1st. Saturday : Tourism Minister, Pu Robert Romawia Royte chuan Sakawrhmuituai tlang leh a chhehvel tlawhtute inhnangfakna tur, 'Tourist cafetaria' sakna hmun tur Sihphir V/C te leh Lungdai V/C te nen an en ho. Tourist cafetaria hi Sihphir leh Lungdai inrina, kawngpui hrula sak nise tia rel a ni.
2nd. Sunday : Tumkau ni a ni a, tualchhung kohhran hrang hrang te chuan zingkarah Lal Isua chawimawiin kawng an zawh hlawm.
3rd. Monday : Kawnveng atanga Selesih inkar kawng, Lamlian hlui PCC chu Sealcoat hna thawh țan a ni.
4th. Tuesday : Harhna thlen ni a ni a, kohhran hrang hrang te chuan zan hun hmangin programme an siam hlawm.
5th. Wednesday : Kum 2023-2024 academic session atan sikul luh tan a ni.
6th. Thursday : MPSC-in Grade-V of MSCS (Cooperative Audit Officer) mi 6 a lak zingah Tv Lalthafamkima s/o Lalnunhlimi, Kawnveng a tel.
7th. Friday : Good Friday a ni a, tualchhung kohhran hrang hrang te chuan Lal Isua tuarna tawmpuiin inkhawm an hmang hlawm.
8th. Saturday : Tv Lalhlimpuia, kum 29 s/o Raldangvela, Biak In Veng chu Ebenezer Hospital, Aizawl-ah Mitliam natna avangin a boral.
9th. Sunday : Easter Sunday a ni a, tualchhung kohhran hrang hrang te chuan urhsun takin an lawm hlawm.
10th. Monday : Mizoram inter veng LC/VC under 21 Basketball Tournament 2023 Armed venga khelh mekah Sihphir leh Chawlhhmun chu inkhelin Sihphir hian 61-74 an hnehlo.
11th. Tuesday : Branch YMA te chu Conference hall-ah an committee.
12th. Wednesday : Chamdur leh Daikawn inkar vel a kang chiam mai a, he kangmei avang hian Pu HV Lalawmpuia, Chhanhim veng te thlam chu a kangral vek.
13th. Thursday : P.C. Lallianmawia s/o PC
Lalduhawma (L) Zionveng leh
Ramtianmawii, Venghlun te chu Sihphir
Kohhran Biak Inah an innei.
14th. Friday : V/C House-ah
Sakawrhmuituai tlanga sorkar leh JICA in kut thlak
an duh chungchangah V/C te leh tlawmngai pawl hruaitu te nen joint meeting neih a ni.
15th. Saturday : MNF thalai (media cell) te chu Neihbawi a Pu C. Chhuanawma picnic spot-ah an intihlim.
16th. Sunday : Aizawl Hmar Presbytery in Pathiani serh inzir thar programme an hmang a, bial chhung kohhran hrang hrangah hman a niin upa thenkhat bial pawn lama kalchhuak an awm bawk.
17th. Monday : C.YMA Hall-ah CADS (ruihhlo do pawl) 4th Batch lakluh inkhawm hman a ni a. He batch thar turah hian tisa leh thlarau lamah pawh a kan tlangval chhuanvawr, Tv Lalrinchhanad s/o Vanlalruati, YMA Branch Executive Committee Member, Damveng chu a tel. Rinchhana hi Pu RK Ramfangzauva, Asst. Secretary, Branch YMA chuan a tawiawm.
18th. Tuesday : Presbyterian bial kohhran hmeichhia ten bial chhung kohhran te intlawhtawn programme an hman mekah Venglai kohhran hmeichhia te an tlawh. Inkhawm hi Pi Lalbeiseii, Sihphir chuan kaihruaiin, Pi Thangkhumi Hmarveng chuan Pathian thuchah a sawi.
19th. Wednesday : Neihbawi Welfare te chu veng chhung kawngpui dung tifaiin an hnatlang.
20th. Thursday : SR & AC in ruihtheih thil an mansak avangin Pu Lalbiaknunga s/o Chawngdailova (L), Kawnveng Lalrimawia s/o Lianthangpuia, Tamlo Veng leh Lalropuia s/o Lalchhawni, Tlangveng te chu thla thum chhung atan Sihphir ramchhung atangin an chhuahtir.
21st. Friday : RK Lalnunmawia s/o Lalrinkima, Arpu veng chuan rit inchawisiak, (Deadlift Championship Mizoram) Mizoram Powerlifting Hall, Republic Vengthlang a neihah Kg 59 huangah Kg 210 chawiin chak ber lawmman a la a, a ni hian nikum October thla khan 12th Mizoram Inter District Power Lifting Championship-ah Mizoram record siamin Sihphir a lo ti hming țha tawh bawk.
22nd. Saturday : Presbyterian kohhran bial inkhawmpui Hmarveng kohhrana neih mekah rorel palai ten biakinah nilengin ro an rel.
23rd. Sunday : Lalruatkima, kum 39 H/o Zairemmawii, Tlang Veng chu an chenna Inah 'Stroke' avangin a boral.
24th. Monday : Social Reform and Action Committee in zu zawrh avanga an in an kalhsak, Pu Lalengkima,
Tlangveng te chuan an in kalhsak mek chu hawnsak
an dil a, an in kalhsak hun chhung tura tih, thla
3 chhung a lo tlin tak avang leh anmahni hnen atanga
sim an tum thu hriat a nih bawk avangin an in hi hawnsak a ni.
25th. Tuesday : Aizawl District Volleyball Association hnuaia 1st Division Season Ending Tournament Jt. YMA Hall, Vaivakawn a khelh mekah a hmasa ber atan Sihphir Volleyball Club chuan Armed Veng South Volleyball Club chu 3-2 in an hneh.
26th. Wednesday : AFC Asian Futsal Cup khel tur,
India National Futsal Team-ah Mizo
panga (5) koh a ni a, an zingah hian
Isac Zomuanpuia s/o Lalthazuali,
Arpuveng, tuna Delhi Football Club-a
khel mek chu thlan tel a ni.
27th. Thursday : Pi Biaktluangi, kum 81 m/o Pu Vanlalsawma, Venglai chu Synod Hospital, Durtlangah Thawhah natna avangin a boral.
28th. Friday : Govt. Middle School - I,
Arpu venga zirtirtu tanglai, Pu C.
Lalruatkima, Venghlun chu a
hnathawhna atangin pension in a chhuak a, STA ten an school-ah an thlah.
29th. Saturday : V/C te chuan
Neihbawi chuanhnuai kawng
MGNERGS hna atangin PCC in an
chhung a, he hunah hian Hmarveng Branch
KTP te an thawk.
30th. Sunday : Tun thla, May 18, 2023 atanga tan tur LBS Suzuki 26th Inter Branch YMA Football Tournament - 2023-a Sihphir YMA team inbuatsaih na atan Tv Ramthansiama (Siamtea) s/o Pu Zoramthanga, Chief Minister chuan YMA team inbuatsaih nan Rs. 20,000/- YMA hruaitute a hlan.
Comments
Post a Comment