Skip to main content

SEPTEMBER 2021, KA DIARY

1st. Wednesday : Ni Biakite in chhung ka zu pui. Kawmchhak Nu Duhi leh a fanu bakah a tupa, Muanzuala bakah Mafaka nupui leh an thenawma naupang pathum ten hripui an kai tih hmuhchhuah an ni. 2nd. Thursday : Huanah bean hmun kan va thlo. Neihbawi mi pathum leh Arpu nu pakhat (Julie) en hripui an kai. 3rd. Friday : Lo-ah nimbu ka va lo a, kuhva hmun ka sam bawk. Ruatfeli nu leh Lalmawizuala fanu upa ber ten Covid hripui an kai. 4th. Saturday : Huanah antam siamna tur kan va ti fai. Vanlalsawma a thi. A thih hnu-a Covid hri a kai tih hmuchhuah a nih avangin covid avanga thi a ngaih a ni. Covid avanga thi 3 Sihphir in kan nei ta tih a a ni. A nupui-in a lo kai ve bawk a, Teremi nau, Parmawii, Thanpara Neihbawi, leh Lalramhluni, Liansailova nupui leh an fate pathum in an kai bawk. 5th. Sunday :Hri leng avangin inkhawm a la awmlo zel. Inah ka awm nilenga, zanah erawh kuhva la-in Merate inah kan kal. Thangtea, Pu Hela fapa chuan hri a kai. 6th. Monday : Huanah a tumkhatna atan bean kan va lo. Kgs 18 a ni a, antam tel li kan la nghala, thlam kawtah dania leh a mawng lamah antam kan theh nghal bawk. Neihbawi, Theihaingaw leh Tamlo veng te tan mass test ni a, mi 10 in an kai tih hmuhchhuah a ni. Chu'ngte chu : 1. 1) Rawngbawlna fanu, 2)Tefaki 3) Zarzova 4) NT Zarmawii w/o Jakob Vanlalhruaia 2. 1) Lalnunhlui d/o Lalnunzira 2) Marry w/o Tetea 3) Lianthangpuia 4) Pu Rohlira fanu Biakdiki 5) Ribala leh 6) a fanu. 7th. Tuesday : Community Hall-ah Covid19 vaccine thawh hnihna ka han la. Library-ah ka kal nghal. Ahlima leh Ahriatiten Covid hripui an kai. 'A lung thu kim nan vaccine ka la leh ta' tih article ka ziak. Aringa hnenah TV leh stepliser chhia siam turin ka va dah. 8th. Wednesday : Huanah kan va feh a, bean ngul ka buaipui. Petera a rawn inhlawh. Maawmi'n bean leitha a pe thung. Covid hri Vanlalfela s/o U Sangzuala, Maengi, Tamlo veng te nufa leh Tetea s/o Lianthangpuia fanu ten Covid hripui an kai. 9th. Thursday : Huanah bean kan va lo. Pi Saichhingi leh a fapa, Tetea, an in bula Pa Dailova nu, Engzamite nufa, Pu Rohlirate chhungkua atangin mi pathum leh U Rawngbawlna fanu ten Covid hripui an kai. Kristian Tlangau a lo thleng. 10th. Friday : Maawmi'n ka phone a ti chhia. Chawhma-ah vawkin ka siamtha. Chawhnu-ah lo-ah ka riak lut. Huanah chawhmeh tur ka va la kawi. Ka piang thar leh ta. Haleluiah. Ruatfeli leh Lalmawizuala ten Covid hripui an kai. Ka lehkhabu chhiar lai chu ka chhiar chhuak ta. (29/8) 11th. Saturday : Tuikhuah tur ka lai-a, ka riak leh. Inrinni zan ram ka riahna hmasa ber a ni. Kristian Tlangau ka chhiar chhuak a,'Trump-a America' by Dr. P.C. Biaksama ka chhiar tan bawk. (14/3) Hrikai thar Arpu a Pc Lalnunzira fa leh Kawnveng a Peki fa, Mery ten. Synod Camping Centre-a Burma refugee pakhat nen. 12. Sunday : Mahni-in tukthyan ei dawnin chhung inkhawm neih dan pangngai thlapin ka hmang. Chhung inkhawm keimah avangin kan hmang khat ta hle mai-a, hman leh theihna remchang ka neih avangin ka lawm hle. U Thangliana te huanah nilengin ka zu leng thla. Rama Chawlhni ka vawikhat hman na a ni. Maawmi ka ngai hle. 13th. Monday : Ka tuikhuah laih lai ka chhunzawm a, a zo. Ka lawm kher mai. Chawhnu-ah kuhva bi ka sam. Ka riak leh. Maawmi ka ngai hle. Maawmi'n huanah bean a va lo. 14th. Tuesday : Nimbu bi ka tifai-a, ka riak leh. Ka lehkhabu chhiar lai chu ka chhiar chhuak ta. (9/11) Maawmi ka ngai hle. Maawmi'n Covid 19 vaccine dose hnihna a la. 15th. Wednesday : Panhnah ka lova, ka haw. Huanah thlai dinhmun niin ka peng zuai. Zanah U Ateate inah ka leng. 16th. Thursday : Huanah bean kan va lo. Ka kal hma hreta, darkar hnih vel hnuah Maawmi a rawn kal. 17th. Friday : Huanah bean ka va kap. V/C Treasurer hnen atangin tunkar Thawhţanni a ka khuah laih tak tanpuina pawisa (MNREG) Rs 10,000/- ka la a, ka lawm hle. 18th. Saturday : Huanah antam hmun ka va thlo. Ka birthday vawi 44 na a ni a, hemi pual hian JCa lu ka meh tir a, top up ka thun bawk. Zanah Biakinah ka va tawngtai a, rosgulla ka ei bawk. Nupa boruak chhiat lai a nih avang erawh in ka hmang nuam lemlo hle. Ka birthday ni chuan hna pawh thawk ngailo ka ni na a, hah viau mah ila in awm ka peih loh avanga feh pawh ka ni. 19th. Sunday : Chawhma-ah Pathian ram ka khawn. Ka bial chhung mite an quarantine nual avangin in khat chiah ka khawn. Chawhnu-ah hei hi ka va thehlut. Zanah Biakinah ka va tawngtai. Primary School kan kal laia kan zirtirtu, Pi Lianchhungi pasal chu Langkaih lui-ah a tlahlum. Lockdown avangin inkhawm theih a la nilo. 'Lawm a kim & Beudawnba piah ram' tih college zirlai chu ka chhiar tan. (20/9) 20th. Monday : Huanah bean kan va lo. Rannung tur ka kap nghal. Kan TV a tha leh ta. Ka lawm kher mai. (22/3) Ka lehkhabu chhiar lai chu ka chhiar chhuak ta. (19/9) 1st. Tuesday : Loah nimbu sawrin ka riak lut. Ka tuikhuah laih kotlangah cement bag in lei ka rem kual bawk. 'Tarzan' by Edger Rice Burroughs ka chhiar tan. (25/9) Hmanah ka chhiar tawh. Atei Aizawl a kal. 22nd. Wednesday : Ka hna ngai ka thawk leh a, ka haw. Huanah Maawmi a feh a, ka han zawm. Chuan, hlo te kan thlo. 23rd. Thursday : Huanah bean kan va lo. U Sawma te leh C-a te chhungkaw hnih atangin engemawzatin covid hripui an kai. 24th. Friday : Huanah bean hmun ka va thlo. Kah tum ka ni a, bur a chhiat avangin ka kap mumal hman lo. Aringa stepliser ka siam tir chu ka la. Ka phone chhia ka entir nghal chu a part a to avangin siam theih loh ang a ni. Pawi khawp mai. A hlui zawk erawh a la kawl thung. Maawmi SHG training in V/C house-ah a kal. 25th. Saturday : Loah nimbu ka va sawra, hmannia ka balhla hawn bang leh nimbu rah ka hawn nghal. Ka lehkhabu chhiar lai chu ka chhiar chhuak ta. (21/9) 26th. Sunday : Zing tawngtai inkhawmah ka kal. Chhunah library-ah ka kal. 'The Adventure if Dindin-3' by Sena ka chhiar tan. Hnanah ka chhiar tawh. Hrileng avangin inkhawm theih a la nilo. 27th. Monday : Huanah bean kgs 38 kan va lo. 28th. Tuesday : Huanah bean hmun ka va thlo. Neihbawi lamah mi 9 leh Arpu lamah mi 2 ten covid hripui an kai tih hmuhchhuah a ni. Pi Chhunthangi, Pu Rinawma nu chu asthma avangin a thi. 29th. Wednesday : Huanah bean hmun ka va thlo. 30th. Thursday : Huanah bean kgs 37 leh antam tel 10 kan va la.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more