1st. Saturday:UD&PA Minister Pu K. Sapdanga chuan Aizawl Smart City hnuaia hmalakna thawh lai mek hmun 8 a mi a tlawh. Minister hian a satu contractor-te kawmin uluk takin hnathawh kal mek leh hmabak la awmte a zawtfiah nghal. UD&PA Minister hi Aizawl Smart City Ltd. CEO, Pu CC Lalchhuangkima, UD&PA Joint Secretary, Pi Zarzokimi bakah Aizawl Smart City Ltd. leh UD&PA Secretariat atangin official thahnem takin an tawiawm a ni.
2nd. Sunday : Evangelical Church of Maraland (ECM) assembly vawi 102-na ECM Siahatla Kohhrana Nilaini (ni 26) zân aṭanga ṭan chu a ṭiak.
3rd. Monday : Ramluahpuia (32) s/o F Lalchhanliana, Hmunhmeltha, chu tractor chetsualna avanga thla hnih vel enkawl a nih hnu in a hliam tuar loin a boral.
4th. Tuesday :
Baby Zodinpuii (23), Zamuang chu current-in a man avângin a boral.
5th. Wednesday : Pathianni thleng awh tur, BCM inkhâwmpui leh rorêlna sâng ber (BCM Assembly) vawi 129-na chu Chanmari Lunglei-ah ṭan a ni.
6th. Thursday :
February 27 aṭanga chin hriat lohva bo, Pu J Thansiama (68), Mualbu (L) chu khawtlângin theih tâwpa ni sarih an zawn hnûah pawh hmuh a la nih loh avângin Mizo dânin a nâwlpuia bo zawn chu tihtâwp a ni.
7th. Friday : Chapchar kut a ni a, Zoram hmun hrang hrangah hman a ni. A hmanna pui ber Aizawla sipai lammualah chuan Chief minister, Pu Lalduhoma'n a hmanpui.
8th. Saturday : Vairengte IOC Venga Pu B. Chhuana In chu a kang a, hei hian a chhak chiah a, a fapa In nen a vaiin In 3 chu bungrua engmah chuh hman lovin a kang ral. He kangmei chuak avang hian Pi Lali (kum 89) Pu. B.Chhuana Nu chu vanduaithlak takin a kanghlum bawk. He kangmei chhuak avanga chenna In chhia hlutzawng hi cheng nuai 10 vel nia chhut ani a, hei bakah hian Pu. Laltanpuia (L) kawta an dah, Wagon R MZ01D-6792 (value of Rs. 2.5 lakh) leh Bike R 15 (V-4) B/r No. MZ05B-4538 (value of Rs. 224106) te chu a kang chhe vek bawk.
9th. Sunday : Melody Lalruatsangi (20), d/o Julie Lalrinmawii, Lunglei Bazâr Vêng ruang chu Forest Office kawtah chhar a ni.
10th. Monday : Legislative assembly session neih mêkah, minister, Pu Lalnghînglova Hmar put luh ‘The Mizoram Liquor (Prohibition) Amendment Bill – 2025’ pass a ni.
11th. Tuesday:
Sihphir tlanmualah nausen thi ruang/ruhro chu hnimpik karah tlangval thlanlai ten an chhar. A vun a filh vek tawh avangin a thihna a rei tawha ngaih a ni a, hei vang hian FIR thehlut loin phum that nghal a ni.
12th. Wednesday : Chakma Autonomous District Council huam chhûngah village council inthlanpui neih a ni. Hetah hian vote hi 82.47% tla in VC 88-ah BJP-in seat la hnem berin VC 64 an la a; ZPM-in VC 12 leh MNF-in VC 8 lain Independent-in VC pahnih an la ve bawk. Tin, chak zâwk awm lohna VC 2 a awm bawk.
13th. Thursday: Bêlthei khuaa side-drain an siam lai chu kopang minin he laia hnathawk Vânmâwia (29) leh Hinjea Zothanmâwia (13)-te a chhilh hlum.
14th. Friday: Malsâwmkimi (17), d/o Lalhminghlua, Chhiahtlâng chu scooty in a che sual a, damdâwi in panpui a nih laiin kawnglakah a boral.
15th.Saturday:
Assam Rifles Sector 23 hmunpui, Khatlah-ah Union Home minister, Amit Shah leh chief minister, Lalduhoma hriatpuinain Assam Rifles chuan Aizawl khawpuia an battalion hmunte chu Mizoram sorkar kutah an hlan.
16th. Sunday : Ni khat chama lo zin union home minister, Amit Shah chu Gauhati panin a chhuaka, Guwahati a
Home Minister ho a North East state chief Minister te leh Manipur Governor, Ajay Kumar Bhalla ten venhimna chungchang an thlirho na tura a kal a ngaih avangin chief minister, Pu Lalduhoma chuan a zui.
17th. Monday : Treasury Square bazar chu nasa takin a kang. Kangmei hi sa zawrhna bul atanga intanin Treasury lamah kangmei hi a kal a, helaia inzuarte bungrua a kang chhe nual a ni. Kangmei avang hian a bul lawka assembly session neih mek pawh a hun takah an tan theihloh phah nghe nghe.
18th. Tuesday : Lai Autonomous District Council a Chief Executive Member Pu V.Zirsanga'n thlawptu a neih dan fiah tura LADC Session koh chu, Session kaihruaitu tur Chairman leh Deputy Chairman ten Session tanhmaa banna an thehluh vangin Session hi neih theih a nilo.
19th. Wednesday : Thla thar April ni 1 atanga hman tan tur, damdawiina a thlawna inenkawlna tur Mizoram Universal Healthcare Scheme (MUHCS) chu Chief Minister, Pu Lalduhoman a tlangzarh.
20th. Thursday : February 19 a neih tan, Mizoram Legislative Assembly 9-na thutkhawm vawi
4-na, Budget Session ni bawk chu Assembly Speaker chuan tiamchin awm lovin a titawp.
21st. Friday : April ni 3, 2025-a nupui nei tûra in buatsaih, Lalthâwmmâwia (30), Saiphai chu an in hnuai lama electric bulb lâk thlâk a tum laiin current-in manin a boral.
22nd. Saturday : Chhinga Vengthlang Presbyterian kohhran naupang chawhnu inkhâwmte chuan Electric Vêng Hall-ah fursal khelin, goalkeeper, Bradley Lalhmangaiha (9) s/o Nicky Malsawmdawngliana chu goal ban tluin a delh a; in panpui a nih laiin kawnglakah a boral.
23rd. Sunday : Lawngtlai dai, Siaha kawng lam, Mavula Filling Station bulah Pik Up chesualin, a khalhtu, Pu V. Lalhmangaihsanga, Kum 42, s/o V. Lallianngura, AOC Veng, Lawngtlai leh lirtheia chuang Pusanai, kum 24, s/o Angsanwai, Siktui, Myanmar-te chu a hmunah an thi.
24th. Monday : Mizoram sawrkar chuan Minister pasarih te department a siksawi.
25th. Tuesday: Zopui khaw kawng laitu, excavator operator, Lalchhuangzêla (23), Thinglian khua chu a excavator khalh lai nên chesualin a hmunah a boral.
26th. Wednesday : Rosie Lalremsângi (22) d/o Laldingliana (L), Mimbung ruang chu Zemabawkah chhar a ni.
27th. Thursday : Lalruatkima (36), North Mualṭhuam; a nupui (missionary) hna thawhna hmun, Ngêngpuitlânga awm chu a inbual tûr bual inah tlu sualin a boral.
28th. Friday : Thenzawla Pu Biaksiama fapa te pathum chuan a rualin nupui an nei.
29th. Saturday : Aizâwl Bâwngkâwn Kohhran Pavalai Pâwlte’n Zâwlnuam Pastor Bial chhûnga Zâwlpui khuaah work camp neia rawngbâwl hna an thawh mek laiin, an member pakhat, C Lalrosânga (?) chu heart attack vângin a buai a; Kawrthah CHC-ah a boral.
30th. Sunday : Zirtawpni atanga neih, Wesleyan Methodist Church of Mizoram hnuaia thalai pawl, Mizoram Wesleyan Methodist Youth Fellowship Diakkawn YMA hall Kolasib a neih chu a tiak.
31st. Monday : Mizorama thlanmual hmasa ber nia hriat, Venghlui Thlanmual thlahna hun chu Venghlui leh College Veng Branch YMA huaihawtin thlanmual thlah tak hmunah neih a ni. Thlanmual thlahna inkhawm hi Venghlui Branch YMA President K.Lalchhuanmawia’n a kaihruai a, branch pahnih atangin report leh thusawi ngaihthlak a ni bawk. Chhinchhiah danin Venghlui Thlanmual thlah takah hian kum 1922 khan hnam dang (Gorkhali) inawkhlum chu phum hmasak ber a ni a. Sorkarin kum 1924-a thlanmual nei tura thuchhuah a siam hnuah Mizo zinga phum hmasak ber chu Thangsabuti niin kum 1926 khan phum a ni thung. Tichuan, tun thlengin thlanmual chhuahsan takah hian mi 1,601 phum an ni tawh a, ni. Veng pahnih te hian Mualpui ram, World Bank Road bulah thlanmual an nei ve ve tawh a, inphum thuah leh hlamzuih tih loh chu April atangin thlanmual tharah hian in phum tawh tur an ni.
Comments
Post a Comment