Skip to main content

ILP CHECK

 


Inrinni leh Pathianni kal ta zan khan YMA Branch Committee member te chuan kan khawchhunga  'vai' kan tih te lakah Mizorama awm phalna, Inner Line Permit (ILP) an neih leh neihloh endika kal kual a ni. Permit nei țha eng emawzat zat an awm laiin permit nei thin, lo thi tawh te leh nei lo an awm nual bawk. Heng mite hi ni sarih chhunga lo ti nunga, lo nei vek tura hriattir an ni hlawm.


Inner Line Permit (ILP) hi India sorkarin official travel document a pek a ni a, India khua leh tui pakhat chu humhalh hmuna hun bituk chhunga inward travel phalna a ni.


Heihi Bengal Eastern Frontier Regulations, 1873 atanga lo chhuak a ni a, India rama state hnufual bik te inhung bikna atana tih a niin hnamdang te duh duha kan ram (State) chhunga an lo lut tur venna a ni.


Hetih lai hian vai zawng zawngin an nei ngei ngei tur a ni tih a ni chuanglo a,  neih ngailo hi an awm ve nual tih endik hna thawh dawn chuan  hriatchian a tul hle in a rinawm.


YMA kumpuan ni mek leh rei tak kan hman tawh, 'ram leh hnam humhalh' tih thupuia neitu ten'a hetianga an ti hi an tih awm tak niin a hriat. Chutih rual chuan, hetiang venna tha ber nia lang chu   intodelh hi a ni awm e. Kan tih theih reng si, hnamdangin min chan khalh tlat hi tharum tel lova kan pumbilh theih dan kawng hawi zawnga inzirtir a hun. Heta tana pawimawh langsar tak chu cement work chungchangah hian a hriatthiam theih mai awm e. Mizo tlangval hlir Cement Mistiri & Helper kan hman/chhawr theih hunah chuan vai mistiri-in thawh tur a hmu tawh lovang a, tharum thawh ngai lovin Karimganj lamah leh state dangah ei zawng turin an kal bo diak tawh ang. 


Tin, hnamdang sumdâwng engpawh kan tih theih leh kan neih ve thilah chuan induhsak nachang hria ila, hnamdang te kan dawrloh na na na chuan mistiri chungchang kan sawi ang khian kan ramah rei an awm peih hauhlo ang.


Heng zawng zawnga pawimawh ber chu taimak chhuah hi a ni e.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more