Skip to main content

CHAWLHKAR HNIH AWH LOCKDOWN HLIH A NI TA (draft)

Kan khawtlang hruaitu Village Level Task Force (VLTF) ten kan khawtlangah Covid19 hri kai kan pun chak em avanga khawpum inkharkhip (lockdown) a puan chu chawlhkar hnih chhûng (ni 13) kalpui a nih hnu-ah hrikai in kaichhawn dan a ziaawm tak deuh avangin kar hmasa Inrinni zan khan hlih a ta. Covid19 hi 2020 kumah Sihphir mi, hmundang atanga lo haw ten an kai a, khawtlangah erawh inkaichhawn a nilo. Nikum lamah erawh nasa takin hri hian min tibuai ta a, a khat tawkin hrikai an awm reng. Nunna chan pawh kan awm hial a nih kha. Hun a kal zel a, hri chuan ziaawm lam a pan ve deuh ta. Amaherawhchu, Krismas a lo thleng a, a hnu lawk atangin Zoram hmun hrang hrangah hrikai an pung chak ta hle. Sihphirah ngei pawh December ni 29/? atang phei kha chuan hrikai hi nimin/piah thleng khan nitin hmuhchhuah a ni ta. VLTF te chuan Covid-19 hriin Zoram huap ang pawhin hmahruaitu ni deuh ngar ngar khawpa min nuai nat tak avangin lockdown hi an puang ta a ni. Kumthar ni/? (January ni khat/tha thlah loa kan kai tanni) khan hrikai hi mi 16/? awmin, hetih lai hian active case hi 93/? a awm a, dam chu awm ve zel bawk mah se dam aia kai thar an pun chak zawk avangin lockdown hi puan a ni ta a ni. Lockdown hi a tir chuan chawlhkar khat (Thawhtanni zanlai atanga Pathianni zanlai thleng) puan a ni phawt a, lockdown tawp hma ni (January ni 8) ah pawh hrikai 21 zet awma active case 132 lai kan la awm avangin lockdown hi pawhsei leh a ni. VLTF te tan lakna azarah hrikai pawhin tlem lam a pan chho zel a, dam pawh a ni telin an pung ve hret hret bawk. Hei vang hian lockdown chu Inrinni zan khan hlih a ni ta a ni. Amaherawhchu, lockdown hlih tuk maiah hrikai hi pung lehnghalin mi 18 zet hri kai an awm a, ni 17 ah phei chuan mi 40 zet awmin Sihphira nikhat thil thu a hrikai hmuh tam ber ni a ni ta hial a, record duhawmlo tak a ni. Hri hian kiam lam a la pan mai dawnlo niin a lang a, tunah hian mass test emaw containment zone a puan mai pawh tum a ni ta hial mai.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

THLAZING

  (Sawiremtlang editorial) August thla han hman meuh chuan chhum a zing phui chuai reng mai a, upa ten 'thlazing' an lo ti pawh hi a awm viau mai. Amaherawhchu, heta thlazing tih hi pi pu te thla hming pakhat emaw ti kan awm leh mai thin. Mizo thla chhiar danah chuan Thitin thla a ni tih i hria ang u khai. Hmanlai chuan mitthi te hi pialrala kal nghal mai loin kan velah hian an la tap thin a, August thla hian mitthi khua an pan thin nia an ngaih avanga thitin thla ti pawh an ni niin a hriat. Chuvangin, August thla hi Mizo thla chhiar dan chuan thitin thla tihna a ni a, thenkhat ten thlazing tia an sawi erawh thla hming ang niloin tun thla chu chhum a zing chuai reng mai an tihna a nih chu. Mizo thla chhiar dan hriat hi kan mawhphurhna ni ve in a langa, thla chhiar dan mai bakah an nunphung te pawh hi hriat ve hram hram I tum ang u. August thla chu a zo ruai chu a ni leh ta a, ni reilo te-ah Ber thla kan kan kai anga, derhken, nuaithang, anthur leh senhri nu ten par an chhuang l...
Post a Comment
Read more