-ah sorkar remtihna in kohhran hrang hrang te chuan Pathian biak inkhawm biakinah ngei an nei leh ta.
11th. Monday : Pi Zakhumi (78) s/o Lalmalsawma, Tamloveng chu Covid 19 avangin ZMC-ah a boral. Tun thla ni 8 zan khan Covid hri a kai tih hriatchhuah a ni.
12th. Tuesday : Sihphir khua a upa ber, R. Saptawna (101) f/o Pu R. Lalthanzama, Biak In Veng chu 'Thinlian' natna avangin a boral. Kum 2019, January ni 22 khan a thiannu, Pi Siallawmi'n a lo boral san tawh bawk.
13th. Wednesday : Rural Industries Association te community hall-ah kuang siamin an hnatlang. Puana linging thin chu duratuff laminate hmanga siam tan a ni bawk. Tin, ZMC lama pek tur siam tel nghal a ni.
14th. Thursday : Tv. Lalthangmawia S/o Lalhmingthanga, Dinthar Vêng (Serkhan veng) chu covid 19 hri a kai tih hmuhchhuah a ni.
15th. Friday : Central Sorkarin India Independence kum 75-na denchhenin vêngtina vantlang hmun pawimawh tifai tura min rawn hriattir angin mahni Vêng Welfare ṭheuhte kaihhruainain hmun nga-ah hnatlân a ni.
16th. Saturday : Tunkar Ningani-a Home Quarantine lai mi 42 te swab sample (RT PCR) lak result chhuakah vanduaithlak takin mi 23 te Covid 19 an positive tih hriatchhuah an ni. Nikhat thil thua hri kai hmuhchhuah tam ber tum a ni. Tin, Rev Lalthanhawla te chhungkua, Khawruhliana awm mek, member pathum te te pawh an positive (Ragt) tih hriat a ni bawk.
17th. Sunday : Lalmawizuala S/o Lalduhawmi, Dinthar veng chuan chhungkua-ah buaina a siam avangin City Police ten an rawn man.
18th. Monday : Health care enrollment kum 2021-'22 atan sub centre-ah tih leh tan a ni.
19th. Tuesday : Ambrose Laldawngliana s/o Chhandami, Arpu leh Vanlalruatfeli, d/o H. Thansanga, Damveng te chu Roman Catholic biak in, Venghlunah an innei.
20th. Wednesday : Covid hripui kai mi 7 hmuhchhuah a ni.
21st. Thursday : Pu Lalruatkima (RKa) H/o Zairemi, Tlangveng chu covid 19 a positive tih hmuhchhuah a ni a, hetih lai hian hri kai avanga enkawl lai, Lalhruaitluanga s/o Lalthapuii, Arpu chu a negative ta thung.
22nd. Friday : Central YMA a raltlan tanpuina tur sum lut atanga ruahmanna an rawn siam angin Synod Camping Centre a Myanmar Raltlan awm mek te chhawmdawlna tur Branch YMA kal tlangin Rs. 50,000/- chu branch President, Pu Lallianfala'n C.YMA office atangin a la chhuak.
23rd. Saturday : Kan unau raltlan te tana vehbur khawn concert PUMP ho buatsaih chu tan a ni ta. He hunah hian Chhanhim veng tlangval, Malsawmkima Tochhawng s/o Huankunga pawh MZI zaipawl zing atangin a tel ve.
24th. Sunday : October 22, 2021 a Swab Sample lak mi 19 te result chhuakah vanduaithlak takin mi 5 an Positive.
25th. Monday : Covid Symptoms an neih avangin Kiosk-ah RAgT an ni a, vanduaithlak takin mi pasarih an positive.
26th. Tuesday : Pi Vanlalhruaii w/o Huzauva (L), Kawnveng te chuan in sak tumin an inhmun chu JCB hmangin an lai.
27th. Wednesday : Venglai Presbyterian kohhran zing tawngtai inkhawm chu tluang takin a kal zel. Hemi ni hian kohhran member 15 inkhawm a ni.
28th. Thursday : October 26, 2021 a mi 11 Swab Sample lâk result chhuakah, vanduaithlâk takin mi 3 hi an Positive. Hetih lai hian home isolation-a awm mi pali chu damin an chhuak thung.
29th. Friday : Sihphir 4C chu chhuahsan laikawk a ni. Tunah hian home isolation - 9, CCC - 7 leh ZMC-ah - 3 an la awm mek a ni.
30th. Saturday : VC house-ah nakum 2022 atana lo tur 'Lo number' pawh a ni.
31st. Sunday : Pu Vanhnuaithanga te nupa, Tlangveng te inneih champha vawi 60 na a ni a, chhungkhat laina ten lawmpuiin hlim takin hun an hmang.
NOVEMBER 2021, SIH(PHIR) DIARY
1st. Monday : Hripui avanga hun rei tak bus a service loh hnu-ah City bus, Sihphir to Aizawl a service tan leh ta.
2nd. Tuesday : Darthawmi, kum 85 m/o Lalchullova Dinthar Veng chu an chenna Inah 'Ashma' natna avangin a boral.
3rd. Wednesday : Hripui avanga hun rei tak zan inkhawm a awmloh hnu-ah kohhran hrang hrang te chuan zan inkhawm an nei leh ta.
4th. Thursday : Taitesena section, YMA te chu thlan laiin an hnatlang.
5th. Friday : Nov. 3, 2021 a Swab Sample mi 9 lâkte result chhuakah vanduaithlak takin mi paruk an positive.
6th. Saturday : Hripui leng avanga hun rei tak tih chhuah a theihloh hnu-ah Sawiremtlang chanchinbu chu tihchhuah a ni leh ta.
7th. Sunday : Khawvel Sunday School Ni a ni a, Presbyterian kohhran pathumte chuan puitlingah "Sunday School chanchin" Rev. Dr. B. Lalnunzira ziah an zir a, Beginner-Junior in Graham Staines chanchin zirin, Intermediate leh Senior department ten John Newton chanchin an zir bawk.
8th. Monday : Cricket Assn. of Mizoram tirhin player 20 telna Mizoram team chuan Kuch Bihar Cup khel turin Odisha panin Mizoram an chhuahsan. An zingah hian Sihphir tlangval, Isak Vanlalngaihzuala, S/o Hmangaihthangi, Kawnveng leh Gilbert Kullu S/o Joseph Kullu Neihbawih te an tel ve.
9th. Tuesday : Pu Lalmuantluanga h/o Nuntluangi, Tamlo veng birthday a ni a, social media kaltlangin lawmpuina leh duhsakna engemawzat a dawng.
10th. Wednesday : Central YMA rorelna sang, Central Co-Odination Committee vawi 92-na chu Chanmari YMA hall-ah neih a ni a, he hunah hian Sihphir branch YMA aiawhin President, Pu Lallianfala a tel, Pu R. Lalduhzuala chu CEC member a nihna in a tel bawk.
11th. Thursday : Burma raltlan, Synod Camping Center-a awm mek zinga tlangval pakhat, Pumcinmanga (26) chu UPHC-ah pumna avangin a thi a, Sihphir thlanmualah phum a ni.
12th. Friday : Sihphir Branch YMA Executive Committee (BEC) chu a tumlina atan Community Hall-ah tluang taka neih a ni a, committe hi branch president, Pu Lallianfala'n a kaihruai.
13th. Saturday : Branch YMA Committee member te chu thlanmual lane siamin an hnatlanga, tunhnai-a raltlan thi pakhat thlan chu an siam nghal.
14th. Sunday : ZMC, Falkawn atanga RT PCR, mi 27-te result chhuakah vanduaithlâk takin Lalhriatkimi, (22) w/o Lalmuanpuia, Neihbawih a Positive. Hetih lai hian hripui avanga enkawl lai mi panga te damin an chhuak thung.
15th. Monday : V/C ten kum khat atan'a khawtlang hnatlang neih tura an lo ruahman tawh chu khua in a zir loh avangin hun remchang dangah sawn a ni.
16th. Tuesday : Zodinsangpuia (Tong-tonga) s/o Lawmsanga, Dinthar veng chu Mizoram Badminton Association leh Tata Trusts te nen'a thawkho 'Institute of Technology and Management (ITM University), Raipur, Chhattisgarh' chuan kumin atanga an University Campus-a Badminton Academy an kalpui tan naa academy a lut hmasa ber tura tel turin Lengpui Airport atangin Mizoram an chhuahsan ta.
17th. Wednesday :31st Senior NationalSepaktakraw Championship, November 21st - 25th chhunga Phagwara,
Punjab-a neih turah Mizoram teamchuan Mizoram an
chhuahsan. Mizoram atang hian mi10 an kal a, Sihphir atangin Tv Zonunkima s/o H. Lalsiamliana, Venglai lehLalchhanhima s/o Liankima, Tlangvengte
Mizoram team-ah hian an tel.
18th. Thursday : Ni hnih awh State Bank of India hnuai-a Rural Self-Employment Traning, Community Hall-a neih chu zawh a ni ta. He hunah hian Self Help Group member ten tangka sum vawn dan bakah eizawnna tlak thiam thil hrang hrang te an zir a ni.
19th. Friday : V/C te hmalaknainkhaw chhung kawngsir hnim (kawngbâ) tihfai a ni.
20th. Saturday : Presbyterian, BialKohhran Hmeichhiate chuan Venglai Kohhran Biak Inah ‘KristianChhungkaw Seminar' an hmang a, Resource person chi Rev. Lalzuithanga,
Bawngkawn a ni.
21st. Sunday : YMA OB te chu Financial Secretary, Vansangliana (Remmawia) te inah an committee-a, hmachhawp hrang hranga hmalak dan tur te an sawi ho. Pu Remmawia te hian zanriah an buatsaih sak nghal.
22nd. Monday : V/C hmalakna-in khawtlang mipui te khawchhung hmun hrang hrang thawka hnatlân a ni a, he hunah hian khawchhung kawngsir ba, hnimin a rawn bawh te sam fai niin, tuikhur hrang hrang te tihfai a, siamthat a ni a, Sawiremtlang hnim tihfai a, a chhehvela bawlhhlawh awm te then fai nghal a ni.
23rd. Tuesday : Lalramchuailova s/o Changliana, Damvenga (tuna Pi Lalzuali awmna) awm thin, kum 2003-a Israel rama pem ta chuan nupui a nei. A nupui hi Mizo tho niin, Thuampui veng mi thin a ni.
24th. Wednesda : Pi Zonundangi, Rinchhan veng leh Pu Lalrinngheta, Danveng te chhungkaw hnih atangin covid hripui kai mi paruk hmuhchhuah a ni.
25th. Thursday : Dicipleship Traning Institute 68th. Batch Graduation Day chu an hmun, Neihbawi-ah hman a ni a, he hunah hian C.Th leh M.Mins zir zo mi 19 te hnenah certificate semchhuah a ni.
26th. Friday : Sihphir chu lirnghing na takin a sawi a, he lirnghing hi United States Geological Survey-in a tarlan dan chuan magnitude 5.8 a na niin, Hakha, Chin State, Myanmar (Burma) bawr atanga nghing a ni. Hriat theih chinah linghing hian thil tihchhiat a neilo.
27th. Saturday : Branch YMA te chu Sakawrhmuituai tlangdung bawlhhlawh thuanfaiin an hnatlang a, hnatlang hi VCP, Pu Lalropuia Pachuau leh VCM pahnihin an tawiawm.
28th. Synday : Ni hnih aw, Bial Presbyterian Kohhran Pavalai Pawl Intawhkhawm vawithumna Venglai kohhrana neih chu a tiak.
29th. Monday : Hêng mite hi Covid-19 symptoms an neih avangin test an ni a, vanduaithlak takin an positive :-
1. Krosnunfamkimi K-30
D/o Denghmingliana,
Tamlo Vêng,
2. Zomuankimi K-59
W/o R Councilthanga
Kawnvêng,
3. Lalnunhlui K-14
d/o Vanlaltluanga
Tamlo Vêng leh
4. Lalhmunmawii K-52
W/o Lallura,
Vênglai te. Hetih lai hian 3C Durtlâng (Agape Centre) aṭangin mi pali dam takin an chhuak bawk.
30th. Tuesday : Thawhlehni khan Pu R. Dangvela thlam, Mualpui rama mi chu a kang. A kan lai hian a neitu te hi buh chheka an chhuah lai a nih avangin a kan chhan hriat a ni lo. Buh engemawzat bakah bungrua pawimawh tak tak a kang ral.
DECEMBER 2021, SIH(PHIR) DIARY
1st. Wednesday : Community Hall, Tlangvengah Electoral Roll a luh dil leh paih ngai (mitthi etc.) te, insawn leh rawn insawnluh dil te hearing neih a ni. He hunah hian Sorkar lam Official te bakah YMA atangin Branch Secretary leh Treasurer te an tel.He hunah hian dilna 109 lutin mi 9 reject an awm.Heng reject te hi Sihphir mi dik tak, danin a phut document neihkim tawk loh vang te an ni tlangpui.
2nd. Thursday : Sub centre-ah nu, naupai leh naute pianghlim atanga nausen, kum 1 leh a chanve inkar, vaccine lak hmabak la nei ten vaccine an la.
3rd. Friday : Covid hripui kai mi 24 zet hmuhchhuah an ni a, nikhat thil thu a hmuhchhuah tam ber tum a ni. Hemi hma a kai an tam ber tum chu October ni 16 khan mi 23 in an kai a ni.
4th. Saturday : Pastor Bial KTP te chuan Diamond Jubilee pualin Synod Hospital, Durtlang tan Sihphir Kohhran Centenary Hall-ah thisen unit 35 an pe.Thisen petu te hi mipa 26 leh hmeichhia 9 an ni.
5th. Sunday : Bible Sunday a ni a, Presbyterian kohhran hrang hrang te chuan hlawhtling takin an hmang.
6th. Monday : Robuangi (55) w/o Biakmawia, Arpu Veng (Neihbawi veng) chu an chenna Inah 'Lungphuchawl' in a boral.
7th. Tuesday : VLTF ten kan khua-ah Covid-19 hri kai kan pun chak êm avang leh, Containment Zone a kan luh mai loh na'n December 11, 2021 (Pathianni) zan dar 12 thleng a hman tur khawtlang inkaihhruaina khauh zawk a siam chu kalpui tan a ni.
8th. Wednesday : Covid 19 dona atana hman turin V/C te chuan CM Relief Fund for Covid 19-ah Rs 30,000/- an chhunglut. Pawisa te hi Chief Minister, Pu Zoramthanga'n a lo dawng a ni.
9th. Thursday : He'ng mite hi Covid-19 hri atangin an dam:-
1. Lalringngheta H/o C. Lalmuanpuii
Damvêng.
2. Rosanglûra S/o Lalringngheta
Damvêng.
3. Zomuankimi W/o R. Councilthanga
Kawnvêng.
4. Lalhmunmawii W/o Lallura.
Vênglai.
5. K Lalramhluni D/o Vanrammawii
6. PC Lalnunkimi D/o Lalthanpuii.
Hetih lai hian mi 8 lai an positive thar thung.
10th. Friday : Central YMA chuan Sihphir Branch YMA kaltlangin Synod Camping Centre a raltlan te tanpui na'n Rs. 50,000/- an rawn pe.
11th. Saturday : Dawrpui Branch YMA te chuan Synod Camping Center-a Burma raltlan te tanpuina chi hrang hrang an rawn hlan.
12th. Sunday : Branch YMA te chuan nakkum hruaitu tur community hall-ah an thlanga, vote 150 a tla.
13th. Monday : Pastor bial chhunga KTP branch hrang hrang te chuan nakkum 2022 chhunga hruaitu tur an thlang.
14th. Tuesday : UD & PA Deptt. buatsaih, Local Area Plan/TPS Draft Plan siam chungchang YMA Confenrence Hall-ah sawiho a ni. He hunah huan World Research Institute aiawhin Chief Town Planner, Mumbai atangin a lo tel a ni.
15th. Wednesday : Hrangthansanga s/o R.Saikunga (L), Arpu Veng leh
Lalrinkimi d/o Upa Lalnuntluanga,
Damveng te chu Sihphir Kohhran Biak Inah an innei.
16th. Thursday : Central YMA General
Conference vawi 73-na chu R.Dengthuama Hall-ah hman a ni a, he hunahhian Sihphir Branch YMA atangin Pu C Lalrinawma, Vice President ho-in OB pathum leh Pu R Lalduhzuala, CEC te an kal.
17th. Friday : Vanlalpeki d/o C.
Lalringliana (L), Arpu Veng, Lalrinchhani d/oZonunsanga, Arpu Veng leh Lalhunsangi d/oLalzawmliana, Tlang Veng te chuan thlangkhuan an dim.
18th. Saturday : Tlangveng Welfare
te chu an veng chhung tifai leh cheiin an hnatlang.
19th. Sunday : Kawnveng Self Help Group te chuan an member pui, Pi Sawikimi, a pasalin May ni 12-a a boral san chu an ral.
20th. Monday : Lalrinkimi (67) m/o Lalhriatpuia, Arpu Vêng chuan Covid 19 hripui a kai.
21st. Tuesday : Sarepkawn atanga Chamdur lama ram neitu te chu kawng siamin an hnatlang.
22nd. Wednesday : Pu R. Lalduhzuala, Damveng, Branch YMA Executive Committee Member leh hun engemawchen President pawh lo ni tawh chu Central Executive Meeting chuan Property Sub-Committee Chaiman atan an ruat
23rd. Thursday : Ni za inhlawhna pawisa chu V/C house-ah sem a ni.
24th. Friday : Venglai Presbyterian kohhran chuan kum 2019-2020 leh 2020-2021 academic session-a board exam leh a chung lam pass te lawmpuina an hlan.
25th. Saturday : Branch YMA hruaitu hlui leh nakkum hruaitu tur te chuan mawhphurhna president ni lai, Pu Lallianfala inah an in hlan.
26th. Sunday : Vailokawn Zau hruaitu te chu Chairman, Pu Laldailova te inah kawng laih chungchang relin an thu khawm.
27th. Monday : H. Malsawmzuala s/o H. Laltanpuia, Neihbawi chu Col CK Nayudu Trophy, Ranchi a khel turin Mizoram Criket Assiciation tirh Under-25 team zingah telin Mizoram a chhuahsan.Kolkata-ah an inkulh anga, January thla atangin game hi thla hnih chhung an khel ang.
28th. Tuesday : March ni 3-6, 2022-a Kolasib Diakkawn Field-a hman tur, KṬP General Conference Hla Bu chu Synod Conference Centre-ah tlangzarh a ni. Hla Bu cover in design siakah Pu H. Lalrimawia S/o Pu H.L Rinthanga, Sihphir Biak In Vêng design pakhatna niin thlan a ni a. Lawmman atan KTP General Conference Hla Bu leh pawisa fai a dawng.
29th. Wednesday : Covid positive mi paruk hmuhchhuah a ni a, mi panga an dam thung.
30th. Thursday : Covid-19 positive thar 26 kan nei a, nikhat thil thu a hmuhchhuah tam ber tum a ni. Hemi hma a kai an tam ber tum chu tun thla vek, ni thum khan mi 24 in an kai a ni.
31st. Friday : Covid hri kai 21 hmuhchhuah a ni a, heti hian mi 625 in kai tawhin mi 77 hri vei mek an awm .
Comments
Post a Comment