Skip to main content

APRIL 2022, KA DIARY

1st. Friday : Sethupkawn bulah lei laiin ka inhlawh. Kristian Tlangau a lo thleng. 2nd. Saturday : Ka hna ngai ka thawk leh. Mamite an haw leh ta. ²⁸/³ 3rd. Sunday : Zingkarah Pathian ram ka sem. Chawhmaah Sunday School kan kala, chawhnuah ka inkhawm leh bawk. Tlaiah Pu Rammawiate inah quarry leh motor nei ho bultumin Sarepkawn kawng zawh ho te kawng chungchangah kan committee. Peter a fapa, Jason a birthday vawikhat na a ni a, Atei a lawmnaah a fatu a, kan nupain an chaw kan inah kan ei thung. Atei hian ruai sa hi a ei velo a ni. 4th. Monday : Huanah bean kan va tuh. 5th. Tuesday : Loah khawl ka va la a, Huanah ka dah nghal. 6th. Wednesday : Huanah thlai hmun tur ka va sam. Atei Aizawl a kal. 7th. Thursday : Huanah thlai hmun tur ka va ti fai. 8th. Friday : Kan inneiih champha vawi 13na a ni a, hei vang hian inah ka awm. Chawhnu-ah Vailui/Au Chhanhimi te inah ka zuk insu. Zanriah kan inneih champha pualin vawksa sawhchiar kan hmeh a, Ponti te unau leh Dampuia, Pekhlua leh Jakoba ten chaw an rawn ei. Zanaah chanchinbu chhutnaah ka kal. Situin Durtlang mi pasal a nei. 9th. Saturday : Huanah thlai chinna tur ka va tifai. 10th. Sunday : Chawhmaah Sunday School kan kala, zanah ka inkhawm leh bawk. Nu Diki, V/C Treasurer hnen atangin VMC kan nihnaa kan hlawh tur ka va dila, VC ten an lo endik tawh thun avangin ka la lo. Pawi ka ti hle. 11th. Monday : Zingkarah Community hall ah Gram Sabha neih naah ka kal.VEC leh VMC te inthlan thar a ni a, VEC OB turte : Chairman : VCP VC : Apa (a tlin avang hian ka lawm hle. Kan tlai avangin vote kan thlak hmanlo.) Secretary : VC Secretary AS : Valpuia (Mamala ka thlang) Treasurer : VC Treasurer FS : Zartei VMC, anni hi mi panga thlanchhuah a ni a, chanvo an la insiam rem ang. Tlingte : Pi Lalramhluni (Ramhluni aiah Pi Lalhlui ka thlang) Pi Mawizuali C. Lalremruata U Hmaa Pazawna (VMC tanglai tumah kan tling zoloa, pawi ka ti hle.) Chhunah huanah ka va feh a, bean zamna tur ka siam. 12th. Tuesday : Huanah bean zamna tur ka va siama, dania hmun tur ka thlo bawk. Zanah YMA te Conference Hall-ah kan committee. 13th. Wednesday : Huanah dania leh antam hmun turte ka va tifai. 14th. Thursday : Thawhtanni lo awm tura health mela neihna tur, Multipurpose Indoor Hall-ah YMA te hmunhma tifaiin kan hnatlang. Zanah kan inkhawm. Venpui zan a ni a, Rev. C. Lalremruata, Tlangveng chuan Lalpa Zanriah Sakrament a theh. SHG Kawnveng/Maawmi ten an member pui, U Dawngi, a nun a thihsan avanga an ralnaah ka kal ve. Ka lehkhabu chhiar lai chu ka chhiar chhuak ta. 3/3 15th. Friday : Good Friday a ni a, chawhma leh zanah kan inkhawm. Kristian Tlangau, March issue ka chhiar chhuak. Zan i khawm banah chanchinbu chhutnaah ka kal. Pu Chawia, Theihaingaw chu pneumonia avangin a thi. 16th. Saturday : Huanah bean hmun kan va thlo. Antam leh dania ka theh nghal. 17th. Sunday : Zingkarah Pathian ram ka khawn. Easter Sunday a ni a, chawhma ah Atei nen kan inkhawm. Maawmi erawh a nawm meuhloh avangin a inkhawm lo. Chhunah arm Wrestling OB te Zara te inah kan committee. Chawhnu-ah ka inkhawm leh a, inkhawm banah committee room ag Pathian ram jan chhiar. Kristian Tlangau, April issue ka chhiar chhuak. Atêin Chhantea te inah zanriah a ei. Ponti chuan a zirna tur, Lunglei Politechnic chu Zingkarah a thleng phei. 18th. Monday : Huanah bean bi ka va tifai. (2ibua212) 19th. Huanah dania hmun tur ka va thlo. Atei Aizawl a kal. 20th. Wednesday : Feh tumin kan chhuaka, khua a nawmloh avangin Daklalui atangin kan let tawp. 21st. Thursday : Huanah thlai hmun tur ka va tifai. 22nd. Friday : Zion venga kan in LSC kan tum chungchangah department mite an lo kal avangin V/C House-ah ka kal. Zanah bial Inkhawmpui kan kohhran in vawiin atanga kan dawn tan avangin ka inkhawm. Inlawm a leh kohhran hrang hrang report ngaihthlak a ni a, bial zaipawl an zau bawk. Chumi hnuin chanchinbu chhutnaah ka kal. 23rd. Saturday : Huanah ka va feh a, chawhma ah bean hmun ka sam a, chawhnu-ah Nu Zamite iskut zamna hlui chu bean zamna atan ka duh avangin ka han thiata, antam leh dania ka theh bawk. Zanah ka inkhawm. 24th. Sunday : Chawhma ah kan vaiin kan inkhawma, chawhnu-ah Atei nen kan inkhawm leh. Bialtu Pastor, Rev. C. Sapkaia chuan Lalpa Zanriah Sakrament a theh chu kan kil. Zanah ka vaiin kan inkhawm leh bawk. Zan inkhawm banah thalai zai naah Maawmi a fatu. Inkhawm pui chhunga ka inkhawm kim vek avangin ka lawm hle. 'Hindi thiam hi a tha' tih article ka ziak tan. ²⁹/⁴ Thlawhna a thlawh tih ka la zo chuanglo na a. 25th. Monday : Huanah kan va feh a, thlai thatna turin hna kan thawk. 26th. Tuesday : Huanah kan va feh a, thlai that a turin hna kan thawk. Zanah Conference Hall-ah YMA kumpuan hawnnaah ka va kal ve. Hemi paha tih Energy conservation awareness campaign pualin electric bulb kan dawnga, ka lawm hle. 27th. Wednesday : Zingkarah Zion venga kan in thla ka va la. Huanah ka va feh a, bean leh antam thatna tûrin hna ka thawk. 28th. Thursday : Nizan lamah jan mut tlem deuhhlek avangin inah kan awm. 29th. Friday : Huanah ka va feh. Chawhmaah Nu Zamite iskut zamna ka phelh a, chawhnu-ah bean hmun tur kapin thirzai ka zam nghal bawk. Ka article ziah lai, a thar zawk chu ka zo ta.²⁴/⁴ Zanah chanchinbu chhutnaah ka kal. Vawiin lama ka article ziah zawh tak chu chhuah turin ka dah tel. 30th. Saturday : Loah balhla tuk pahin ka va feh a, thlai vel ka enkual nghal.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more