1st. Friday : Pastor Bial
KTP te chuan Sihphir Kohhran Centenary Hall-ah YRC Awareness campaign an nei a, Central KTP atangin
hruaitu mi 5 an rawn kal. Anni hnen atang hian YRC chungchang
thu bengvarthlak tak tak ngaihthlak a ni bawk.
2nd. Saturday : Rural Industries Association te chu kuang siam in an hnatlang a, kuang 10 siamin heti hian covid kuang leh a pangngai pakhat ve ve awm sa nen kuang siamsa 12 a awm ta a ni.
3rd. Sunday : YMA OB te chu Community Hall-ah a dinhmun en fel pahin an meeting a. Enkawl zui dan turte relin Chhiatni Fund chungchang bakah BEC Meeting neih hun turte an rel.
4th. Monday : Point hrang hrang ah gas sem a ni.
5th. Tuesday : YMA hnuaia Evangelical Sub Committee te chu in form thar a ni a, Adviser 3 leh
committee member 39 ruat nghal.
6th. Wednesday : Mizoram sorkar
chuan hmun hrang hrangah SEDP an
sem a, Sihphirah pawh chhungkaw 73
in dawngin hemi tum hian Rs 50,000/-
theuh leh vaimim chi thahnem tak an
dawng.
7th. Thursday : Venglai Branch KTP te
chu Zuangtui-ah Futsal Ground tur chhungin an hnatlang a,
member 43 thawk chuakin cement bag 105 an chhung.
8th. Friday : Sita Lalrinmawii d/o
Chandra Bahadur, Kawnveng leh
Rajena Rai S/o Podom Rai, Durtlang te chu Durtlang Presbyterian Kohhran Biak Inah an innei.
9th. Saturday : Women Multipurpose Co-op Society ten V/C House-ah Annual Assembly an hmang.
10th. Sunday : Tumkau ni a ni a, kohhran hrang hrangten Tumkau chawiin kawng an zawh.
11th. Monday : Community hall-ah Gram Sabha neih a ni a, he hunah huan kum 2022-2023 chhunga Village Employment Committee leh
Vigilance & Monitoring Committee member/OB turte thlan nghal a ni.
12th. Tuesday : Branch YMA chu Conference Hall-ah an committee a, he hunah hian YMA mai bakah khawtlang mamawh thil hrang rel a ni.
13th. Wednesday : Central YMA hnuaia Central Co-ordination Committee chu Bawngkawn
South YMA Hall-ah neih a ni a, Branch aiawhin Tv. Vansangliana, Secretary leh
CEC Member, Pu R. Lalduhzuala te an tel.
14th. Thursday : A chhûngte ngenna angin
SR & AC-te chuan Pu Lalrinpuia s/o Darthantluangi, Dinthar Vêng chu
Damna In (TNT), Zuangtui-ah an dah.
15th. Friday : R. CHawikunga, kum 90 h/o Lalduhawmi, Arpu
Veng chu
an chenna Inah 'Pneumonia' avangin a boral.
16th. Saturday : Presbyterian Bial Kohhran Hmeichhia te chu Venglai Kohhranah Sihphir khaw hlan in an
tawngtai.
17th. Sunday : Easter Sunday a ni a, kohhran hrang hrang ten Lal Isua tholeh an lawm.
18th. Monday : Tlangnuam Block Level Health Mela chu Multipurpose Hall-ah M.P (Lok Sabha), Pu C.Lalrosanga’n a hawng. Health Mela hawn inkhawm hi VCP, Pu Lalropuia Pachuau-in a kaihruai. He hunah hian mi 1491 in entir awmin, mi 430 in thisen ab test bawk.
19th. Tuesday : Chamdur ram thenkhat chu a kang a, pawi liantham erawh a thlenlo hlauh.
20th. Wednesday : Retailer I, II leh III-ah te buhfai ration sem tan a ni.
21st. Thursday :
Cricket inelna lian, 11th Inter Branch Cricket Tournament 'Vuak Hawnna' chu CYMA Hall, Tuikhuahtlangah neih a ni a, he hunah hian Sihphir YMA aiawhin hruaitu pali an kal. Sihphir team hian an match hmasa ber atan April ni 27 khian Dawrpui branch nen Ramhlun field ah an khel dawn a ni.
22nd. Friday : Revenue
Department te chuan Sihphir a house
pass dil te an rawn enfiah. He hunah
hian in hmun diltute nen an inkawm
ho a ni.
23rd. Saturday : Sihphir Bial UPC
member te chuan Nisapui Kohhran Sunday School Hall/Evangelist Quarters
chu hnatlangin an sakpui.
24th. Sunday : Ni thum awh Presbyterian Kohhran, Sihphir Pastor Bial inkhawmpui, Venglai biak in a neih chu a tiak ta.
25th. Monday : Khuangchera Section YMA te chu thlan laiin an hnatlang.
26th. Tuesday : Branch YMA chuan kumpuan 'Ram leh hnam humhalh' tih chu Conference Hall-ah an hawng. Kum puan hi Central Executive Committee member, Pu R. Lalduhzuala, Khuangchera section chuan a hawng a ni.
27th. Wednesday :
Pu L.Thangmawia, MLA, Vice Chairman, Human Resource Development (HRD) Board chuan Neihbawi-a Health Clinic Centre thar a hawng. Pu Thangmawia chuan Neihbawiin an mamawh em em Health Clinic Centre thar an nei ta chu a lawmpui thu a sawi. He hun hi Pu Lalnelawma, Vice President, Village Council chuan a kaihruai a ni.
28th. Thursday :
Lalvenpuia c/o Zaneihthanga, Arpu veng leh Zorinmawii d/o R. Lalthanmawia
Chanmari te chu Sihphir Kohhranah an innei.
29th. Friday : Tlangnuam RD block huam chhunga V/C member te chuan Lunglengah V/C meet an hmang a, he hunah hian V/C member, an chhungten an boral san te an ral nghal a, Sihphir V/C atangin Pi Lalbiakdiki, Treasurer leh Pi L. Sawikimi te chu an pasal ten an boral san ve ve avangin an ral ve bawk.
30th. Saturday : Ruah tamtak surin thli leh rial a thawk tel bawk. Ramhnuai leh khawlai velah tawrh hrehawm viau mah se harsatna lian tham erawh a thlenlo hlauh.
1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e. Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni. Feh haw'n kawngah lah hmeichhia chuan em khatin in lam mamawh an phur haw ...
Comments
Post a Comment