1st. Wednesday : C Lalhriatzela (44), h/o Lalnunziri, Champhai chu Salem Veng, Aizawlah a ma khalh lai, maxi cab-in a delhhlum.
Motor hi kawng chho a a kal laiin a zolo a, motor kamna tur a zawn laiin maxi cab hi lir thutin a let a, C Lalhriatzela hi a delh ta a ni. Damdawi in panpui nghal ni mah se, a hliam tuar loin a thi.
2nd. Thursday : Lallianzela kum 34 h/o Lalvenpuii, Sihphir chu 'Thin tha lo' avangin 7th Day Hospital, Vaivakawnah a boral.
3rd. Friday : Chhippui khua-ah Pu Zothanga te in chu bungrua chuh hman lohin a kang ral. Hemi tum hian fapa, Jakob Laldinsanga, kum 4 mi chu inchhungah a mu tih a hriat avangin thenawm nula, Lalbiakthangi chuan kang kar atangin a chhanchhuak. Amah pawh hian hliam a tuar nual a ni.
4th. Saturday : Kristian Thalai Pawl, Sihphir Pastor Bial buatsaihin Sihphir Presbyterian kohhranah tleirawl leh rawltharte pualin ruihhlo hlauhawm zia inzirtirna neih a ni. He hunah hian Dr. C. Ramdinthara, Synod Hospital Durtlang chu Resource person a ni.
5th. Sunday : JCB operator, Lalawmpuia (21) s/o Lalramnuama, Ratu chu JCB hmanga chetsualna avangin Rawpuichhipah a thi.
6th. Monday : Hliappui khua-ah chenna in pakhat, (Assam Type) chu bungraw chuh hman lohin a kang ral vek. Inah hian nula pakhat (chauh) a cheng a ni.
7th. Tuesday : Lalremruata (35) s/o K Lalrawngbawla (L), New Champhai chu Tuimuk hmuna an dilah thia hmuh a ni.
8th. Wednesday : Horticulture Minister, Prof. Lalnilawma chuan Sairang leh Lengpui a Department Warehouse hrang hrang a tlawh.
Prof. Lalnilawma hi Lalthazuala Rawite, Chairman, ZIDCO in a tawiawm a, Horticulture Department atangin Director, CH Lalmuanpuia, Additional Director, Lalhmingmawia Pachuau, Secretary, K Lalrinzuali, Deputy Secretary, Lalremruati bakah staff thenkhatten an tawiawm bawk.
9th. Thursday : President, Draupadi Murmu chuan ramchhunga civil mite chawimawina sang, Padma Shree award chu TNT dintu leh enkawltu, Dr. Sangthankima hnenah Delhi-a Rashtrapati Bhavan-a inkhawm buatsaihah a hlan.
10th. Friday : Dr Vanlalthlana, Minister, H&TE, etc. leh Prof. Lalnundanga, Registrar, Mizoram University chu Minister pisa-ah an inkawm a. He hunah hian zirna sang zawk chungchang sawi niin India rama zirna sang enkawltu, University Grants Commission (UGC) bakah zirna kalphung thar, National Education Policy (NEP) 2020 zula Mizorama college leh university zirlaite hmakhua tur chungchang sawi dun.
11th. Saturday : Taxi driver, Aizawl Taxi Welfare a Executive Comittee Member ni bawk, James Lalnunmawia chu a unaupa thih champha a ni a, hemi pual hian a thlawnin a service.
12th. Sunday : Bilkhawthlira Eklavya Residential Model School chu hnamdang mi pali ten an rawk a, mi pathum te hi man nghal an niin pakhat erawh a tlanchhuak hman thung a ni.
13th. Monday : ZPM Central Block, Mamit hruaitute chuan District Hospital, Mamit, khum 100 awmna tur building, September 26, 2023-a hawn tawh tun thleng a luah luh la ni lo chu a hmunah an tlawhin thil awm dan an zir chiang.
14th Tuesday : MBSE chuan High School Leaving Certificate (HSLC) - 2024 result a tichhuak a. Zoram chhung a exam beitu zirlai 18,561 zingah mi 13,618 in an pass. Tun tum a MBSE- in HSLC Exam result a tichhuah takah hian a pumpui a pakhatna chu Lalmoipuia Lawmzual, St Paul's HSS zirlai niin, full mark 500 ah 485 zet a hmu a ni. Zirlai zawng zawng passed vekna school 85 zet an awm laiin, zirlai failed vek school 18 lai an awm thung!
15th. Wednesday : Central YMA hruaitute chuan Chief Minister, Lalduhoma chu a Office-ah an kawm a, ruihhlo chungchang leh khua leh tui ni lo ten document hrang hrang an neih thin chungchang te an sawiho.
16th. Thursday : India rama paraglider naupang ber record siamtu, Samuel Lalbiakhlua (11) s/o MS Dawngzuala, Saitual chu Saitual DC Conference Room-ah Saitual DC, Dr Lalngura Tlau kaihhruaina hnuaiah Saitual District Sports Committee chuan lawmpuina Rs 10,000/- an hlan.
17th. Friday : Lai Autonomous District Council chief executive member atan lakluh tak, United Legislature Party hruaitu C Lalmuanthanga chuan LADC Session-ah CEM rintawkna a paltlang. LADC-ah hian thla hnih chhung sawrkar mumal a awm theih loh hnu-ah Congress member pakhat leh MNF member 12 chuan United Legislature Party an din a, an leader atan Congress member, C Lalmuanthanga hi an thlang a ni. LADC Session Hall-a CEM rintawkna, vote of confidence neihah hian elected MDC 18 atangin CEM ring tawk member 12 an awm a, a kalh zawngin member 6-in ban an phar a ni.
18th. Saturday :
Kohhran pali awmna, BCM Hnahthial South Pastor Bial, Thalai Kristian Pawl (TKP) leh District Urban Development & Poverty Alleviation (DUDO) tang kawp chuan Environment Humhalh Hnatlang an thawk. He hunah hian Hnahthial khawpui tui tlan, Tuichang lui fintu luikawr pali thenfai a ni.
19th. Sunday : Kristian te ni pawimawh, Pentikos Ni a ni a, Kohhran hrang hrang ten urhsun takin an hmang.
20th. Monday : ZPM Party in an office-a chhung inkhawm an hmannaah Pi Lalrinpuii, Minister, Health and Famiy Welfare, Tourism, Social Welfare and Tribal affairs chuan, “Thla ruk dawn sorkarna kan lo chang ve dawn ta reng a, ZPM chu kalphung thar, mipui sorkar a nih ang leh kan Chief Minister-in a lo puan angin Year of Consolidation kan kalpui mek a ni a, kan party manisfesto tihlawhtling tur chuan kan kutke ber sawrkar hnathawkte kan policy nen inrem tura kan hrilhfiah a ngai hle a ni." a ti.
Party chhung inkhawm hi H Vanlalhlua, General Secretary chuan a kaihruai a ni.
21st. Tuesday : Mizoram Board of School Education chuan Higher Secondary School Leaving Certificate result a ti chhuak a. Exam zawng zawng mi 11,824 zinga 9227 an pass a, pass percentage hi zaa 78.04% a ni.
22nd. Wednesday : Tuival thelret suar vela chengkawl khawrha a thiante pahnih nena kal, Thuamkhanmanga (47 vel), Khawkawn chu tui-ah a tla hlum
23rd. Thursday : Mizo Zirlai Pawl (MZP) General Headquarters, Aizawl chuan Vanapa Hall-ah High School Leaving Certificate (HSLC) Examination 2024 Top 10-a Mizo tlingte chawimawina hun a buatsaih a, Prof. Lalnilawma, Minister of State chuan khuallian niin a hmanpui.
24th. Friday :
Kolasib district horticulture officer, Lalnunpuia hoin Kolasib district khaw hrang hranga dragon fruit chingtu aiawh an inhmukhawm a. DHO hian Dragon fruit chingtute tana sawrkar hmalak dan tur a sawi.
Kolasib district chu ‘One Village One Crop’ kalpuina turah dragon fruit chinna hmun atana thlan a ni a, chumi tihlawhtling tur chuan department-in hma an la mek tih a sawi.
25th. Saturday : MNF Sr. Vice President, Dr.R.Lalthangliana chuan Aizawl Press Club-ah chanchinthar lakhawmtute a kawm a, “Lok Sabha MP thlanna April ni 19-a neih takah Mizoram Armed Police 1047 zette vote thlak thei lova siam an ni hi MNF Party chuan pawi kan ti takzet a, Mizoram sorkar inthlahdah vang liau liau a ni tih a chian avangin, heng kan police chhuanawm tak takte lakah hian ZPM sorkar hian ngaihdam a dil ngei turah kan ngai,” a ti. Dr.R.Lalthangliana chuan, “Mizoram Armed Police atanga Election Duty tura tirh chhuahte hi Company 15, sipai 1047 an ni a, state 3- Bihar, Uttar Pradesh leh Madhya Pradesh-ah te duty tura tirh an ni a, Mizoram sorkar hian heng police rualte election duty tura a tirh liam hma hian Postal Ballot hmanga vote an thlak theih dan tur ruahmanna siam theih a ni ngei dawn tih chiang reng chung si a, vote thlak thei lo tura ruahmanna a siam kher kher hi kan police te dikna chanvo rahbehsakna langsar tak, Mizoram Election History-ah thil la thleng ngai lo a ni a, thleng nawn tawh lo se kan duh em em a ni," a ti bawk.
26th. Sunday : Mizoramah African Swine Fever (ASF) vawk pul hri leng avangin vawk 3 a thi a, vawk 11 suat a ni bawk.
Heti hian Mizorama ASF vawk pul hri avanga kumina thi zat chu 1,039 a tling tawh a, hri kai avanga tihhlum 1,644 a awm tawh bawk.
27th. Monday :
Lalrimawii (63) w/o Lalthangfala, Maubawk chu Lungsei (Samlukhai bul) ah thlama an awm laiin, thlam hi leiminin a hnawl avangin a thi.
28th. Tuesday : Cyclone Remal avanga thli leh ruah thawk avangin Melthum leh Hlimen inkar tlang chu a chim a, lei chim hian helai bawra cheng Mizo in pathum leh quarry-a thawk hnamdang te chenna in a hnawl chhe vek a, mi 18 velin nunna an chan nia hriat a ni.
29th. Wednesday :
Thalai Kristian Pawl (TKP), Kolasib Pastor Bial chuan kumina an Project tihhlawhtlin nan Kolasib District Hospital Blood Bank-a dah turin thisen Unit 39 an pe a, thisen petute hi mipa 29 leh hmeichhia 10 an ni.
30th. Thursday : Saihmingthanga Sailo (38) h/o Lalfamkimi, Lunglei Zohnuai electric current-in a man avangin a thi. Saihmingthanga Sailote hian Khawiva kawngah electric an siam a, thirbana a lawn laiin current hian man a, Hospital lanpui a nih laiin a boral a ni.
31st. Friday : Ather Pro Volleyball League 2024, LPS Arena, Falkland a khelh zawh takah
Hunthar leh Tuichangral (mipa) inkhelin Hunthar hian 3-1 (23-25, 25-23, 25-23, 25-23) in hnehna an chang.
Comments
Post a Comment