Skip to main content

FOREST DEPARTMENT HMALAKNA

 

Tunlai hian Talankawn bul, Zauo ram chu zau taka vah a ni tih ral atangin a hmuh theih. Hei hi Forest Department in V/C te remtih pui na in a luang hmun lai kha thing phunna turin an ti fai nia sawi a ni.


Tin, kum 5 chhung kan enkawl anga, vantlang kut a hlan leh tur nia sawi a ni bawk. He thil hi VCP, Pu Lalnelawma chuan vantlang ta tur a nih thu leh department lam hian nakinah chuan Sihphir hian thingzai tur kan la neilo mai dawn a, a puitlin thlenga kan humhalh chuan keimahni tan vek a la ni nih dawn thu an sawi nia sawiin kum nga chhung min enkawl sak/pui turin MOU pawh siam a nih thu a sawi.


Khawvel lum zelah thing leh mau humhalh a tul tawh hle mai a, humhalh mai bakah chin belh theih hi a ṭul hle mai bawk. Tuna Zauo ram an vah pawh hi chutiang atana tih chu a ni a, ramngaw tha tak a awm theih ngei kan beisei a ni.


 Forest Department lam hian hmun hrang hrangah ramngaw siam tumin hma an la nasa hle mai a, khawtlang hruaitu te nen thawkho in kan khaw ram hmun engemawzat hi ramngaw siamna turin an buatsaih tawh a, a lawmawm takzet a ni.


Chutih rual erawh chuan ramngaw humhalhtu leh ngaw siam tum nia kan ngaih mek lai hian ramngaw suasamtu anni ta mai em aw? a tih theihna lai pawh a awm tho awm e. Tuna Zauo ram an vah hi luang hmun nia sawi a ni a, luang hmun mai mai ai chuan thing leh mau ding ta khup mai se sik leh sa tan chuan a tha zawk ngei in a rinawm. Mahse, phul hmun satliah lo deuh te pawh vatin an hal dur dur tho mai niin a lang tlat mai a, ramngaw humhalh tu niloa suasam tu nia ngaihna mipui-ah an lang rum rum thei mai dawn. 


Ramhnuai mai bakah khawchhung kawngdung velah thing phun an uar hle mai a, amaherawhchu, an thing phun kung khat lek lek hung nan thing kung awmsa kezungpui rual leh a aia lian deuhte an  hmang fo mai a, thing phunna tur a dip avanga thing lian dang kih tak mai lah bolo.     


Ramngaw humhalh leh siam tur hian Forest Department aia hmala nasa leh hlu hi an awm kher awmlo e. Hetih laia a humhalh leh siamtu aia    sam/suattu ang lek leka ngaih theih tura thul a awm fo mai hi hriatthiam a har takzet a ni. Kan khawtlangah pawh hemi lama hnathawk kan awm ve nuk tawh a, anni pawh hian ngaihtuahnate lo seng ve se a duhawm hle.   


A changtu department kan sel lek lek mai lai hian anni ai mahin keini, khawtlang mipuite hi a humhalh kawngah hian kan pawimawh zawk tih hria ila, kan ramngaw te humhalh a siam belh zel tur hian theihtawp i chhuah tlang ang u.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more