1st. Tuesday : VC ho a tlawmngai pawl hrang hrang ten joint meeting a an lo rel tawh angin Pu
Lalthlamuankima, Chhanhim Veng In
chu thlaruk chhung atan kalh sak a ni. A nupui fanaute hian an kawmchhak a an pi an fin chho a ni.
2nd. Wednesday : MPAC in P&E Deptt. a thawk tur JE a lak thar zingah Tv Vanlalmuanawma s/o Lalhriatpuia, Venglai chu a tel.
3rd. Thursday : YMA Conference Hall, Arpu Vêngah Sihphir khua a Iskut chingtute leh Mission Foundation Movement ten Iskut thar tam leh theih nana thil pawimawh leilung awmdan, Fertilizer hmandan leh rannung chungchang te zir hovin Training an nei.
4th. Friday : Venglai Kohhran hnuaia PES Managing board chu Committee Room-ah an thu a, thlathar lama board member leh staff te ne'na meet hman chungchang an rel.
5th. Saturday : Pi Thangmawii, kum 89 w/o Taivela (L), Rinchhan Vêng chu a chenna Inah awmlaiin a boral.
6th. Sunday : Presbyterian kohhrante chuan chawhnu leh zan inkhawmah Health & Hospital Sunday an hmang.
7th. Monday : Lalnuntluanga, Neihbawi te bike, an in bula an dah chu mi tu tih hriatloh ten an ru bo.
8th. Tuesday : VC house-ah MGNREGS June thla hlawh sem a ni.
9th. Wednesday : MHIP day vawi 51 na (6th. July) chu YMA hall-ah ropui taka lawm ani. He hun hi Pu SR Zonunthara, director, IGNOU chuan khuallian niin a hmanpui.
10th. Thursday : Laldawngliana Rawite, kum 68 h/o Duhchhungi, Chhanhim Veng chu 'Zunthlum' natna avangin Trinity Hospital-ah a boral.
11th. Friday : Venglai Kohhran School chuan NI Lalramhluni, Master of Fine Arts sawmin Arts chungchang inzirtirna leh lemziak lama tui mite tana kawng inkawhhmuhna hun an hmang.
12th. Saturday : Sakawrhmuituai tlang liamah Zotrek Adventure Club te chuan thing an rawn phun a, he hunah hian kung 18 lai phun a ni.
13th. Sunday : Pu Lianthanga Camp kawngah Khasi Pick up, chawhmeh phur chu a accident a, hliam na an awmlo hlauh.
14th. Monday : Pu Lalneihkima Ralte, J.E (Electric Department), Kawn Veng chu Junior Grade of MES (Electrical Wing)-ah a kaisang a. Assistant Engineer in Champhai Power Circle-ah awm tura tih a ni.
15th. Tuesday : Pi Lalmawiipuii (50)
D/o Rochhungi (L), Kawnveng chu Aizawl Civil Damdawiinah zunthlum natna avangin a boral.
16th. Wednesday : Lalrammuana (32) h/o Lalbiakdiki, Neihbawi chu damdawi hman sual avangin an chenna inah a boral.
17th. Thursday : Sihphir leh Venghlun VC, YMA, MUP, MHIP Joint meeting chu YMA Conference Hall-ah hman a ni a, he hunah hian sorkar in Synod camping centre a chhuak te After Care atana DTI, Neihbawih hman an duh thu an thlen chu sawiho a ni a, he thilah hian khawtlang tan harsatna awmlo turah ngaiin Department
in a mamawh ang tak hian Joint meeting chuan After Centre DTI Neihbawih
a dah a remti.
18th. Friday : Chhiatni fund chu August thla atanga khawn leh a nih tur thu tlangau hmanga puan zar a ni.
19th. Saturday : Venglai kohhran chuan an biak in thar tur lungphum an phum. Lung hi an upa senior, Upa Laibata'n a phum a ni.
20th. Sunday : Ruah nasa taka a sur avangin Chamdur kawnga Dakla lui leh quarry te chu nasa takin a min.
21st. Monday : India hmar chhak state hrang hrang atanga Sorkar mi pawimawh 14 leh Mizoram District hrang hrang atanga Sorkar mi pawimawh 16 ten Ni Za Inhlawhna tia kan hriat lar, MGNREGS Sihphir khuain a kalpui dan zir chiang leh hna thawh hrang hrang tlawhin an lo kal a. Sihphir VC ten lo dawngsawngin huan hrang hrang an fanpui bawk. Ni za inhlawhna hnuaia hna thawhte an hmuhin an lawm hle.
22nd. Tuesday :2025 YMA Futsal team jersey, Pu H Lalthanglura te chhungkua, Biak in Veng ten an fapa H. Lalsiamkima hriatrengna a tana an pek chu tlangzarh a ni. Central YMA buatsaih Futsal Tournament hi July ni 28-a tan tur a ni ang.
23rd. Wednesday : Sihphir Teachers' Association (STA) chuan an member boral ta, Pi C. Hersangi (Miss Ctei, Little Buds School) ralna hun chu Sihphir Venghlun Kohhran Hall-ah an hmang.
24th. Thursday : Tunhnaia ruihhlo man sak a nih avanga tan ina tang mek, Pu Malsawmtluanga chungchang chu Village Council hoin Branch YMA, Branch MHIP, MUP Unit leh Social Reform & Action Committee chuan an sawiho a, 'a khawsak duh dan hi khawtlangin kan duh loh zia leh kan huatzia lantir nan Jail atanga a lo chhuah alanga chhiar tanin kum hnih (2) chhung Sihphir atanga hnawhchhuah nise kan ti' an ti a, hnawhchhuah a nih laia Sihphirah a lo lang leh a nih chuan a lo lan ni hi hnawhchhuah tan ni-ah chhiar tan leh a ni ang.' tiin an rel.
25th. Friday : Central YMA in Futsal tournament a buatsaih tur chu Central YMA hall-ah pêthawnna leh fixture tlangzarh inkhawm neih a ni a, he hunah huan Sihphir branch aiawhin secretary, Tv C. Lalremsanga hoin coach leh manager te an kal. Sihphir team te hian an tum hmasak ber tur Ramthar branch niin July 30 ah an khel ang.
26th. Saturday : YMA in Anti Poaching Camp tur an sak mek chu chhunzawm in cement work chin chu an zo ta.
27th. Sunday : Pi Lalmawipuii, tun thla ni 15 a boral hu MHIP in an member pui a nih angin an ral.
28th. Monday : KTP, Sihphir Branch te chuan "Zaipawl Zan" an hmang a. Upa Lalnunpuia Hrahsel, Luangmual Vengthlang chu Speaker niin, Mizoram Synod Choir ten zaia rawngbawlna an nei bawk.
29th. Tuesday :
Sakawrhmuituai tlanga Jio Tower a mi, baterry leh diesel chu misualin an ru.
30th. Wednesday : Pu Biaknunnema, Kawnveng chuan a nupui boral ta, Lalremruati (Seni) hriatrengna lung a phun.
31st. Thursday : Lallunghnema Ralte (84) f/o Zionthangi, Arpu veng chu a chenna inah awmlai in a boral.
Comments
Post a Comment