Skip to main content

THLA CHHIA MAY LEH JUNE

 


January ni 24-ah kumina a hmasa ber atan mitthi kan nei a, chuta tanga April ni 12 thleng khan mitthi hi pakua kan nei hman. 


May thla kan kai a, ni hnih chauh kan hman mek laiin mitthi kan nei leh ta tlat mai. Tluang takin thla kan hmang chho dawn emaw tih laiin thla a tawp meuh chuan kan khaw mi 12 (ruang chhuak pakhat) zet nunna chan an awm a nih kha.


Tluang takin June thla kan kai a, kan ziaawm tawh kan beisei viau laiin May thla ang bawkin ni hnih na atangin thihna in thla min zar khum leh ta. Tichuan, kal leh zelin mitthi 11 lai mai kan nei leh ta tlat mai. Kum tir thla li chhunga kan hun tawn a rapthlak tawh tehlul nen tun thlahnih chhunga kan hun tawn hi a rapthlak lehzual hle mai. Thla ruk chhunga mitthi 32 (ruangchhuak pakhat kha hre tel ila) kan neih mek lai hian naupiang hi 32 chiah mai bawk kan nei hi a mak angreng viau mai. 


Heti tak maia chhiat kan tawk hi engvanginnge niang hriatthiam a har khawp mai. Natna leh chetsualna avang ni bawk mah se, ruihhlo avanga nun chan kan tam hle mai hi thil pawi tak a ni bawk awm e. Tin, Pathian hremna pawh a ni maithei a, khawtlang mipui te Pathian hnena tihtakzeta thupha chawia kan tawngtai pawh a tul hle in a lang.


Engpawhnise, thihna avangin thalai mai bakah nu leh pa te kan hah tlang hle mai a, amaherawhchu, a dam zawk leh lenpui a hnem thei tu zawka kan la tang hi lawm i la, Sihphir kan ni alawm tiin zam lovin I kal zel ang u.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

THLAZING

  (Sawiremtlang editorial) August thla han hman meuh chuan chhum a zing phui chuai reng mai a, upa ten 'thlazing' an lo ti pawh hi a awm viau mai. Amaherawhchu, heta thlazing tih hi pi pu te thla hming pakhat emaw ti kan awm leh mai thin. Mizo thla chhiar danah chuan Thitin thla a ni tih i hria ang u khai. Hmanlai chuan mitthi te hi pialrala kal nghal mai loin kan velah hian an la tap thin a, August thla hian mitthi khua an pan thin nia an ngaih avanga thitin thla ti pawh an ni niin a hriat. Chuvangin, August thla hi Mizo thla chhiar dan chuan thitin thla tihna a ni a, thenkhat ten thlazing tia an sawi erawh thla hming ang niloin tun thla chu chhum a zing chuai reng mai an tihna a nih chu. Mizo thla chhiar dan hriat hi kan mawhphurhna ni ve in a langa, thla chhiar dan mai bakah an nunphung te pawh hi hriat ve hram hram I tum ang u. August thla chu a zo ruai chu a ni leh ta a, ni reilo te-ah Ber thla kan kan kai anga, derhken, nuaithang, anthur leh senhri nu ten par an chhuang l...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more