Skip to main content

INDIA RAM DAMDAWI IN THA BIK TEHNA-AH SIHPHIR UPHC TLING THAR

 

Tunkar Thawhtanni khan India ram a sorkar damdawi in tha bik thlang tu, National Quality Assurance Standards chuan kan khaw damdawi in, Sihphir Urban Primary Health Centre (UPHC) chu India rama sorkar damdawi in tha zual zingah a thlang.   


Damdawi In tha bik tehna 'National Quality Assurance Standards (NQAS)'-a tling tur hian June ni 27 leh 28 khan Central lam mithiam ten rawn kalchilhin uluk leh fir takin an endik a. Sihphir UPHC hian points 93.93% lai a hmu  nghe nghe.  Hetianga thlan kan nih avang hian   kum 3 chhung kumtin hospital hman tur heng nuai 3 chu kan dawng thei dawn a ni.   


Sihphir, Urban Primary Health Centre hi 2013 kum aṭang khan din a ni a, kum 2002 kum khan khatih laia V/C khan PHC an dila, pek kan ni. Mahse, Sihphir hi City area kan nih avangin thingtlang khua te hnena pek ṭhin, PHC hi an entitle loh avangin function thei lovin a awm ta renga, kum 10 hnuah Central sorkar-in khawpui (urban) daifema awmte tan UPHC hi a rawn duang chhuak ta hlauh mai a, a building pawh kum 10 vel a din hnuah a function ta a ni.


UPHC function thei tur hian kalphung (norms/formats) a awm ve a, Sihphir chauh hian population-ah kan phak loh avangin thenawm khua, heng :  Venghlun, Nausel, Selesih leh Durtlang North te hi chawm tel tura tih a ni.


Damdawi in hi Medical officer, Dr PS Dika Hatzaw enkawlna hnuaiah a awm mek a, doctor nilo, staff dang hi  -14 an awm mek bawk. Tunah hian chhun zan zawmin hawn reng a ni a, mipuite tan a thlawnin inentir theih a nih mai bakah damdawi a thlawn veka pekchhuah a ni a, thisen leh zun test theih ang ang (test hrang hrang-50) a thlawna test sak vek thin an ni bawk. Tin, thlatin specialist (Ha, ENT, Naupang specialist, EYE, psychiatrist, hmeichhe lam, Ruh leh Nerve lam) hun ruatah a thlawna rawn theihin an awm bawk a ni. Hun reilote-ah MUCS kalpui tura ruahmanna siam mek a ni bawk.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

THLAZING

  (Sawiremtlang editorial) August thla han hman meuh chuan chhum a zing phui chuai reng mai a, upa ten 'thlazing' an lo ti pawh hi a awm viau mai. Amaherawhchu, heta thlazing tih hi pi pu te thla hming pakhat emaw ti kan awm leh mai thin. Mizo thla chhiar danah chuan Thitin thla a ni tih i hria ang u khai. Hmanlai chuan mitthi te hi pialrala kal nghal mai loin kan velah hian an la tap thin a, August thla hian mitthi khua an pan thin nia an ngaih avanga thitin thla ti pawh an ni niin a hriat. Chuvangin, August thla hi Mizo thla chhiar dan chuan thitin thla tihna a ni a, thenkhat ten thlazing tia an sawi erawh thla hming ang niloin tun thla chu chhum a zing chuai reng mai an tihna a nih chu. Mizo thla chhiar dan hriat hi kan mawhphurhna ni ve in a langa, thla chhiar dan mai bakah an nunphung te pawh hi hriat ve hram hram I tum ang u. August thla chu a zo ruai chu a ni leh ta a, ni reilo te-ah Ber thla kan kan kai anga, derhken, nuaithang, anthur leh senhri nu ten par an chhuang l...
Post a Comment
Read more