Skip to main content

AUGUST 2021, KA DIARY

1st. Sunday : Chawhma-ah Pathian ram ka khawn. Chawhnu-ah U BK-ate inah VMC kan committee. Tlai-ah ka Pathian ram khawm te Biakinah ka va thehlut. 2nd. Monday : MNREG hnuai-a tuikhuah leh terrace laih vel endikin dakla lui-ah kan kal. ''Tianhrang thlan'' byZonunsiama Ralteka chhiar tan. (18/9) Au te inah ka lengchho a, Lalnunmawia sipai form kekawr min lo pe a, ka lawm hle. 3rd. Tuesday : MNREG hnuai-a tuikhuah leh terrace laih vel endikin Neihbawi-ah kan kal. 4th. Wednesday : U Hriata huan ka zu sam leh. Ka zo ta a, ka lawm hle. Hlawh bang Rs 5,00/- ka la nghal. Ka khawl a chhiat avangin ka u khawl ka hman sak. Hnathawh dawr tur, kamis, sipai form min lo pe leh a, ka lawm khawp mai. Maawmi huanah a feh. 5th. Thursday : MNREG hnuai-a tuikhuah leh terrace laih vel endikin Theihaikawn leh Neihbawi-ah te kan kal. Maawmi huanah hlawhfa hruai-in a feh. 6th. Friday : Huanah bean ngul ka va zawh. 7th. Saturday : Huanah bean ngul ka va zawh. 8th. Sunday : Zingkarah Nu Diki, V/C Treasure r hnenah MNREG hnuai-a tuikhuah leh terrace laihte kan endikna hlawh Rs 7,000/- kan va la. 9th. Monday : Huanah antam hmun ka va thlo. 10th. Tuesday : Huanah antam hmun kan va thlo a, keimah bik chu lo-ah tlangin U Thangliana huanah panhnah chi ka zuk la. Lo-ah hian ka riak nghal a ni. Lakhuihthei tlem ka phun. 11th. Wednesday : Panhnah ka phuna, ka riak leh. 12th. Thursday : Panhnah ka phuna, a awmsa tlem ka lo bawk. Nimbu tlem ka lo bawk. Maawmi huanah a feh a, chaw fak hmanin ka han zawm. Chuan, hlo te kan thlo. 13th. Friday : Ration lakna turin retailer, Cossie-a te inah finger print ka va ti tihloh chu inah ka awm nileng. 14th. Saturday : Huanah bean hmun ka va sam. Atei Aizawl a kal. 15th. Sunday : Zingkarah Thawnga te in, Vengtharah dawr thil ka va la a, chhunah Pathian ram ka sem bawk. Partial lockdown a nih avangin inkhawm a la awm theilo. Ka phone charge na a chianglo leh tawh! 16th. Monday : Huanah thlai hmun vel ka va ti fai. 17th. Tuesday : Lo-ah nimbu ka va lo. Nu Rinmawii te in, Arpu-ah em Rs 700/- in zanah kan va lei. 18th. Wednesday : Covid-19 hri kai leh kai loh endik runpui (mass test) Sihphirah neih a ni a, kan section in Twin Market a neihah kan nupa in kan va in test ve a, kan result a tha a, kan lawm hle. Hetihlai hian Manghunglova, Muankima te pafa C. Mera leh Parmawia fanu ten hri hi an kai tih hmuhchhuah a ni a, Saithantluangi pawhin Kolasib lamah hri hi a kai ve bawk. Ka lehkhabu chhiar lai chu ka chhiar chhuak ta a, (2/8) 'Aizawl ah Aizawler' by Lalhruaitluanga Chawngte ka chhiar tan leh nghal. (27/8) 19th. Thursday : Huanah antam tel 19 ka va la. Kristian Tlangau a lo thleng. Patea hnenah ka khawl ngul siam turin ka dah. 20th. Friday :Huanah dania hmun tur ka va tifai a, lem ka theh nghal. Patea hnena nimin lama ka thil dah chu ka la ta. 21st. Huanah antam hmun tur kan va tifai. Arpu Sangtea chuan hri a kai. 22nd. Sunday : Chawhma-ah Pathian ram ka khawn. Hripui avangin inkhawm a la awmlo zel. Truck kekawr pawl ka nei thar. 23rd. Monday : Huanah bean hmun ka va thlo. Antam ka theh bawk. Em kan nei thar leh ta. Sairang lam a mi a ni. Arema, Arpu chuan hri a kai. 24th. Tuesday : Huanah kan va feh a, antam ka theh leh. Bean hmun thlo-in leitha ka pe bawk. Zanah Pathian ram kan chhiar a, chumi hnu-in inpui-ah ka leng zuai. Pu Ruata, Arpu (Theihaingaw) te chhungkua atangin mi 3 in hri an kai. 25th. Wednesday : Huanah bean hmun ka va thlo. Muankima nupui, Lalrinsangi'n hri a kai a, Saithantluangi fanu in a kai bawk. 26th. Thursday : Huanah antam tel 22 leh dania tel 3 kan va la. Bean leitha kan pe a, vitamin leh rannung thahna in ka kap nghal. Arema, Arpu nupui-in hri a kai. 27th. Friday : Huanah purun puar kan va phun. Dania ka theh nghal a, antam ka kap bawk. Ka lehkhabu chhiar lai chu ka chhiar chhuak ta. (18/8) Pu Hela leh Nu Pari (Chiangtea) te chhungkaw hnih atangin mi 4 ve ve-in hri an kai tih hmuhchhuaha ni. 29th. Saturday : Vawk kan talh. Liana'n a sat a ni. Sa sem vel pahin MNREG hnuai-a Au Sawma te terrace laih ka endik nghal. U Ramnghaka, Neihbawi te chhungkua atangin member 6 in hripui an kai. 29th. Sunday : Hri len avangin inkhawm a la theih loh. Inah ka awm nileng. Hri kai hi 3 hmuh belh a a ni. Gosen-a, Lalhriatchhunga leh Marina fapa te. Kristian Tlangau ka chhiar chhuak. Sihphir Pastor bial silver jubilee souvenir an rawn zawrh chu Rs 50/- in ka lei. Tlem ka chhiar nghal. (10/9) 30th. Monday : Huanah bean hmun kan va thlo. Pavala u, Nancy leh Thangtea fapa ten hripui an kai tih hmuhchhuah a ni. 31st. Tuesday : Huanah bean hmun kan va thlo. Pu Ruata, Arpu (Theihaingaw) bakah Lal Jenny, Monty leh Neihbawi nu pakhat ten hripui an kai tih hmuhchhuah a ni.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more