Skip to main content

MIZORAM IN CHHIATNA RAPTHLAK A TAWNG

  (Sawiremtlang heading)


Cyclone Remal avanga thli leh ruah thawk avang in Mizoram hmun hrang hrangah chhiatna a thleng nasa hle. Mi 34 velin nunna chanin ruang hmuh loh pawh la awm nual nia hriat a ni.


Melthum leh Hlimen inkar tlang chu Thawhlehni zing khan a chim a, lei chim hian helai bawra cheng Mizo in pathum leh quarry-a thawk hnamdang te chenna in a hnawl chhe vek a, mi 18 velin nunna an chan nia hriat a ni. Tunhnai chhiatna zinga nunna chhat hnem ber niin a lang. Henglaii chhehvel khua te hian hemi tuk hian chhiat an tawk nasa hle. An chhiat tawh hun pawh hi a inrual tlang viau niin a lang.


Hemi hma ni, Thawhtanni khan Lalrimawii (63) w/o Lalthangfala, Maubawk Veng, Aizawl chu Lungsei (Samlukhai bul) ah thlama an awm laiin, thlam hi leiminin a hnawl avangin a thi.  


Hmun hrang hrangah leimin avang hian nunna chan an awm a, nunna chan lemlo in leh lo chan te phei chu tam tak an ni.


Heng bakah hian Kanan Veng thlanmual chu nasa takin a min a, thlan 50 chuang chhiain tualchhung mi engemawzat chu hnatlang in a chhuak khawm nghal a, hmun remchangah a huhoa phum that tura ruahman a ni.


Chhiat tawhna avanga nunna chante ralna tur hian Mizoram sorkarin cheng vbc. 15 a dah thu sawiin mitthite chu cheng nuai 4 zela ral (ex gratia) an nih tur thu an tarlang bawk.


Inchim leh leimin mai bakah hian luah ngamloh in engemawzat a awm bawk a, inkalpawhna kawng chhia bakah leimin tenau engemawzat a awm bawk.


Chhimphei lam a mitthi te ruang zawn hna hi Central YMA ruahmanna in khawpui chhung branch hrang hrang ten a inchhawkin zawn hna thawh mek zel a ni a, he thu buatsaih lai hian mi 5 vel hmuhloh la awm nia hriat a ni. Central YMA hruaitu te chuan ruang te hi hmuh a nih hma chuan Mizo dana ni sarih tal zawn a nih tur thu an sawi.


Zoram hmun hrang hrangah chhiatna a thlen mek lai hian Sihphir lamah erawh chuan  chhiatna lian tham kan tawnglo hlauh mai a, a lawmawm takzet a ni.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

THLAZING

  (Sawiremtlang editorial) August thla han hman meuh chuan chhum a zing phui chuai reng mai a, upa ten 'thlazing' an lo ti pawh hi a awm viau mai. Amaherawhchu, heta thlazing tih hi pi pu te thla hming pakhat emaw ti kan awm leh mai thin. Mizo thla chhiar danah chuan Thitin thla a ni tih i hria ang u khai. Hmanlai chuan mitthi te hi pialrala kal nghal mai loin kan velah hian an la tap thin a, August thla hian mitthi khua an pan thin nia an ngaih avanga thitin thla ti pawh an ni niin a hriat. Chuvangin, August thla hi Mizo thla chhiar dan chuan thitin thla tihna a ni a, thenkhat ten thlazing tia an sawi erawh thla hming ang niloin tun thla chu chhum a zing chuai reng mai an tihna a nih chu. Mizo thla chhiar dan hriat hi kan mawhphurhna ni ve in a langa, thla chhiar dan mai bakah an nunphung te pawh hi hriat ve hram hram I tum ang u. August thla chu a zo ruai chu a ni leh ta a, ni reilo te-ah Ber thla kan kan kai anga, derhken, nuaithang, anthur leh senhri nu ten par an chhuang l...
Post a Comment
Read more