1st. Friday :
Phawngpui National Park chu furpui lo thleng tur leh National Park chhunga nungcha chi hrang hrangte inthlahpun hun a inherchhuah leh tak avangin October ni 31 thleng atan khar a ni.
2nd. Saturday :
Mizoram Entrepreneurs' Chamber buatsaih 'Mizoram Entrepreneurs' Conference' vawi 1 na chu Woodland Hills, Zonuamah neih a ni a, Dr. H.Lianzela IAS, Secretary & Director, Commerce & Industry chuan khuallian niin a hmanpui. Mizoram Entrepreneurs' Chamber (MEC) hi kumin January ni 5 khan din a ni.
3rd. Sunday : West Bengal Inthlanpui-a duty a kal, Indian Reserve Police Lalbiaknunga, 38 h/o K. Lalremsangi, Ramhlun South chu Lung tha lo (Heart Failure) avangin a thi.
Indian Reserve Police-ah hian 20.8.2008 atang khan a service tan a ni.
4th. Monday :
Rajya Sabha MP, K.Vanlalvena chuan Lianpui khua a pi pu sulhnu awmna, Lungphun ropui a tlawh. MP hi khawtlang hruaitu leh NGOs hruaitu ten an lo dawngsawng.
5th. Tuesday :
Tourism minister, Lalnghinglova Hmar chuan sorkar laipuia Tourism secretary, Buhuvnesh Kumar chu Delhi-ah a kâwm a, tourism lama Mizoram hmasawnna tur hrang hrang a sawipui.
6th. Wednesday :
Youth Icon 2024, Lalsangliana (Taitea) chu a kala lungte awm Trinity Hospital-ah paih sak a ni. Taite hian in sawiselna a lo neih fo tawh avangin a in entira, a mutan hi hriat a ni ta a ni.
7th. Thursday :
Aizawl Municipal Corporation thar chu BoC Meeting Hall-ah lakluh a ni a. Ward indawt danin Corporator thlan thar 19 te chu rinna thutiam lain lakluh an ni a. Lakluh inkhawm hi Er. Lalhriatpuia, Aizawl DC chuan a kaihhruai.
8th. Friday : Pu Lairokhuma, (68) Mamit Chhim Veng chu Darlak leh Mamit inkar Sabual lui thlangah ama lirthei khalha chesualin a hmunah a boral.
9th. Saturday : Sihphir Water and Sanitation Committee te chuan an pawisa khawl atangin plastic bottle 50,000 chuang an lei. Bottle pakhat zel hi Rs. 1 in an lei. Sihphir Water and Sanitation Committee hian Naupang Fai Duh Pawl dinin badge a thlawna pek vek anni a, Naupang Fai Duh Pawl member te chharkhawm sa chauh lei sak niin bottle te hi khua atanga 10km a hla Dumping ground ah halral a ni.
10th. Sunday :
Ni hnih awh tur, BSI Aizawl Auxiliary Durtlâng Branch Annual Meet vawi 22-na chu Sihphir Vengthar Kohhran
Biak Inah tan a ni.
11th. Monday : MRB Mizoram Pro Volleyball League 2026 chu LPS Arena, Falkland-ah tan a ni. Match hmasa berah hian nikuma final-a intumte insu nghalin Champion lai, Anastasia chuan 25-21, 25-27, 25-7, 25-17 (3-1) in Thutak Nunpuitu Team (TNT) an hneh.
12th. Tuesday : Khawvêl pum huap nurse-te ni ‘International Nurses Day’ a ni a, he ni pual hian Mizoram hmun hrang hrangah hun hman a ni.
13th. Wednesday : Mizoram Science Society-te’na an buatsaih, Mizoram Science Award chu Doctor LN Tluanga hnênah a hmasa ber atân hlân a ni.
14th. Thursday : Hla phuah thiam (Upa) V Thangzâma (91), Dâwrpui Vêngthar, chu a boral.
15th. Friday : Chanmari aṭanga tlân scooty leh Zârkawt lama tlân phei bike insûin, scooty hnunga chuang, Zonuntluangi (23), Thingsûlthliah chu ja xhhawn lo in a boral.
16th. Saturday : DD Mizoram Junior Technical Assistant ni lai, Lalramchhani (31), Dungtlâng khua, Bâwngkâwn South a khawsa mêk chu an chênna in tukverh aṭanga tla in a hnu deuhah damdawi inah a boral.
17th. Sunday : Baptist Church of Mizoram chuan Kristian Chhûngkaw Nî an hmang a, Evangelical Church of Maraland in “Krizyhpa No Py” (KNP) Day an hmang bawk.
18th. Monday : Pi Lalnuntluangi (70), New Sêrchhîp Kikâwn; MGNREGS hnuaia inhlawhna-ah thla la tûra a kal tûr, an vêng pa pakhatin scooter-a a phur chu Government Serchhip College bulah tla palhin hliam a tuar a; a hnu deuhah damdawi inah a boral.
19th. Tuesday : Assam Rifles sipaite chuan Zorinpui bul Sekulh luia anchiri tawlh lai ip 150, chêng 51,00,000/- hûa chhût an man.
20th. Wednesday : Ek Bharat Shreshtha Bharat hnuai-ah, lârsâp General (Retired) Doctor VK Singh hovin Lok Bhavan-ah Gujarat, Maharashtra, Sikkim leh Goa-te state puitlinga hlan kai ni lawm a ni.
21st. Thursday : Village Council hmeichhe member-te inkhâwmpui hmasa ber chu Vanapa Hall-ah hman a ni.
22nd. Friday : Khawvêl hmun dang rualin Mizoram hmun hrang hrangah “International Day for Biological Diversity” pualin hun hman a ni.
23rd. Saturday : Lungdai khua-ah Micky Malsawmtluanga (45) chuan an ṭhenawm pa, Kâpchhuanmâwia (52) chu chemtein a vit a; Lungdai PHC panpui a nih hnûah a boral.
24th. Sunday : Sazaikâwn, Lunglei leh Hauruang inkâr, Riangvaite Thlânmual pelhah car pakhat che sual hmuh a ni a; car-a chuang – Jerry Lalnunfela (41), Lalhlimpuia (25) leh PC Lalrintluangi (22), Hauruang khaw mi vekte chu a hmunah an boral.
25th. Monday : Mizo Zirlai Pawl (MZP) chuan Tourism Department director mawhphurhna la tûra sawrkâr hnathawk pension tawh, Pi R Lalrodingi rawih nawn duh loh lantîrin Tourism Directorate pisa kai tûr an dang.
26th. Tuesday : Zoram Medical College & Hospital-a kum 2020 batch-te Graduation Ceremony neih a ni. MBBS zirlai hi 96 an pass a ni.
27th. Wednesday :
Champhai police-te chuan Chhûngte khaw daiah car-a chuang, driver David Lalruatsânga (28), Assam bâkah, Gilbert PC Lalnunhlima (28), Bairabi leh Thawnglamkim (24), Myanmar-te kut aṭangin methamphetamine kilogram 9 leh gram 500 an man.
28th. Thursday : Muslim-te kût pawimawh ‘Id-ul-Zuha’ chu khawvêl hmun dang rualin Mizoramah pawh urhsûn taka hman a ni.
29th. Friday : C Malsâwmdawngzêla (16), Sesawng Field Vêng chu Sesawng leh Khawruhlian inkâr Tuirini lei hnuaia inchiah dai tura a kal chu chesual palhin tuiah a tla hlum.
30th. Saturday : Ram chhûng hmun dangte rualin Mizoramah Special Intensive Revision of Electoral Rolls, 2026 kalpui ṭan a ni.
31st. Monday : Mizo zinga mathematics subject-a PhD nei hmasa ber Dr. LN Tluanga chu Aizawl Hospital & Research Centre-ah a thi. Dr. LN Tluanga hi kum 1933-ah Bukpui khua-ah a piang a, Sialsuk leh Aizawlah lehkha a zir. Scottish Church College aṭangin 1955 khan BSc a zo a, mathematics subject-ah distiction-ah a pass. BSc a pass hnu-ah sikulah kum khat thawkin MSc a zir chhunzawm a, kum 1974 -ah Gauhati University hnuai-ah PhD zoin Mizo zinga mathematics subject-a PhD nei hmasa ber a ni.
Comments
Post a Comment