1st. Thursday : Bairabi atanga Sairang pawh tur rel kawng siam hna chu zawhfel a ni a, a him tawk em tih enfiah nan Sairang thlengin rel tlantir chhin a ni a, hlawhtling takin a kilometre 51 chuang a rawn zawh a ni. A hma in rel hian Sairang hi a la rawn thleng ngailo a ni.
2nd. Friday: State Council of Educational Research and Training (SCERT) Director, Caroline Zoramthangi chuan Champhai DIET-a NIELIT CCC Study Centre chu hawngin Mobile Application thar, DIET Champhai Management System a tlangzarh bawk.
3rd. Saturday : Farkawn VDP duty-te chuan zu tam tham tak
Cher Thluai (50yr),
Ṭha Lian Sang (30yr) leh
Sang Lian Thang (33yr) Lunglerh, Burma vek hnen atangin an man. niin an insawi. An zu man te hi tualchhung rate-a chhutin ₹-122,800/- man hu a ni a, hal ral nghal vek a ni.
4th. Sunday : Venghlui Kohhran Biak Inah Synod Mission Board hnuaia thawk tur, Missionary 50 (mipa 16 leh hmeichhia 34) tirh chhuah inkhawm neih a ni.
5th. Monday: "Lalpan min ko ta, Zoram Pavalaite" tih hla phuahtu, John Zorammawia(42), Bethlehem Vengthlang chu Civil Hospital Aizawlah Phneumonia avangin a thi. John Zorammawia hi Supply Department-ah store keeper a ni a, Bualpui Ng, Lawngtlai District-a post lai a ni.
6th. Tuesday : LBS Suzuki 22nd Inter Branch YMA Football Tournament chu khelmual pali-ah tan a ni ta. Tournament-ah hian Branch 154 zet an tel a ni.
7th. Wednesday: India leh Pakistan boruak chhe mekah Ministry of Home Affairs, Govt. of India hmalaknain India rama Civil Defence District 244-ah vansang atanga beihna laka chet lak dan tur zirna, Air Raid Mock Drill neih tur tih a ni a, heng zingah hian Aizawl District pawh tel ve in AIR station, Tuikhuahtlang leht Civil Hospital Aizawl inkarah te neih ve a ni.
8th. Thursday: Kumin January ni 5 atanga chin hriat loh a bo, Tv Christopher Lalruatfela (32) s/o Hmingthanmawia (L), Dawrpui Vengthar bike chu Vaivakawn Zohnuai leimin-ah laih chhuah a ni a, hemi a nih avang hian a ruang a awm hnaih ringa an han zawn nak chuan bike an hmuhna atanga hlalo te ah hmuh leh a ni. Post mortem te tih nih hnu-ah a zan a zanin phum nghal a ni.
9th. Friday : Mizo Writers Association chuan kum 2024 chhûnga Mizo ṭawnga lehkhabu lehlin ṭha ber atâna an thlan, Robert T Kiyosaki leh Sharon Letcher-te ziah “Pa Hausa, Pa Rethei (Rich Dad, Poor Dad)” tih letlingtu, Lalrinzuala Pachuau hnênah Mizo Writers Association chuan Mizo Language Development Board (MLDB) office-ah lawmpuina an hlân.
10th. Saturday : Pum na damdâwi emaw tia hlo tûr in palh avânga pum nâ, K Lalkhûma (77), w/o Lalbiakzami, Khawzâwl Dârngâwn Vêng chu damdâwi in thlenpui a nih hnûah a boral.
11th. Sunday : Mizorama Chhandamna Sipai Pawl (The Salvation Army) chuan hun ‘Nute Ni’ (Mothers’ Day) an hmang.
12th. Monday : LBS Suzuki CYMA Football 2025 khelh mekah insawpna nasa ber thlengin Zobawk Vengthar chuan Upper Republic chu 23-0 in an sawp! He hunah hian T. Malsawmzuala chuan goal 11 zet a khung.
13th. Tuesday :
Vanlalremruatfela, (25), s/o Vanlaldiki, Dinthar Vêng chu Sairâng Presbyterian Kohhran biak in ṭhiahna-ah chesual in a boral.
14th. Wednesday : BJP chuan “Operation Sindoor” râl hmatâwnga awm India sipai, Mizo tlangvâl huaisente zahna leh an thlawpna lantîr nân Treasury Square-a War Memorial aṭanga Vanapa Hall kawt thleng kawng an zawh.
15th. Thursday :
Engemawchen FM Zoawi, Akashvani Aizâwl chawlhsan a nih hnu-ah thar thawh leh a ni.
16th. Friday : Pu N Zangûra, Chief Executive Member kaihhruai, LADC sawrkâr United Democratic Alliance chu eptu ZPM lamte’n high court lamah an hek avângin, LADC chairman hova hemi nîa floor test nei tûra tih chu ṭhulh a ni.
17th. Saturday : Hnahthial District Excise & Narcotics chuan New Ngharchhîpah heroin hâwng 10, gram 115; chêng 3,50,000/- hûa chhût chu Lalhmingtluanga (47), New Ngharchhîp kut aṭangin an man.
18th. Sunday : Assam Rifles leh Department of Revenue Intelligence-te ṭangkawp chuan poppy chi, chêng 7,04,00,000/- hûa chhût chu Vairêngtea godown pakhat aṭangin an man.
19th. Monday : Excise & Narcotics Department leh 42nd Assam Rifles-te ṭang kawpchuan New Champhai Seventh Day Workshop bulah heroin gram 128.600 (sahbawn bâwm 11-a dah) leh a neitu, Emmanuel Lalrindika (24), Lunglei Ramthar Vêng nia inchhâl chu an man.
20th. Tuesday : Lunglei police-te’n heroin gram 193.02, chêng 5,79,060/- hûa chhût chu Dâwn khaw daiah Rohluzuala (37), Theiriat, Lunglei nia inchhâl hnên aṭangin an man.
21st. Wednesday : Zârkawtah nausên (hmeichhia) thla khat mi chhar a ni a, Aizawl Police Station duty-te chuan childline-ho hnênah an hlan a; anni hian Hmangaihna In, Dûrtlâng, Aizâwlah an dah.
22th. Thursday : International Biological Diversity Day chu khawvêl hmun dangte rualin Mizoramah pawh hmun hrang hrangah hman a ni.
23rd. Friday :
Central YMA hruaitute leh Mizoram State AIDS Control Society (MSACS) hotute chuan Central YMA Committee Room-ah Mizorama HIV/AIDS darh zel tur ven kawnga inrawnkhawmna, 'Consultative Deliberation' an nei.
24th. Saturday : Everhome Pro Volleyball League (2025) chu a hmawrbawk a ni ta. Final-ah hian Anastasia Volleyball Club chuan TNT Volleyball Club chu 3-1 (26-24, 25-10, 21-25, 25-21) a hnehin an champion. Kuriz player of the match ah Karthik Madhu (Anastasia VC) thlan a ni.
25th. Sunday : Excise & Narcotics Department leh Central YMA hnuaia ruihhlo dotu – Central Anti-Drugs Squad (CADS) chuan Joint Operation neiin, Phunchawngah heroin gram 549 (Hawng 50) leh a neitu nia puh mi pahnih, C. Lalramnunmawii (37), Chanmari West, Aizawl leh Lalnunmawia (35), Tuikual North, D Mual, Aizawl-a khawsa nia inchhalte an man.
26th. Monday : Excise & Narcotics Department leh Central YMA hnuaia ruihhlo dotu – Central Anti-Drugs Squad (CADS) chuan Luangmual Industrial Complex-ah heroin kg 1 leh gram 549 (Hawng 140), Methamphetamine kg 9 leh gram 817 an man.
27th. Tuesday:
Swami Vivekanand U20 National football championship final-ah Mizoram chuan chu 2-4 in an hnehlo. Mizoram hian 2-0 in lead hman mah se an venghim zo ta lo a ni. He tournament hi kum 2024-ah khelh tan ni in, Delhi tho hi an champion a ni.
28th. Wednesday : Mizorama cham mek, Union Minister of State for Women & Child Development, Pi Savitri Thakur chuan Durtlanga Women & Child Development hmalaknaa hmeichhe dinhmun tleu leh harsatna hrang hrang tawk mekte leh naupang fahrah leh chanhai te puala din, Observation Home, One Stop Centre, Special Home leh Shakti Sadan te a tlawh.
29th. Thursday : Chief Minister, Lalduhoma chu meeting pawimawha a tel bakah Central Sorkar hotu hrang hrangte dawra ni ruk Delhi-a a cham hnuah a rawn haw.
30th. Friday : FTH sitcom lama inlan thin, R. Lalhlimpuia, (37) s/o R. Buangthanga, Zonuam veng chu Greenwood Hospital-ah awmlai in a boral. R. Lalhlimpuia hi FTH sitcom atangin 'Michael' tia mi tam tak hriat hlawh, mi tihlim thintu, FTH sitcom tihlutu zing ami a ni.
31st. Saturday :
LBS Suzuki 22nd Inter Branch YMA Football Tournament 2025 chu a hmawrbawk a ni ta a, final-ah hian ah Republic Veng leh Bethlehem Vengthlang intumin, hun pangngai-ah 1-1 a inhnehtawkin minute 120 chhunga goal dang a luh belh loh avangin penalty hmanga chak zawk zawn a ni a, Republic Veng chu 6-5 in a vannei zawkah an tang ta a ni.
Comments
Post a Comment