1st. Sunday : Laldinpuii (34) W/o Frankie Hmingthanruala, Neihbawi chu Civil Hospital, Aizawlah 'Cancer' natna avangin a boral.
2nd. Monday : Lalthakima, kum 83 h/o Suakkungi, Dam Veng chu Civil Hospital, Aizawl-ah 'Stroke' avangin a boral.
3rd. Tuesday :
Tv Lalrema (Vohbik), kum 57 s/o Kapzauvi (L), Tlang Veng chu Synod Hospital, Durtlangah 'Pumpui Pawp' avangin a boral.
4th. Wednesday : Taitesena section YMA te chu thlan laiin an hnatlang.
5th. Thursday : Branch YMA chu Community hall-ah chhiatni chungchâng a inkaihruai na chungchang relin an committee.
6th. Friday : Lalhmangaihzuali D/o H. Lalrintluanga, Tlangveng leh Johan Lalramliana s/o Zirliantluanga, Vaphai te chu an innei.
7th. Saturday : Venglai KTP chanchinbu, Logos enkawltute General Conference a an kal vek avangin chanchinbu a chhuak lo.
8th. Sunday : Ramengmawii, kum 70 w/o Denghmingliana, Tamlo Veng chu Cancer Hospital, Zemabawkah 'Cancer' natna avangin a boral.
9th. Monday : Bial chhung KTP member, General Conference, Kolasib a kal te chu tluang takin an lo haw.
10th. Tuesday : LIDCAS committee chu Vice President, Pu C. Parmawia inah neih a ni.
11th. Wednesday : Pu
Chuauhluna, Tlangveng te lungrem
chimin a thlanga Pu Lalkhawngaihzualain chhak lam a delh a, chhiatna lian a
thlen hmain in chhung bungruate seng
fel a ni.
12th. Thursday : Health Department ten Kayakalp award (Damdawiin ṭha leh felfai) an sem chhuahah Sihphir UPHC chuan commendation award an dawng. He award hian sum fai ₹ 52,000/- a keng tel.
13th. Friday : Presbyterian Sihphir Pastor Bial Zaipawl Term thar (2022-2024) te Pathian hnena hlanna hun Sihphir Kohhran Centenary Hall-ah neih a ni a, Pastor C. Sapkaia, Bialtu Pastor in hlanna neiin, fuihna thuchah a sawi bawk.
14th. Saturday : Ni hnih awh, Sihphir Badminton Club
buatsaihin
Sihphir Badminton inkhawmpui Multipurpose indoor hall-a neih chu a tiak ta. Inkhawmpui-ah hian
player 38 zet an tel
15th. Sunday : Sihphir Presbyterian Kohhran in ni hnih awh, kristian
chhungkaw campaign an neih chu a tiak ta. He hunah hian
Speaker atan Upa Lalthantluanga
(Krista Thuhriltu Team) Dawrpui
Vengthar chu hman a ni.
16th. Monday : Presbyterian Kohhran, Venglai Pavalai Pawl te chu PHE Department in tui conection an siam mek a lei laih te hnawhin an hnatlang.
17th. Tuesday : Mizoram Board of School Education (MBSE) chuan kumina pawl 10, High School Leaving Certificate (HSLC) Exam result chu tichhuakin Sihphir khuaa school hrang hrang pali, heng : 1. Government High School, 2. Venghlun High School 3. Holy Angel School leh
Presbyterian English School, Venglai (YLS) atang te hian exam 102 atangin zirlai 96 (94.11%) in an pass a ni. Heng school zînga 1. Venghlun High School 2. Holy Angel School leh
3. Presbyterian English School, Venglai (YLS) a zirlai te hi an pass vek bawk.
18th. Wednesday : April thlaa NERGS thawh hlawh pawisa chu Community hall-ah ₹ 1,200/- a sem a ni.
19th. Thursday : Pu Malsawma, kum 64 S/o Lianthuama (L), Arpu Veng chu an chenna Inah 'Cancer' natna avangin a boral.
20th. Friday : Vanapa Hall-ah Mizo Film 'Tuizual Ngaw' tih chu Hmingthangvunga'n a release. He film hi Kawnveng pa, Videographer turu tak, Asanga Dosel chuan thla a lak sak a, Champhai, Reiek leh Sihphirah te film hi shoot a ni. A changtute ah hian Sihphir nula fel Nl. Remsangpuii Vanchhawng (Temi), Damveng chuan part pawimawh tak, leading role a la ve bawk.
21st. Saturday : Branch YMA te chuan an member pui Dt. 19th. May a boral ta, Pu Malsawma, Arpu veng chu Bucket lian, Citation leh
Pawisa fai : ₹ 11,706/- in an ral. Ralna thilpek hi Nl Nancy Lalrinpuii, BEC chuan a hlan a ni.
22nd. Sunday : Ni hnih awh, Bible Society of India, Aizawl Auxiliary, Durtlang Branch Annual Meet vawi 18 na Venglai Presbyterian Kohhran Biak Ina neih chu a tiak. He hunah hian speaker chu Rev JH Zaikima, Durtlang Leitan bualtu pastor a ni a, 'Inpumkhatna' (Joh 17:15) tih thupuia hmangin Pathian thuchah a sawi.
23rd. Monday : MSSSB in Competitive Examination for Combined Graduate Level-2022 written results a tih chhuahah Tv Lalnunhlua s/o Lalhriatpuia, Dam Veng a tling.
24rd. Tuesday : H Vanlalvena (49) w/o Lalbiakmawii Dintharveng chu kal thalo vangin LRM Hospital-ah a boral.
25th. Wednesday : Village
Beautification Committee te chu
Sawiremtlangah pangpar leh thing
phunin an hnatlang. A hmun hma vel an tifai bawk.
26th. Thursday : Sihphir
Higher Secondary School NSS unit te
chuan Synod Hospital, Durtlang tan
thisen unit 13 an pe.
27th. Friday :
Ni hnih awh, SIRD & PR, Mizoram buatsaih, Sihphir a bawng leh vawk vulhtute tana
YMA Conference Hall a
training chu a tiak.
28th. Saturday : UPC te chuan
Myanmar refugee, Synod camping center-a awm mek te chu an inkhawm pui.
29th. Sunday : Presbyterian Bial Kohhran Hmeichhia te chuan inkhawmpui in a lo rel tawh angin 'Bial chhung kohhran tinah bial hruaitu ten Kristian chhungkua campaign neih ni rawh se' tia a lo rel tawh chu a hun khatna atan Sihphir Kohhranah hlawhtling taka hman a ni.
30th. Monday : Village Beautification te chuan Sunhlutlang leh a chhehvêla thingphunna hmun vel an ti fai.
31st. Tuesday : Lalsangpuii (38) w/o Lalliankima Damveng chu Synod Hospital-ah a boral.
1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e. Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni. Feh haw'n kawngah lah hmeichhia chuan em khatin in lam mamawh an phur haw ...
Comments
Post a Comment