Lalchhanhima Varte

  (Sawiremtlang Editorial,edited) Chung chhawrthlapui khawchhak atanga a chhuah a, khawthlang lama a tlak nitin takah chuan heile October thla kan lo chuang chhuak leh ta reng mai. October thla hi Mizo thla chhiar dan chuan 'Khuangchawi thla' tih a ni a, kum khat chhung a boruak a nawm hunlai ber niin khaw lum uap churh reh tawh si, khua a la vawh lutuk hma si a ni a, khaw dur khup khup leh khawpui ri a kiang a, vanlam han thlir ila van boruak pawh a thiang dumpawl ruih ta mai. Zing ni chhuak hliah thintu chhum chhah tak tak pawhin kianzai a rel ta. Hmanlai chuan mitin eizawnna a inang deuh vek a, chu chu lo neih a ni. Hetih hunah hi chuan an lo lam hna an zawh thawkhat tawh avangin 'favang awllen' an ti bawk thin. Hetih hunlai hian khuangchawi thei te chuan hun an hmang thin nia sawi a ni. Hmanlai a ta kumkhata hun nuam ber lai kan thleng dawn a ni a, kan hma lawkah Krismas kan thleng mai dawn bawk nen, chhiartute he hun hlim leh nuam taka hmang theuh turin kan duhsak ...

  Kristian tlangau, August issue, zawhna leh chhanna huangah chuan "Mitthi kan neihin a vuitu ten 'Pathian remruat/huntiam a ni' an ti vek a, kan thih hun tur, ni leh thla leh kum te hi kan pian ni a ruat sa reng emni? Rawngbawl tu tha tak accident a thi te, hmeichhia raicheha an thi mai te hi Pathian remruat a ni thei angem?" tih zawhna a a awm a, ngaihdan hrang hrang a awm theih thu leh 'thih leh dam hi chu Pathian kuta awm a ni a, Pathian remtihna lo chuan tumah kan nung thei lo' tia chhan a ni. Kar hmasa khan 'Lal remruat' tih hmangin Pathian remruat hriatthiam a harsat zia leh kan chunga thil thleng tur a hmuh tlang vek thu kan sawi a nih kha. Thih hun tur ruatlawk a ni em tih chungchangah pawh hian Pathian hian kan hma lam hun zawng  zawng bakah kan thih hun tur thlengin a a ruahman lawk vek in a rinawm. Amaherawhchu, thi hma tura tih, an nungchang avanga damrei ta an awm thu Bible-ah ngei kan hmu a nih kha. Chutih rualin sa tha pui leh hrisel ta...

  Kar hmasa khan branch YMA WhatsApp group-ah hian member pakhat hian 'Sihphirah hian Lalremruata sakhming pu an tam ber' tih a post a, kan sawi zui laih laih a nih kha.  Lalremruata/Lalremruati tih hi hming mawi tak niin a lang a, Sihphir mai niloin Zofa te zingah pawh pu an tam ber hialin a rinawm. Pathian remruat emaw Pathian thil ruahmanna ti pawhin a sawi theih awm e.  Aigupta lal, Farawa'n Israel fate an pun chak em avanga ruahmanna (family planning) a kalpui tum khan an mi pakhat chuan 'Lal remruat hi engmah a nilo. An khawsak kan tih harsat poh leh an pung nasa mai a, a ngaihṭhatthlak loh tawp mai,' a ti a nih kha. (Bible comics, chhanchhuahna ropui) Kan ram hruaitute remruat dan pawh hi hriatthiam har tak tak chu a tam viau awm e. Political party lian pathum te remruat dan han tarlang ta ila. Remruat tu a kan thlan lai, MNF ho chuan ramri chinfel dan thuruk hriaa insawiin chu thuruk chu sawichhuak siloin ramri an chingfelin a lang silo. Congress in that loh...

     September ni 3-12 chhunga Hero Sub Junior Boys' National Championship, Behrampore & Malda Stadium, West Bengal a khelh a Champion team te chu nimin chawhnu dar 3:20 khan Lengpui airport an lo tum a, Mizoram Football Association chuan ropui taka lo hmuakin zanriah an buatsaih sak bawk. An zinga Sihphir rawlthar pathum : Valentine Lalmuanpuia S/o Lalawmpuia (L), Arpu Veng (Goalkeeper) Isak Lalmalsawma S/o Lalthazuala,  Venglai, (Forward) leh Zodinpuia S/o Zonunsanga, Venglai, (Forward) te pawhin zan dar 8 :25 khan Sihphir khaw chhûng rawn lutin Rohrenga Hall-ah V/C te ruahmanna in khawtlang mipui ten ropui taka lo lawm an ni. A lawmna inkhawm hi V/C Vice president, Pu Thanglianchhunga,   Chairman, Sports Dev. Board chuan a kaihruai. Pu Thanglianchhunga chuan thil lawmawm em em mai football hmanga Sihphir in kan tawn avanga lawmawm a tih thu a sawi. Chairman in a sawmna angin anmahni lo enkawl hmasa tu Pu Zosangzela Rengsi, Grace academy enkawltu chu ...

  1st. Tuesday  : Zaithiam, Lalngengpuii Tochhawng (51), Bethlehem Vengthlang chu kal thalo avangin Greenwood Hospital Aizawl-ah a boral. 2nd. Wednesday : NGO Co-Ordination Committee chu Central YMA Committee Room-ah  neih a ni a, he hunah hian Manipur-a kan unau Zohnahthlakte avanga harsatna tawkte tanpuina atan Rs 7,00,000/- pek an rel.  3rd. Thursday : Mizo Zirlai Pawl leh Mizoram Sports & Youth Services Department tangkawpin an buatsaih Y20 Meet on Patriotism, Nationalism & Development chu Govt Saitual College Auditorium-ah hman a ni a. Lengteng Bialtu MLA leh Human Resource Development Vice chairman ni bawk, Dr L Thangmawia chuan khuallian niin a hmanpui. Khuallian chuan thu sawiin, "Zohnahthlakte hi harsatnain min hnukkhawm thin," a ti a, "Tunah chuan tunhmaa Lusei tawng hmang lo Mizo lo riaua hmuh ṭhinna tam tak a bo tawh," tiin, "Tuna harsatna zawng zawng hi kan hnam indinchhoh hunah thawnthu ngaihnawm a la chang dawn a ni," a ti bawk. 4th....

  1st. Tuesday : Selesih kawna traffic duty-te chuan rinhlelh thilah 2-wheeler taxi an lo tiding a zû ûm 11 zet mai a lo phûr tih hriat a ni a. SR & AC-te hrilhin, anni hian thu an zawt fiah a, hetiang thil hi ti tawh lo turin an zilh. Amah hi Ramhlun Venglai tlangval a niin zu hi Pi Lalbiakzuali w/o Lalrinfela, Arpu ta tur niin a sawi a, a dik ngei tih finfiah a nih hnu in Lalbiakzuali hi zilha, warning pek nghal a ni.     2nd. Wednesday : YMA hall-ah nilengin gram sabha neih a ni a, he hunah hian V/C hmalakna hrang hrang te ngaihthlak a nih bakah khawtlang tana pawimawh te sawiho a ni bawk. 3rd. Thursday : Zoramliana s/o Kâpthanga, Neihbawih chuan Lalrinkima, Kawnveng dawra an pawisa a la a, ûm zui nghal a niin lak lêt leh vek a ni.   4th. Friday : Chawngbawla Section YMA te chuan an huam chhunga zirlai tiṭhate lawmpuina hun, Hmarveng Presbyterian Kohhran Hall-ah an hmang. He hun hi V/C Vice-president, Pu Thanglianchhunga chuan a hmanpui.   5th. ...

  Kar hmasa khan Mizo Zirlai Pawl (MZP) ten MLA inthlanpui lo awm tura hnamdang kawppui nei candidate te do an tum thu hmangin pawl ang aia mahni chhung theuh te infuihin kawngro a sut tur thu hmangin Editorial kan ziak a nih kha.   Hnamdang kawp kan tih hian hmeichhia te kan kawk deuh bik turah ngai ila. Mipa zingah hnamdang nei kan van pharh laiin hmeichhia chu veng tinah chhiar tham fe an awm avang leh mipa chi chu bo loin hmeichhe chi erawh a bo zui avang te pawh a nia'nge heti taka kan vei chhan hi.   Hman deuh khan Bairabi-a tlawmngai pawl hrang hrangte chuan an thurel tawh bawhzuiiin an khaw mi hnam dang pasal nei pahnihte chu an khua chhuahsan turin an hrilh a, pakhat zawk phei chu an in atangin an bungrua an dahchhuahsak hial a nih kha. He thil thleng hian sawi zui a hlawh viau nghe nghe a nih kha. Hnam dang nupui pasala neih thu hrim hrim pawh hian chai a hlawh tawh thin a, chumi piah lama hnam dang pasala an neih vanga an pasalte khaw lama cheng tura ...