1st. Friday :
Electoral Roll Hearing YMA Hall-ah neih a ni a, he hunah
hian roll-a telh thar mi 55 an awm a,
mi 15 paih niin hmun danga insawn mi
38 an awm a, siam that ngai mi 15 an
awm bawk.
2nd. Saturday : Sihphir Kohhran Pavalai Pawlte
chu Suangpuilawn Kohhran Pavalai
Pawl te tlawh turin an chhuak.
3rd. Sunday : MPWD hotute, Contractor leh Joint YMA JAC te inkawm khawmna ang a Rinchhan Veng by pass road PCC tura thuchhuah neih tawh chu, hotute atanga ro hran an rawn neih leh thut avangin Joint YMA JAC ten a hmun a kalchilhin an enfiah a. Ruahtui la tam nen, a char that hmaa tuihawk tleuh leh thildang avangin a chhe leh rang dawn ni a a lan avangin Joint YMA JAC chuan, thuneituten ko an thlak leh thut chhan chungchangah an sawibuai ta lo. Amaherawhchu, rawtna hrang hrang erawh an thlen nghal thung.
4th. Monday : Chief Minister, Pu Zoramthanga chuan Sihphir rawn tlawhin V/C House-ah V/C, NGO hrang hrangte bakah MNF party hruaitu te nen an inkawm. Hemi zawh hian veng chhunga damlote kanin mitthi hnaivai deuhte a ral nghal bawk.
5th. Tuesday : Teachers day a ni a, tualchhung zirna in hrang hrang te pawhin an remchan dan ang angin an hmang ve hlawm.
6th. Wednesday : UPHC-ah Dental Doctor a ṭhu a, mi thahnem takin an rawn.
7th. Thursday : Pu Laibuaia, Neihbawi chenna tur sak dilna thehluh chungchangah M.D, MAMCO in a office chamber-a meeting nei tura hriattirna an hmuh angin ruahmanna siamtu, Chawngbawla Section hruaitute pahnih bakah branch secretary nen meeting a ni a, Pu Laibuaia chenna tur hi Cold Storage hulhliap a zar phal sak a ni ta a ni.
8th. Friday : Civil Hospital-ah Khum Bahadur leh a nupui, Sivikala Bahadur, a Mizo hming, Zovi, Kawnveng chuan hnuai te chu kohhran dan thianghlim in Rev.Darrema Hlawndo chuan a kutsuih tir. Pu Khum Bahadur te hian tu leh fa engemawzat an nei tawh naa, kohhran dana an la inneih loh avang leh Pi Zovi hi damlo serious tak a nih bawk si avangin hetiang hun remchang hi siam a ni ta a ni.
9th. Saturday : Vanlalruala, kum 53 h/o Ramchullovi, Chhanhim Veng chu Civil Hospital-ah Mitliam natna avangin a boral. An in hi a tet deuh avangin a puzawn te in hnuai (in ruak) ah a ruang hi dah a ni.
10th. Sunday : Presbyterian kohhran hnuaia naupang Sunday School department hrang hrang te chu biak in hrang hrangah an inkhawmpui.
11th. Monday : Mizoram Rural Bank a Office As-
sistant hna hmu thar, Tv H.V. Vanneihtluanga s/o H.V.
Lalmalsawma, Tlangveng chuan Mizoram Rural Bank, Phullenah a hna a zawm.
12th. Tuesday : September ni 3 atanga khelh tan, Hero Sub Junior Boys National Championship, West Bengal khelh zawh takah Sihphir rawlthar pathum telna, Mizoram Team chuan 3-0 a Manipur hnehin an champion. Goal thum zînga goal khat hi Isak Lalmalsawma S/o Lalthazuala, Venglai khung a ni nghe nghe.
13th. Wednesday : YMA thlanmual Sub - Committee-te chu thlanmual
tifaiin an hnatlang.
14th. Thursday : UPHC, Tlangvengah natna chi hrang hrang enna chi 13 a awm tak thu V/C te hnen atangin hriattirna dawn a ni.
15th. Friday : Tunhnaia Hero Sub Junior Boys' National Championship, Behrampore & Malda Stadium, West Bengal a khelh zawh taka Champion, Mizoram team te chu an lo haw a, an zinga Sihphir rawlthar pathum te lawmna inkhawm chu Rohrenga Hall-ah V/C te ruahmanna in lo hman ve a ni. A lawmna inkhawm hi V/C Vice president, Pu Thanglianchhunga, Chairman, Sports Development. Board chuan a kaihruai.
16th. Saturday : PYD te chuan an
din champha kum 50-na (Golden Jubilee) chu hlim takin an lawma, tlaiah chawhlui an kil ho nghal.
17th. Sunday : Presbyterian Kohhran hnuaia bial chhung
Senior Depatment te ch Sihphir
Kohhran Biak Inah an inkhawmpui. He hunah hian Speaker atan Rev LH
Rawsea, ATC hman a ni.
18th. Monday : CM, Pu Zoramthanga chuan Synod camping center a tlawh.
19th. Tuesday : C. Huamliana, kum 85 h/o Lalramthangi, Biak In Veng chu an chenna Inah 'Stroke' avangin a boral.
20th. Wednesday : Lalramdinsangi d/o Liankima, Tlangveng leh Laldingliana s/o Lalawmpuia, Durtlang te chu Durtlang Presbyterian Kohhran biakinah an innei.
21st. Thursday : Inter Village Volleyball Tournament, r. Dengthuama indoor stadium a khelh mekah Sihphir V/C team
chu Ngopa V/C team
te lakah 3-1 in an vanduai. A hmain Sihphir V/C team hian Bualpui H V/C team an hneh tawh a ni.
22nd. Friday : P.E.S. Sihphirah Synod Hospital leh Christoffel Blinden Mission (CBM) tang kawpin zirlai
naupangte mit leh beng a hriatna chak lo, rilru leh pianphunga rualbanlohna awm theite an endik sak.
23rd. Saturday : CKTP ten September
ni 4, 2023 atanga Synod
Camping Centre, Neihbawiha
chhanchhuahna camping a buatsaih chu
an chhuak ta. Camping-ah hian mi zanga chuang lai lutin awm tluan lo erawh engemawzat an awm thung. Camping speaker hi
Tual Upa Jerry Laltanpuia, Speaker, Krista Remna Palai Team a ni.
24th. Sunday : Sivikala Bahadur, a Mizo hming Zovi, kum 72 w/o Khum Bahadur, Kawn Veng chu an chenna Inah 'Stroke' natna avangin a boral.
25th. Monday : Pi Lalthanzauvi m/o HS Lalthafamkimi, Kawnveng te pawisa (cheng 3,000/-) leh banbun chu an ina naupang infiam pathum ten an ruk sak.
26th. Tuesday : Chief Minister, Pu Zoramthanga chuan a pisa-ah tunhnaia kan khaw mi, Mizoram University leh ICFAI University result chhuaka topper, Lalmuanzuali Royte d/o Lalthlamuana Royte, Sihphir; MA English (MZU), Kawnveng leh Vanlalkroshlua Ngente s/o Vanlalhruaia Ngente, Sihphir; IMBA (ICFAI), Tlangveng te chu lehkhapui (Citation) leh Laptop Computer a hlan.
27th. Wednesday : Sihphir HSS chu Cabinet meeting-in ngaihtuahin Provisional tur HSS 34 zingah a telh.
28th. Thursday : Bial KTP te chu
Venghlun Playground-ah an inti hlim.
29th. Friday : Higher Secondary School te chu
khawlai thianfaiin an hnatlang.
30th. Saturday : Ni hnih awh, 13th Mizoram Inter-district Power lifting Championship, Republic Vengthlanga neih zawh takah David RK Lalnunmawia s/o chuan Squat -180, Bench -97.5 leh Deadlift -210 te chawiin golf medal a la. A weight category-ah hian Mizoram record a siam nghal bawk.
Comments
Post a Comment