Skip to main content

LOK SABHA MP ATAN ZPM CANDIDATE, RICHARD VANLALHMANGAIHA THLAN TLIN A NI

  (Sawiremtlang heading atana ruahman a ni naa, pawimawh zawk a awm avangin a leng talo)


 Mizoram-in Lok Sabha-a seat a neih chhun hnawhkhah nana kumin April ni 19-a vote tla te chu Thawhlehni khan Mizoram hmun hrang hrangah chhiar a ni a, ZPM Candidate, Richard Vanlalhmangaiha chu thlan tlin a ni.


 Vote hi Thawhlehni zing dar 8 atang khan District hrang hranga Counting Hall siamah chhiar tan a ni a. Zoram People Movement (ZPM) Candidate, Pu Richard Vanlalhmangaiha hian Vote 2,06,377 hmuin amah hnaih bertu MNF Candidate, Pu K. Vanlalvena chuan Vote 1,39,532 a hmu a. INC Candidate, Pu Lalbiakzama chuan Vote 97,761 a hmu in, BJP Candidate, Pu Vanlalhmuaka chuan Vote 33,009  hmu bawkin, PC Candidate, Pi Rita Malsawmi chuan Vote 3681 a hmu bawk. Tin, Independent Candidate, Pu Lalhriatrenga Chhangte chuan Vote 4,663 hmuin NOTA ah 1,866 a tla bawk a ni. 


Mizoram bikah hian rorel lai, ZPM an chetha hle a, assembly constituency 40 awmah bial 37 zetah sang ber nihna hauhin BJP in bial hnih leh MNF in bial 1-ah sang ber nihna an hauh bawk.


Kan bial, Aizawl East 1 ah hian INC in 2761, ZPM 64463, BJP 262, MNF 4228 leh MPC 100 te hi an vote hmuh dan a ni a, independent in vote 141 bakah NOTA-ah hian vote  35 a tla bawk. Sihphir booth pathumah hian

INC in 322, ZPM  821, BJP 15, MNF  469 leh MPC 21 te hi an vote hmuh dan a ni a, independent in vote 16 bakah NOTA-ah hian vote  5 a tla bawk.


Central-ah hian Bharatya Janata Party (BJP) hian seat 240 an la a, party malin sorkar an siam theilo. Sorkar siam tur hian seat 272 neih phak a ngai a, BJP hian NDA anga an thawhpui Andra Pradesh a Chandrababu Naidu kaihhruai, Telugu Desham Party, seat 16 nei leh Bihar a Nitish Kumar kaihhruai, Janata Dal United atangin seat 12 nei te nen sorkar siam tumin an in puahchah mek a ni. Hetih mek lai hian INC leh a thawhpui, INDIA bloc lam pawhin a chunga tarlan party hruaitu pahnih te khi an rim ve mek bawk.


Tuntum inthlanpuiah hian jail tang lai pahnih an tling a, a mak khawp mai.  Inhnehna sang ber chu Madhya Pradesh a Indore bialah niin BJP chuan amah hnaih bertu, NOTA chu vote nuai 9 chuangin a khum a ni.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

THLAZING

  (Sawiremtlang editorial) August thla han hman meuh chuan chhum a zing phui chuai reng mai a, upa ten 'thlazing' an lo ti pawh hi a awm viau mai. Amaherawhchu, heta thlazing tih hi pi pu te thla hming pakhat emaw ti kan awm leh mai thin. Mizo thla chhiar danah chuan Thitin thla a ni tih i hria ang u khai. Hmanlai chuan mitthi te hi pialrala kal nghal mai loin kan velah hian an la tap thin a, August thla hian mitthi khua an pan thin nia an ngaih avanga thitin thla ti pawh an ni niin a hriat. Chuvangin, August thla hi Mizo thla chhiar dan chuan thitin thla tihna a ni a, thenkhat ten thlazing tia an sawi erawh thla hming ang niloin tun thla chu chhum a zing chuai reng mai an tihna a nih chu. Mizo thla chhiar dan hriat hi kan mawhphurhna ni ve in a langa, thla chhiar dan mai bakah an nunphung te pawh hi hriat ve hram hram I tum ang u. August thla chu a zo ruai chu a ni leh ta a, ni reilo te-ah Ber thla kan kan kai anga, derhken, nuaithang, anthur leh senhri nu ten par an chhuang l...
Post a Comment
Read more