Skip to main content

MARCH 2023, KA DIARY

 

1st. Wednesday : Tui lakna tur kan buaipui leh.


2nd. Thursday : Dawrah ka awm nileng. Maawmi pa chu a chhuak ta. Bilkhawthlirah an chhuk. Ka lehkhabu chhiar lai chu ka chhiar chhuak ta.11/2


3rd. Friday : Dawrah ka awm nileng. Zanah chanchinbu chhutnaah ka kal. Pu Thangzuala, Edya pu chu a thi. Chanchinbu chhut zahin ka kal ve a, dar 2:45 velah ka haw.


4th. Saturday : Dawrah ka awm.


5th. Sunday : Chawhmaah Sunday School ka kal.


6th. Monday : Hruaia nen huan kan va hal.


7th. Tuesday : Huan neitu pa nen huana lei laih dan tur vel kan va enfel. In kan thleng chiah tihin Maawmi pa thih thuin min deng. Hmanhmawh takin ka insiam zui a, Pu Ja'n (huan neitu pa) Rs 500/- in a ral a, Nu Tlani'n puan min thawn bawk. Neihbawi ah tlanchhoin Lalrammuana scooty in ka kal a, dar 7 pelh hretah ka thleng thla.


8th. Wednesday : Mitthi vuina leh a hnu lamte buaipuiin nilengin ka che. Ka riak leh. Thlanmual kal haw lam hi Mi te inah ka leng zuai a, zanah a nu te in, Ruati te inah kan leng leh bawk. A nu hi thi chhawngin damdawiin ah a awm mek a ni. Lawmkima, Nu Rinkhami fapa chu awmlaiin a thi.


9th. Thursday : Thlan te kan hung a, a hnu lam pawh ka buai leh hle. Ka riak leh.


10th. Friday : Zingkarah Aupuia te inrel kan en a, an inah kan lut zuai bawk. Chhunah Bilkhawthlir atangin Sawmzela leh U Hminga te nen scooty in kan chho tlang a, Kawnpui dai pengah motor changin Aizawl pa, Kolasib kal haw scooty-ah ka bet haw. Unau te hi Sairang kawng lama an kal a ngaih vang a ni. Zanah Ni Laite inahh chaw ka ei chho. Huan kawng, tuikhuah tur leh thlam hmun tur vel chu JCB hmanga laih a ni.


11th. Saturday : Huanah nimin lama JCB hna va en pahin mang ka khawh.


12th. Sunday : Chawhma ah Sunday School ka kal. 'Ka puzawn a thi' tih thupuia hmangin article ka ziiak tan. 16/3


13th. Monday : Dawrah ka awm nileng. Zanah kan section YMA OB te FS Arema te inah kan Committee. Maawmi te unau hoin chaw Aupuia te inah an eikhawm. Aupuia hian a unaute ho ram a sem a, kan chan ve dawn avangin ka lawm hle.


14th. Tuesday : Dawrah ka awm nileng. Ration buhfai ka la.


15th. Wednesday : Dawrah ka awm nileng. Maawmi a lo haw leh ta. Mama te ram a enkawl ve theih dawn avangin ka lawm hle a, Atei Bilkhawthlir lama a inbenbel a tul tawh thu a sawi avang erawh chuan pawi ka ti hle thung.


16th. Thursday : Vansangliana nupui neihnaah nilengin ka va awm a, zanriah ka ei nghal. JCa lu ka mehtir. Ka article ziah lai chu ka zo ta. 12/3


17th. Friday : Huanah mang ka va khawh. Zanah chanchinbu chhutnaah ka kal. Ka Editorial ziah chu thian ten zialo an tih deuh avangin thu dang Edyan a ziak. Ka article thar chhuah tura ka dah a len loh bawk si avangin pawi ka ti hle.


18th. Saturday : Hrangsavunga, Zaithanmawii pasal chu Berhvakawn a an ramah thi a hmuh a ni. Ka hriat veleh kawnah pheiin a ruang laknaah ka kal ve nghal. In thlen hnuin vuinaah hiam ka han kal leh a, zan thalai hunah ka kal leh bawk.


19th. Sunday : Chawhmaah Sunday School ka kal. Maawmi erawh a nawm meuhloh avangin a inkhawm lo thung. Chuan, Chawhnuah ka inkhawm leh bawk. Inkhawm banah Pathian ram kan chhiar.


20th. Monday : Huanah bean zamna ka va thiat. Antam leh hmarcha vel ka theh nghal. Zanah khawhar inah ka kal. U Vunga kha YMA member a nih angin dekchi, citation leh Rs 11,750/- in kan ral nghal. Ban hnuin tlem azawng a lut leh bawk.


21st. Tuesday : Huanah ka va feh a, sawhthing lingin bean zamna ka thiat leh bawk. Atei a lo chho a, Aizawl ah a tlang. 


22nd. Wednesday : Huanah sawhthing ka va ling leh a, bean zamna hnuai tlem ka sam bawk. Kristian tlângau a lo thleng. 


23rd. Thursday : Loah kuhva hmun ka va sam. Ka zo nghala, ka lawm hle. Atei Aizawl a kal. 


24th. Friday : YMA kum 85na a ni a, YMA hall leh thlanmual velah kan hnatlang. Zanah chanchinbu chhutnaah ka kal.


25th. Saturday : Huanah zawl vel kha ka va sama, antam tlem ka theh leh bawk.


26th. Sunday : Zing tawngtai inkhawm ah ka kal. Chawhmaah Sunday School kan kal a, banah Ni Biaki kan zuk tlawh. Lalthutthlenga monu, Mami pa chu synod damdawiin ah a thi.


27th. Monday :Tlaiah huanah thlam hmanrua tur ka va dah.


28th. Tuesday : Zing dar 2:25ah Ruati nu ZMC-ah a thi. Min rawn fawn harh a, kan meng tlang nghal. Tichuan, Maawmi ruang zuiin a chhuk ve a, a riak nghal. Pu Liansanga chu synod damdawiin ah kal thalo avangin a thi. Huan neitu pa nen thlam hmanrua vel kan va dah fel a, tui kawng leh thlam sak dan tur vel kan en nghal. Atei kawmchhak ah a riak. 


29th. Wednesday : Khua a nawmloh avangin eng tih zai mah ka rel lo. Impuiah thirtiang hawh tumin ka kal a, Ni Biaki ka zuk tlawh nghal. Kolasib lamah bike dah thlak a lo ngaih avangin Mapuia nen kan zuk kal. Au Dawngite inah kan kal nghal a, kal lam leh hawn lamah au huanah kan lut kawi ve ve bawk. Kawnpui dai chhukah scooty break a chhiat avangin Kawnpuiah kan han siamtir. Maawmi a lo haw a, lung nupa bula kan awm laiin an lo tlan tlang. Motor atangin min rawn au.


30th. Thursday : Petera nen huanah pipe kan va zam a, tuikhuah hnuai ta zawk kan lai bawk.


31st. Friday : Vawk kan talh. Lianan a sat. Zanah chanchinbu chhutnaah ka kal. Joseph Lalhruaitluanga s/o Lalropuia, Biakin veng chu Aizawl a biak in rawng an hnawih laiin a chesual a, damdawiin kalpui a nih hnuah a hliam tuarloi  a thi. VC te chu hetiang hian an insiam rem :

President : Pu Lalnelawma

Vice President : Pu Thanglianchhunga

Treasurer : Pi Lalbiakdiki

Maawmi chu a pa thih chungchangah an SHG te chuan brite in an rawn ral. An hun hman lai erawh in ka awmlo thung.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more