1st. Sunday : Tv Vanhmingliana, Asst. Leader, Sihphir Pastor Bial KTP chu Aizawl khawpui chhungin a huam Pastor Bial hrang hrang atanga Central KTP Committee 2026 - 2028 tur ruat chhuah, mi 37 zingah a tel a, KTP general conference, Saituala hman mekah Synod Moderator, Rev. John Raldosanga'n Pathian hnenah a hlan. Central KTP Committee member tur hi Synod Inkhawmpuiin ruahmanna thar a siam angin inthlang tawh lovin tun General Conference hman mek atang hian Pastor Bial hrang hrang te an in nih chhawk tawh dawn a, a hmasa ber zinga kan tel hi a lawmawm takzet a ni. Tunhmain CKTP committee member-ah hian Sihphir bial hi kan la tel ngailo.
2nd. Monday : Hmeichhia, kum 14 tling tawh, kum 15 la tlinglo te tan chhûl hmâwr cancer natna venna damdawi, (Human Papilloma Virus) pek beihpui chu UPHC-ah thlak ṭan a ni.
3rd. Tuesday : Pu Lalmalsawma (Sàwmtea) kum 61, h/o Lalmuanpuii, Tlangveng chu Ebenezer Hospital Aizawlah cancer natna avangin a boral.
4th. Wednesday : YMA Environment & Forest Sub Committee te chu YMA Conference Hall, Arpu-ah kumin chhunga an hmalakna tur chi hrang hrang te relin an thukhawm.
5th. Thursday : C. Lalmuanzova s/o C. Lungtiawia, Arpu leh Lalmuanpuii d/o Biakmanga, Khawzawl Electric veng te chu Sihphir kohhran biak inah an innei.
6th. Friday : Pu Lalrinchhana leh Pi Lalmawipuii, Arpu te nupa chuan an inneih kum 25 na (Silver Jubilee) an lawm. Pu Rina te hian fanu 1 leh fapa 3 an nei a ni.
7th. Saturday : YMA te chu Sakawrhmuituai tlangdungah meilam sialin an hnatlang.
8th. Sunday : Hmarveng Kohhran Pavalai Pawl te chuan thilsiam thawhlawm ken khawm program an hmang a, thilsiam engemawzat thehkhawm niin heng thil te hi inkhawm banah kohhran mipui hnenah lilam a ni.
9th. Monday : Sihphir Water Supply enkawltu tura din, Village Water
Committee chuan VC House, Kawnvengah office a hawng tan. Office hi nitin hawn tur a niin, chawhma dar
9:00 - 12:00 pm thleng dawr theih a ni ang.
10th. Tuesday : Andrew Lalnunfela s/o Chhuanvawra (L), Tamlo veng leh Lalrammawi d/o R. Báta (L) Mauchar te chu IKK Biak In-ah an innei.
11th. Wednesday : Pu Lianchungnunga leh Pi Lalhmangaihi te nupa, Neihbawih chuan an Inneih Kum 50-na chu ṭhenrual ṭhate sawmin an lawm.
12th. Thursday : Kawnveng Transformer Oil leak chu siam țhat a ni.
13th. Friday : K. Zonuntluanga, kum 47 h/o C. Lalnunmawii, Tlang Veng chu NEIGRIMS, Shillong-ah 'Septicemia' avangin a boral.
14th. Saturday : Venglai Kohhran hnuaia Sunday school zirtirtu te chuan an kohhran hall-ah intuaitharna hun an hmang. He hunah hian Rev. Dr. R. Vanlaltluanga, ATC chu resource person a ni.
15th. Sunday : Ni hnih awh, Bial Pavalai Intawhkhawm vawi 8-na, Hmarveng Kohhrana hman chu a tiak. Tun tumah hian Upa C. Zairemmawia chu speaker a ni.
16th. Monday : Ni za (125) inhlawhna, March work thawh (thlalak) tan a ni. Khawl lam fel lo avangin thlala theilo an tam hle.
17th. Tuesday : Venglai Kohhran naupang chawhnu inkhawm te chu R.T. picnic spot-ah an sports.
18th. Wednesday : Ruahsur leh thli tleh avang ten Neihbawi a
Pu Ramnghaka in bula electrict ban chu a tlu.
19th. Thursday : Jonathan Benjamin Lalchuailova, kum 66, h/o Zairemi, Rinchhan Veng chu Synod Hospital, Durtlangah ‘Kal tha lo’ avangin a boral.
20th. Friday : Neihbawi (Sethupkawn hnai zawk) bul, chhuah lam khamah Karimganj lam motor, Silchar lam pan AS10BC 4252 chu a lum a, a chuang pahnih zing a pakhat a hmunah a thi a, pakhat zawk hi Synod Hospital-ah enkawl mek a ni bawk. Bawngkawn police te rang taka rawn chho nghalin postmortem a ngaih dawn avang leh a Identity pawh a fel chiahloh avangin kuanga dah a nih hnuah Police escort-na hnuaiah VC motor-in Civil Hospital lamah dah thlak a ni.
21st. Saturday : Hnamdang pasala nei lo tura inzirtirna signboard chu Arpu Bazar, Twins Market leh YMA Run, Neihbawi-ah te YMA ten an tar.
22nd. Sunday : Ni za inhlawhna (National Mobile Monitoring System, a hmaa
MGNREGS kan tih thin kha) thlala a thawhchhuah a zawhfel a ni. Tuntum hi Pathianni kan thawhchhuah vawikhatna a ni a, Chawlhni a hnathawk duhlo an tam avangin thawkchhuak an tlem hle.
23rd. Monday : HULHLIAP Short Stay Centre Batch 9-na leh a tawpna ni bawk
tur chu tan a ni leh ta. Tun tumah hian Drugs
avanga buai mipa tan bik a ni a, mi 336 lai inziak lutin Sihphir atang pawhin mi engemawzat an lut a ni. Camping hi April ni 11 ah an chhuak ang.
24th. Tuesday : Taitesena section YMA chu Rohrenga Hall-ah kumthar duangin an committee.
25th. Wednesday : R. Lalnunmawii (Mamawii), kum 45 w/o C. Zohmangaiha, Biak In Veng chu Greenwood Hospital-ah 'Chuap Cancer' natna avangin a boral.
26th. Thursday : Central YMA Cricket Tournament khelh mekah Sihphir branch chuan an match hmasa berah Tuikual South Branch YMA-te chu joint YMA field, Vaivakawnah khelin wicket 6-in an chak.
27th. Friday : Chawngbawla section YMA chu YMA Zawlbukah kumthar duang in an committee.
28th. Saturday : Nilaini atanga UPC Sihphir Bial Sunday School
Department buatsaih, Tleirawl Camp chu Sihphir Kohhran Biak Ina neih chu an chhuak. Camping-ah hian Evan T. Vanlalruata, Apostolic
Revival Team chu Speaker a ni.
29th. Sunday : Sihphir Pastor Bial Kristian Thalai Pawlte chu Sihphir Kohhran Biak inah ruihhlo ngaite pualin chawnghei in an tawngtai.
30th. Monday : Sihphir Presbyterian Kohhran chuan a tul ang a hman turin Silpaulin pahnih, Rs. 7,000/- man ve ve chu Sihphir Branch YMA an pe.
31st. Tuesday :
YMA Property sub committee chu Sawiremtlang leh Sunhlu tlang boundary pillar phunin an hnatlang.
Comments
Post a Comment