1st. Friday : Pu K. Lalnunsanga, Kawnveng te chu in an sak that dawn avangin an thenawma Pu K. Lalchhuangliana te inhnuaiah an insawn lut.
2nd. Saturday : MNREGS Febuary work hlawh MRB a lut te chu VC house-ah sem a ni.
3rd. Sunday : Lalhruaitluanga, kum 27, H/o Lalmuansangi, Chhanhim Veng chu Synod Hospital-ah 'Kal tha lo' avangin a boral.
4th. Monday : Venglai KTP te chu an member pui thihna avangin zan khawhar in ban hnuah inkhawm an tan. Khawhar in ngaih pawimawh avanga hetia an ti hi fak an hlawh hle.
5th. Tuesday : Govt. Sihphir High School chuan High School Leaving Certificate result chhuaka an School atanga candidate te an pass kim vek avangin a lawmna hun an sikulah an hmang. He hun hi Pi C Laldintluangi, Headmaster chuan a kaihruai a, Pu KV Lalthansiama, zirtirtu chuan hunserh hmangin, VCP, Pu R Lalremruata chuan khuallian niin a hmanpui bawk.
6th. Wednesday :
Vansangkimi d/o Amar Bhadur, Neihbawih leh Samuel Lalfakawma s/o David Lalrinliana Venghlun te chu St. Pauls The Apostles Church, Venghlunah an innei.
7th. Thursday : Arm Wrestling club te chu adviser, Pu Vansangkima, Neihbawi te inah an inthlanga, President atan Pu Zoramtluanga, Kawnveng chu thlan nawn a ni.
8th. Friday :
Tlanghmingthangi, kum 67 m/o
Lalsangpuii, Upper Dinthar veng chu an chenna inah cancer natna avangin a boral.
9th. Saturday :
Venglai Kohhran Pavalai Pawl din champha vawi 14 na a ni a, nilenga hun hmangin tlaiah chawhlui an kil ho nghala, zan lamah speaker ruaiin chhunzawm a ni.
10th. Sunday : Pro voleyball khelh tura Sihphir tana re-inforce player tur, Niyas Abdul Shalam chuan Mizoram leilung a rawn lut ta. Niyas-a hi club hruaitu ten Lengpui airport-ah an zuk hmuak a ni. Sihphir Volleyball Club President, Pu C. Lallianzuala te in ah a thleng leh ang.
11th. Monday : Venglai kohhran te chu an biakin sak laia leivung vel dah felin an hnatlang.
12th. Tuesday : YMA conference hall bul kawng chho chu VC hmalakna in zauh hna thawh a ni.
13th. Wednesday : MRB Pro volleyball league khelh mekah Sihphir chuan an match hmasa ber atan Chhinga veng Spikers nen inkhelin 3-2 in hnehna kan chang. Inkhelah hian Kuriz Player of the Match atan Niyas Abdul Salam chu thlan niin Cheetak Fan of the Night atan Zosangliani, Dinthar veng chu thlan a ni bawk.
14th. Thursday : Tv Ramngaizuala s/o Lalkhawngaiha, Neihbawi chuan silai a mi kah a a vau avangin Bawngkawn Police lamin an rawn la.
15th. Friday : Tv Benjamin Lalnunthara, kum 36 s/o Zahmingliana, Neihbawi chu an chenna inah lungphuchawlin a boral.
16th. Saturday : April work ni 9 hlawh, Rs 1,800/- chu VC house-ah sem a ni.
17th. Sunday : Pu Lalhmangaihsanga, kum 27 s/o Lalnunmawia, Arpu, Kawnpui-ah a nupui te in lama khawsa mek chu Kawnpui PHC-ah lungphuchawl avangin a boral.
18th. Monday : Pu Lalchhanhima Varte, Venglai te in chu tu tih hriatloh ten rawkin pawisa fai engemawzat an la. Rinhlelh an neih bawhzuiin Social Reform & Action Committee chuan khua an dap kual nghala, an rinhlelha erawh an hmu zolo thung.
19th. Tuesday : District Level Committee on Non- Notified Tree Forest Area, Addl DC ho a DC conference hall-a neihah Pu C. Lalrinawma, Kawnveng chu a tel ve.
20th. Wednesday : Tv Lalzarmawia Hnamte, kum 37 s/o Laldikkimi Hnamte, Venghlun chu UPHC, Sihphirah 'Lungphuchawl' in a boral.
21st. Thursday :
Sihphir Kohhran Pavalai Pawl te chu Tuikual North Kohhran Pavalai Pawl ten an rawn tlawh.
22nd. Friday : Rescue centre-ah Recovery Van, MZ 01T-0910, Mahindra, Durtlang te ta chu kawng nal avangin kawngsirah a tlan liam a, thingkung pakhat su in a ding thei hram. He chetsualnaah hian a handleman chuan hliam tuarin damdawi inah kalpui nghal a ni.
23rd. Saturday : Tv Lalmuanzuala, kum 38 S/o Tharmawia (L), Arpu veng chu lungphuchawl avangin UPHC-ah a boral a, C Zokunga h/o Tlangpari, kum 69 Tlangveng chu ZMC-ah chuap thalo avangin a boral bawk.
24th. Sunday : Venglai kohhran chuan khawchhungah chhiattawk pahnih ngawt an awm avang leh pakhat phei chu kohhran upa a nih avanga kohhran committee te kal an duh hlawm si avang te in chawhnu-ah biakin an khar. Biakin khar hi tualchhung mi an awm a nih chuan khar thin a ni hrim hrim naa, kohhran pawn mi an thiha biakin khar tunhmain a la awm ngailo a sawi a ni.
25th. Monday : Venglai KTP te chuan Project-300 an hmanga, he hunah hian Upa Prof. Laldinliana Varte, Mission veng chuan 'Tawngtaina' tih hmangin Pathian thuchah a sawi a, Besy choir leh senior department ten zaia rawngbawlna an nei bawk. He hunah hian mi 304 an inkhawm a ni.
26th. Tuesday :
Sihphir Teacher's Association (STA) te chuan High School-ah
General Assembly an nei a, Pu Isaak
Malsawma, Chairman MAMCO chu khuallian a ni.
27th. Wednesday : Women Multipurpose Co-operative Society Ltd. te chuan Rohrenga Hall, Kawnvengah Annual General Meeting an nei. Women Society-ah hian
member 43 an awm mek a ni
28th. Thursday : Ni riat (Zirtawpni) atanga ni za inhlawhna kalpui chu a zo.
29th. Friday : UPHC chu National Quality Assurance
Standards (NQAS), State Level
Surveillance Team te chuan damdawi
In hmangtute himna, faina leh a
inenkawlna chungchangah an hmalak dan hrang hrang an rawn endik.
30th. Saturday : Kawnveng atanga Venglai pan thlakna a electric hrui chuan sahuai ni do a man a, hliam na lutuk a tuarlo hlauh. Thenawm hnai a mi ten bawihsawmin an enkawl zui a ni.
31st. Sunday : Bial chhung kohhran hrang hrang te chuan Sunday school zirlai puanchhuah ni atan an hmang hlawm.
Comments
Post a Comment