Skip to main content

MARCH 2025, SIH(PHIR) DIARY

MARCH 2025, SIH(PHIR) DIARY


1st. Saturday : Ni a lo rei leh tak deuh avangin tualchhung Presbyterian kohhran te chuan zan dar sarihah inkhawm an tan hlawm. Inkhawm hi dar 6:30 a tan thin a ni. Khawhar in hun pawh inkhawm tan hun zui hian dar sarihah tan a ni ve nghal bawk. 


2nd. Sunday : Durtlang lam motor, Neihbawi quary a lung thiar khawm nan a hman thin (pick up) chu quary lam pan a a tlan laiin Bangla lui bulah a tlan liam. Motor-ah hian tualchhung mi pahnih leh mikhual pakhat an chuang. Hliam tuar vekin Synod damdawi in lamah kalpui nghal an ni a, hliam tuar zinga pakhat chu admit a ni.


3rd. Monday : Chaphar kut run chu hmun hrang hrangah neih a ni a, Sihphir Branch YMA pawh he hunah hian tel ve in Chanmari atanga Lammual thlengin member pahnih bakah CEC angin Pu R. Lalduhzuala a tel bawk.


4th. Tuesday : Vailokawn zau a ram nei te chu Zau Assistant Secretary,  Pi Laldinthari inah an thukhawm a, kum liamta a an kawng laih chungchangah lawmawm an ti hle a, kawng laih chhunzawm zel dan tur vel an rel bawk.

  

5th. Wednesday :

Tv Joseph Lalramhmuaka, kum 28 s/o Pu Lalrohlua, Arpu Veng chu 'Thinlian' avangin Aizawl Hospital-ah a boral. 


6th. Thursday : VC te huaihawtin YMA, MHIP, MUP

leh Political Party hrang hrang aiawh bakah Prominent Citizen leh Surveyor

kan neihten Sihphir khawchhung kawng siam tur chungchang ngaihtuahin

Rohrenga Hall-ah Emergency Joint Meeting an nei. He hunah hian Road

Protection Committee tia hming vuah an din nghal.


7th. Friday : Zonunzira, kum 79 w/o Lalparmawii, Zionveng Synod Hospital Durtlangah stroke (accident) avangin a boral.


8th. Saturday : Mizoram Presbyterian Kohhran Hmeichhe khawmpui lian Thenzawla neih mek chu rorela chhunzawm a ni a,  he hunah hian kum 2028 rorel inkhawm chu Sihphira neih turin ruahman a ni.


9th. Sunday : VC huaihawtin Game's & Sport Association chu Rohrenga hall-ah thlan a ni. He hunah hian Pu Lalrosiama, Kawnveng chu president atan thlan a ni.


10th. Monday : Grace Academy naupangte pualin ni li awh,   tawngtai bethel camping chu Primary school, Kawnvengah tan a ni. He hunah hian

Pu Lalbiaktluanga. Neihbawi (Deputy speaker, Krista thuhriltu team) chu Speaker a ni ang.

 

11th. Tuesday : Pi Lalrinmawii, kum 46 d/o Kutdengi, Tamlo Veng chu 7th Day Hospital, Aizawlah 'Thin tha lo' avangin a boral.


12th. Wednesday :

Mizoram Town Sanitarion rules 1980 in VC huamchhunga sumdawnna nei ten sumdawn phalna an nei vek tur ani tia a phut angin VC house, Kawnvengah sumdawn phalna lisence an la hlawm.

 

13th. Thursday:  Lalzarmawia s/o Lalhmangaihi,

Dinthar veng leh Irene Lalnunpuii d/o H. Lawmkima, Khatla South te chu Venglai Kohhranah an innei.


14th. Friday : Kawnveng Welfare chuan thalai leh naupang zawk ten natna tha lo leh ruihhlo laka an fihlim theih na tur kawng pakhat drugs awareness campaign chu Rohrenga Hall-ah an buatsaih a,  he hunah hian Pu Moses Lalremruata (Free Drugs for Mizoram) chuan thu a sawi.


15th. Saturday: Hman deuh a Hlimen YMA in kawngsir a lo awm Vai damlo ZMC a an dah, ZMC atanga Taxi a Neihbawi-a hmelhriat, Pi Biaki, Arpu huan a an rawn dah zui tak, a dam that hun a Jharkhand a haw tur a tih, Moti Lal chu YMA ruahmanna angin Jharkhand lam a haw turin Guwahati Sumo service-ah thlah liam a ni. A chipui ten pawisa engemawzat an thawhkhawm sak bakah, a kal man leh ei leh in atan Branch YMA sum Rs. 3,000/- pai a ni bawk.


16th. Sunday : Ni hnih awh, bial Kohhran Pavalai Pawl Intawhkhawm, Sihphir kohhrana neih chu a tiak. He hunah hian thupui, 'In ti thianghlim u' tih chu speaker, Upa R. Vanlalzauva, Durtlang chuan a sawi.


17th. Monday : Kuang siamsa a tlem tak deuh avangin Rural

Industries Association (RIA)

chu kuang siamin an hnatlanga, kuang paruk an siam hman a ni. Tuntum hi kumina an vawihnih hnatlanna a ni.

   

18th. Tuesday :

Sihphir Road Taxi Stand Welfare, Bawngkawna ding  te chuan an veng chhunga Taxi stand an pek avanga lawmthu sawi nan Bawngkawn khawtlang chu thlan an laih sak. 


19th. Wednesday : Sihphir KTP din champha a ni a, hemi pual hian inkhawm banah  lawmthu sawi ṭawngṭaina an nei.


20th. Thursday : Pi

Lalsangpuii Varte, Arpu te chhungkua chuan an pa, Pu C.

Doliantawna leh an fapa, Andy C.

Lalhruaikima te hriatrengna lung chu thenrual thate

sawmin an phun.

   

21st. Friday : PYD Day vawi 56-na a ni a, hemi zan hian Sunday School

Hall-ah hlim takin hun an hmang.

 

22nd. Saturday : SLT Infracon Pvt Ltd motor lian, HYVA, MZ01 N 8782 Neihbawi kawng zauhna leivung paih chu Sethupkawnah a back liama, driver, hnamdang chu a zuangchhuak hman hlauh. SLT Infracon Pvt Ltd hian leivung paih nan hian Hyva motor pahnih a hmang ṭhin a ni.


23rd. Sunday: Venglai kohhranin ni hnih awh, Kristian chhungkaw campaign an hman chu a tiak ta. He hunah hian Upa C. Ngurthantluanga, Khatla chu speaker a ni.


24th. Monday:  KṬP Sihphir Branch te chu an Kohhran member, Pastor Isaac Lallawmkima awmna, Bhairabkunda, Udalguri Dist., Assam tlawhin an kal. 


25th. Tuesday : YMA thlabi committee chu conference hall-ah neih a ni.


26th. Wenesday:  Vanapa section YMA chuan awareness program cum recreational activities chu an huam chhung a naupang kum 10-18 tan Y.M.A Conference Hall-ah an hmang.   He hunah hian Mizoram Arm Wrestler, World no.2 ni lai mek, Denic Lalruattluanga chu khuallian atan hman a ni.  


27th. Thursday : Game's and Sports Association Sihphir (GASAS) chu a hmasa ber atan YMA Conference hall-ah an committee. 


28th. Friday: 

Tv Lalnunmawia,    kum 38, s/o K. Lalnunsanga, Kawnveng chu an chenna inah chuap cancer avangin a boral.


29th. Saturday: Games and Sports Association Sihphir Secretary,

Samuel  Lalmalsawma chuan executive committee member tan whatsapp group a siam thar.


30th. Sunday : Arm wrestling club chuan Zirtawpni a tournament an siam chu Treasurer,  Pu Lalzarmawia te inah an thlirlet. Hlawhtling taka tournament an neih theih avangin an lawm hle. Tournament -ah hian infiammi 67 zet telin champion of the champion chu Lalfamkima s/o Sawilaii, Arpu a ni.


31st. Monday : PC Thanbanglova, kum 58, h/o Lalthmamuani, Kawnveng an chenna inah thin canced avangin a boral.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

THLAZING

  (Sawiremtlang editorial) August thla han hman meuh chuan chhum a zing phui chuai reng mai a, upa ten 'thlazing' an lo ti pawh hi a awm viau mai. Amaherawhchu, heta thlazing tih hi pi pu te thla hming pakhat emaw ti kan awm leh mai thin. Mizo thla chhiar danah chuan Thitin thla a ni tih i hria ang u khai. Hmanlai chuan mitthi te hi pialrala kal nghal mai loin kan velah hian an la tap thin a, August thla hian mitthi khua an pan thin nia an ngaih avanga thitin thla ti pawh an ni niin a hriat. Chuvangin, August thla hi Mizo thla chhiar dan chuan thitin thla tihna a ni a, thenkhat ten thlazing tia an sawi erawh thla hming ang niloin tun thla chu chhum a zing chuai reng mai an tihna a nih chu. Mizo thla chhiar dan hriat hi kan mawhphurhna ni ve in a langa, thla chhiar dan mai bakah an nunphung te pawh hi hriat ve hram hram I tum ang u. August thla chu a zo ruai chu a ni leh ta a, ni reilo te-ah Ber thla kan kan kai anga, derhken, nuaithang, anthur leh senhri nu ten par an chhuang l...
Post a Comment
Read more