Skip to main content

VCP, PU LALNELAWMA CHANCHIN



Kar hmasa lama kan tarlan tak ang khan Sihphir Village Council Body chu siam danglam a niin Vice President tanglai, Pu Lalnelawma chu President tura ruat a ni. 


Pu Lalnelawma hi 2nd. May 1960 khan Pu Thandailova (L) leh Pi Dengziki (L) te inkarah a lo piang a, naupan tet atangin kohhran leh khawtlang ah thahnemngai taka inhmang thin mi a ni. Infiamna ngaina tak a niin hockey-ah phei chuan Sihphir hming ti thatu te zingah a tel ve fo nghe nghe. Zirna lamah chuan kum 1982 khan matric zir in chhungkaw harsatna avangin zirna lam a chawlhsan. YMA-ah kum 1983 atangin Executive Committee Member-ah tel tanin a kum leh 1984 ah section OB-ah tel chhoin Asst Secy. post a chelh a, 1986 ah Branch OB ah lut chho zelin Asst Secy. ah thlan zui a ni. Kum 1986 atanga 1993 chhung khan Sinner's Friend team-ah telin tuna rescue center, Dilkawnah khuan Pu Lianthanga hnung zuiin a lo awm tawh a, hetah hian ruihhlo ngaite enkawlna lam bik changin director a ni nghe nghe. Kum 1994-ah Pi Ramengmawii, Pi Darthantluangi fanu, Serkhan veng (tuna Dinthar veng ni ta) nen inneiin tunah hian Damvengah an cheng mek a ni. Kohhran lamah pawh a phak tawk tawka inhmangin kum 1994 atangin puitling Sunday School ah zirtirtu hna thawk tan in tun thlengin he rawngbawlna pawimawh tak hi a la chelh a, kum 25 chhung a zawna zirtirtu tang lawmman, diploma pawh a dawng tawh nghe nghe. Pulpit rawngbawlna hial changin tunah pawh Committee peng hrang hrangah pawh a la tel nual a ni.


Kum 2002-2004 chhung khan MPC ticket in VC Member-ah thlan tlin a ni a, hetih lai hian Treasurer a ni nghe nghe.


Kum 2015 khan MPC ticket bawkin VC Member-ah thlan tlin a ni leh a, term tawp dawn lamah MNF party zawmin kum 2020 VC inthlan khan MNF ticket in thlan tlin a ni ta zui a, VCP, Pu Lalropuia Pachuau kaihhruaina hnuaiah Vice President hna rinawm taka a thawh mek laiin VCP tanglai in party headquarters lama in sawrbing a ngaih tak avangin President dinhmun hi a luah dawn ta a ni.


President a ruat a nih hnua a hmalak tum dan kan zawhna chhangin Pu Nelawma chuan khawchhung chei, link road a tam thei ang ber siam leh Sakawrhmuituai tlang tlawh nahawm zawka tih changtlun a tum thu a sawi. 


A hming ang maia pa nelawm, Pu Lalnelawma VCP tha tak ni a, khawtlang leh ram tan thahnemngai taka a thawh theih ngei kan duhsak e.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more