1st. Sunday : Ruah nasa taka a sur avangin Pu Parzama te huan, Melsawmkham bul a mi chu a min a, hei hian a thlanga Chamdur kawng chu mihring leh lirthei kal tlang theihlohin a hnawh.
2nd. Monday : Pu Jacob Malsawma te dawr, Arpu Vêng a mi chu misualin an rawk a, gas cylinder, buhfai bag 3 leh cigarette engemawzat an ruk sak.
3rd. Tuesday : Daklalui kawng leimin chu Aizawl DC tirhin Tlangnuam BDO in a rawn en a. VC leh Sihphir bialtu VLAA ten an tawiawm. A hmunah hma lak dan tur sawi ho nghal a ni.
4th. Wednesday : Rohrenga hall-ah ni za inhlawhna chungchangah gram sabha neih a ni a, hetah hian ni 12 hlawh, cheng 3372/- lo lut atangin khawtlang hnathawhna atan 40% dah turin an rel.
5th. Thursday : VC kaihhruaina a din, Disaster Management Committee vawi 1-na chu Rohrênga Hall, Kawnvengah ṭhutkhawm a ni a, Sihphir khua in khuarel chhiatna leh chhiatna hrang hrang thleng thei lak a in ven dan tur te, chhiatna lo thlen a buaipui dan tur leh hmalak dan tur te sawiho a ni. He hunah hian DC aṭanga ngenna dawn angin chhiatrupna lo thlen palh thulh a rang tak leh felfai tak a hmalak zung zung anih theih nan team hrang hrang pariat din nghal a ni.
6th. Friday : Pathianni kalta a Pu Parzama te huan leimin avanga Dakla lui kawng ping chu lirthei kaltlang theiha sial a ni.
7th. Saturday : Sihphir Bial UPC a LAD ten Sihphir Biakinah 'Taimakna' tih thupui hmangin seminar an nei a, General LAD Treasurer, Sis Kroschhuanawmi leh NMD LAD Secretary, Doris Lalrinsangi ten paper an buatsaih.
8th. Sunday : Kristian-te ni pawimawh “Pentecost Sunday/Thlarau Thianghlim Thlen Ni” a ni a; tualchhung kohhran hrang hrangte’n urhsûn takin an hmang.
9th. Monday : Pu Lalfakzuala (Vala) leh Pi Lalmawii te nupa, Dinthar veng te chuan thenrual thate sawmin an inneih Golden Jubilee an lawm a, tlaiah chaw hlui an kil ho a ni. Pu Vala te nupa hian fa pali neiin, tu pathum leh tuchhuan pakhat an nei tawh a ni.
10th. Tuesday : Kawnveng Welfare chuan report an dawn bawhzuiin Pu John Thangrivunga mikhual, Samuel Vanlalhruaia te nupa hnen atangin zu um- 8 man sak. Veng chhung chhuahsan tura hriattir nghal an ni.
11th. Wednesday : Pu Lalbiaktluanga Pachuau, Tlangveng te chuan an kuhva huan, Mualkhang tam a mi chu an sam tan. Pu Biaka te hian kuhva kung 1000 vel an nei a ni.
12th. Thursday : Central YMA hnuaia ruihhlo dotu pawl, Central Anti Drugs Squad (CADS) chuan Pu Lalthlamuankima (MK-a) s/o H. Lalchhuanawma (L), Chhanhim veng hnen atangin ruihhlo (heroin) hawng 12 leh a lo hralh tawh a pawisa kawl cheng nuai khat an man.
13th. Friday : Ni hnih awh, Govt. Primary School II, Kawnvêng in Annual Sport an neih chu a tiak.
14th. Saturday : YMA day Pathianni a tlak avangin hman a ni a, he hunah hian kan thlanmual pahnih te sama hnatlan a ni.
15th. Sunday : Pu Lalrammawia, kum 65 h/o Laltlanmawii, Dinthar Veng, Ningani a a ramchhuak a lo hawn mai loh avanga khawtlang anga zawn chu Sarepkawn bul khamah thi a hmuh a ni.
16th. Monday : V. Rosiama leh Ngaihzuali
te nupa, Arpu Veng chuan an inneih Golden Jubillee an lawm.
17th. Tuesday : VC house-ah ni 100 inhlawhna pawisa cheng 2,000/- a sem a ni.
18th. Wednesday : VC house-ah Village Council/Court, YMA, MHIP, MUP, Social Reform & Action Committee te chuan Joint Meeting an nei a, he hunah hian June ni 12, 2025, Ningani chhun a C.YMA hnuai a CADS leh Excise & Narcotics Staff ten Pu Lalthlamuankima h/o Lalrindiki, Chhanhim Veng hnen atanga ruihhlo No. 4 Hawng sawmpahnih (12) an man sak chungchang an ngaihtuah a. Pu Lalthlamuankima hi Jail atanga a lo chhuah atanga chhiar tanin kum hnih (2) chhung Sihphir atanga hnawhchhuah nise an ti.
19th. Thursday : VC, YMA leh SR&AC te tangkawp chuan Kawnvengah vai motor, TATA Intra AS 11EC 0679 atangin zu tam tham tak an man a, driver hi a tlanbo hman. Zu an man te hi Rs 4,99,500/- man hu vel a chhut a ni a. Dumping ground ah leih buak nghal vek a ni.
20th. Friday : Ek Ped Maa Ke Naam pualin Environment,
Forest & Climate Change (EF&CC)-a
thawk ten Sakawrhmuituai tlangah thing an phun.
21st. Saturday : YMA hnuaia Environment & Forest Sub-committee te chuan Sakawrhmuituai tlangah “YMA thei huan” tur atan thei ṭiak phunin an hnatlang.
22nd. Sunday : VC/VEC secretary, Pu Hrangthansanga chuan ni 100 inhlawh chunghangah hriattirna a ti chhuak.
23r. Monday : PM
Shri Primary School III, Tlângveng te
chuan Parents Teacher Meet an nei.
24th. Tuesday : Tlangnuam RD Block hnuaia khaw pali-ah Prime Minister -
Dharti Aaba Janjatiya Gram Utkarsh Abhiyan (PM - DAJGUA) hmalak nain
Saturation/ Awaeness Camp neih a ni. He hun hi Sihphirah pawh YMA Hall, Tlangvengah hun hman a ni.
25th. Wednesday : Mizoram Upa Pawl (MUP) Aizawl North Area Committee chu YMA Conference Hall, Arpu-ah neih a ni.
26th. Thursday : TC.
Lallianzuala s/o Lalhlira (L),
Kawnvêng leh Lalrinzuali Pautu,
Kawrtethawveng te chu Venglai Kohhranah an innei.
27th. Friday : YMA chanchinbu Sawiremtlang weekly buatsaih ni a ni a, he hun hi Sihphira cham mek, Champhai Vengthlang chanchinbu, YMA Palai, editor,
Zoliansanga Chhangte, chuan a tel pui.
28th. Saturday : Sihphir Arm Wrestling club chu Serkhan leh Lungdai lama infiammi ten rawn tlawhin hlim takin an practice ho.
29th. Sunday : Ni nih awh, Sihphir Pastor Bial KTP 'Kum Chanve Intawhkhawm'
Hmarveng Kohhrana neih chu a tiak. He hunah hian thupuiah 'Sual kalsan' (II Tim. 3:19) tih niin, Speaker-ah T. Upa
Malsawmthara, Dinthar Lehna Team a ni.
30th. Monday : YMA te chu Antipoaching camp sak, sanctuary ram a mi sa in an hnatlang.
Comments
Post a Comment