Skip to main content

FOOTBALLER ALBERT-A A LO HAW

 

Albert Laldinpuia, Pu Lalhriatpuia s/o Laltinkaia, Zion veng fapa chu tunkar Thawhlehni khan session chawlh hmangin a lo haw a, Sawiremtlang chanchinbu enkawltute chu an chenna inah kalin kan inkawmna tlangpui lo tarlang ila :


Srt : I hming, pian leh murna min hrilh thei em?

Albert : Ka hming chu Albert Laldinpuia a ni a, Bairabi-ah ka piang.

Srt : I nu leh pa hming

Albert : Ka pa chu Lalhriatpuia a niin ka nu chu Lalengzami a ni. 

Srt : Unau engzatnge in nih leh pian kum te.

Albert : Kan unau hi pahnih kan ni a, mipa ve ve niin a naupang zawk ka ni. Ka birthday chu September ni 15, 2004 a ni e.

Srt : Tunah hian khawi hmunah nge i awma, eng club-ah nge i khelh mek?

Albert : CVM academy (Charutar Vidya Mandal) Gujarat-ah ka khel mek.

Srt : Engtikahnge chutah chuan i awm?

Albert : Kum 2019 atangin ka awm tan.

Srt : Kum li vel lai i awm ta a ni maw. A nihleh engvângin nge Gujarat lama i awm teh daih le. 

Albert : Khelhna hmun a tam avang leh kalzelna turah beisei awm bera ka hriat avang a ni ber.

Srt : Tuna i lo chhuak hi eng chawlh nge le.

Albert : Session chawlh a ni ber mai. 

Srt : Session liamta a in club dinhmun min hrilh thei em?

Albert : Pali a kan ni.

Srt : Eng position-ah nge i khelh thin?

Albert : Defencesive midfield a ni tlangpui.

Srt : Gujarat lo state dangah inkhelin in kalchhuak ngai em?

Albert : Kalchhuak ve fo e, state aiawhin national games-ah pawh tumli zet ka khel ve tawh.

Srt : Gujarat i awm hmain club dangah i khel hman em?

Albert : Khel ve nual e, Ramhlun leh 1st MAP team te kha a lian zual chu a ni awm e. 

Srt : Lawmman lam te.

Albert : Kum 2020 khan Street KK U15 (Gujarat state chhung inelna) ah best player ka ni a, kan champion zui bawk. Kha kha ka tan chuan lawmman hlu ber a la ni hial awm e. Inkhelh dangah chuan champion chiahlo mah ila, man of the match lawmman erawh ka dawng ve nual tawh thung.

Srt : Eng club nge i tan ber?

Albert : Manchester United hi ka tan ber a, India-ah chuan NE United tan berin ram ang chuan England khu ka tan ber.


Hei hi inkhelh thiam Albert a kan kawmna tlangpui chu a ni a, tuna a khelh mekna hi academy mai a la nih avangin hlawh mumal takin an la dawnglo a, amaherawhchu, a hmalam hun a eng hle thung. Tuna an coach hian a duhsak hle a, coaching lama kal tura a duhpui thu pawh a hrilh fo tawh nghe nghe. Hei hian leadership a neih that zia a tarlang hle in a lang. A khelhna apiangah hian captain arm band hreng pha a a ni deuh ziah rêng a ni. Academy a chhuahsan hunah Goa emaw Rajasthan lama kal a rilruk thu a sawi bawk.


Albert-a infiammi tha tak ni a, ram tan leh Sihphir khaw tana trophy chawi zel turin kan duhsak e.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

THLAZING

  (Sawiremtlang editorial) August thla han hman meuh chuan chhum a zing phui chuai reng mai a, upa ten 'thlazing' an lo ti pawh hi a awm viau mai. Amaherawhchu, heta thlazing tih hi pi pu te thla hming pakhat emaw ti kan awm leh mai thin. Mizo thla chhiar danah chuan Thitin thla a ni tih i hria ang u khai. Hmanlai chuan mitthi te hi pialrala kal nghal mai loin kan velah hian an la tap thin a, August thla hian mitthi khua an pan thin nia an ngaih avanga thitin thla ti pawh an ni niin a hriat. Chuvangin, August thla hi Mizo thla chhiar dan chuan thitin thla tihna a ni a, thenkhat ten thlazing tia an sawi erawh thla hming ang niloin tun thla chu chhum a zing chuai reng mai an tihna a nih chu. Mizo thla chhiar dan hriat hi kan mawhphurhna ni ve in a langa, thla chhiar dan mai bakah an nunphung te pawh hi hriat ve hram hram I tum ang u. August thla chu a zo ruai chu a ni leh ta a, ni reilo te-ah Ber thla kan kan kai anga, derhken, nuaithang, anthur leh senhri nu ten par an chhuang l...
Post a Comment
Read more