Skip to main content

DECEMBER 2022, SIH(PHIR) DIARY

 


1st. Thursday : Lalngamliana h/o Rosangpuii, Venglai, Kolkatta-a Assam Regiment tang lai chu chawlh hmangin a lo haw.


2nd. Friday : Venglai Presbyterian Kohhran chuan Kristian chhungkaw zan an hmang. He hunah hian Biak In dar vuak a niin Joshua 24:14 &15 chhiarin chhungtinin hun an hmang.


3rd. Saturday : Venglai Presbyterian kohhran chuan an huamchhung a tleirawl te zingah rawngbawlna an nei. He hunah hian Synod Campus Ministry lam atang in mithiam an lokal a, ruihhlo, Sex Education leh Career  chungchangah te zirtirna an rawn nei a ni.


4th. Sunday :  Haubiaklala, kum 29 h/o Lalthanmawii,  Arpu Veng chu Synod Hospital, Durtlangah 'Pancreatitis' natna avangin a boral.  


5th. Monday :  Middle School Zonal Sport Meet chu Venghlun playground-ah neih tan a ni a, Opening function-ah Pu Lalropuia Pachuau, VCP chu Khuallian a ni a, school naupang te contingent parade a chhang let nghal bawk. Sihphir khuaa Middle School hrang hrang pariat te infiamna, 'Zonal Sport Meet' hian tunkar Ningani (8/12) thleng a awh ang.


6th. Tuesday : Central KTP Blood Donation

Calendar angin Bial KTP te chuan Synod

Hospital, Durtlang tan

thisen Unit 34 zet an pe a; thisen petute hi mipa 29 leh hmeichhia 5 an ni. 


7th. Wednesday : Central Integrated Pest Management Central (CIPMC) chuan Rohrenga Hall,

Kawnvengah an Scientist te rawn tirin,

Agriculture lam thilah kut

hnathawktute zirtirna an rawn pe.


8th. Thursday : H. Lalnunmawii (Kum 11), Pu

H. Darhmingliana, Tlangveng fanu,

kum 1989 a Khawmawi, Lawngtlai District a phum chu a ruhro lak phei niin

  thlanmual number 2-a a pi thlanah

phumhnan a ni.


9th. Friday : Vanapa Section YMA te

chuan an project pakhat ‘Section Intihhlimna’ hun

hmangin Liando Futsal Ground, Neihbawihah hun

hlimawm tak an hmang.


10th. Saturday :  Branch YMA chuan khawtlang a mi harsa, damlo leh chanhai zawkte pual in Krismas Carol an nei. 


11th. Sunday : Mizoram Arsenal Supporters' Club chuan Charity Ride rawn neiin, Neihbawi a chhungkaw pahnih hnenah Krismas thilpek pawisa an rawn hlan. Thilpek petu te hi Chawngbawla Section YMA hruaituten an lo dawngsawng a ni.


12th. Monday : Presbyterian English School Venglaia pawl sawm zirlaite chu Study Tour

neiin Guwahati-ah an kal. 


13th. Tuesday :  Branch YMA chuan  Krismas carol naa an pawisa hmuh tling khawm atangin Krismas chibai bukna  chhungkaw 10 leh Krismas pual damlo kanna chhungkaw 2 hnenah, a vaiin chhungkaw 12 te hnenah Rs. 4,000/- theuhin Rs 48,000/- an hlan.


14th. Wednesday : Twin Market-ah ni za inhlawhna pawisa Rs 2,300/- sem a ni.


15th. Thursday : Vanneihsangi d/o Hnehliana (L),

Tamlo Veng leh Lalawmpuia, Kolasib te

chu Diakkawn Kohhran Biak Inah an innei.


16th. Friday : Branch YMA

sum kum chanve Audit a ni. Branch sum leh Chhiatni

Fund te hi kum khatah tum hnih audit thin a ni.


17th. Saturday :  UPC Kohhran chuan Evan.

Lalchhuanawma, Kolasib, Speaker a

hmangin Sunday School

naupangte pualin lang camp an buatsaih.


18th. Sunday :

Mizo Lal lal laia Sihphir, Zemabawk, Zokhawsang leh Muthi vel awptu Lal, Rohrenga (1883-1948) tu leh fa, chi leh kuangten Lal Rohrenga Hall, (Twin Market a mi) a Sound system man tur an thawhkhawm Rs. 1,10,000/- chu Sihphir VC hnenah an hlan. 


19th. Monday : Sihphir Higher Secondary School

te chu Elevation Farm-ah an intihhlim.


20th. Tuesday : Chawngbawla section YMA te chuan Pu Vanlalramtharnghaka In-ah kumtawp committee an nei.


21st. Wednesday : Lalrinawma s/o Thanghnuna, Arpu leh Lalțhapuii d/o Vanlalêna,  Venghlun te chu Sihphir Kohhran Biak Inah an innei.


22nd. Thursday : Nl H. Lalnunmawii d/o H. Zirsangliana, Kawnveng chuan Damvengah a scooty chabi a tibo.


23rd. Friday : 2022 Branch YMA OB leh 2023 Branch YMA OB atana

thlan thar ten Pu Lallianfala, President thar tur te inah mawhphurhna an in hlan.  


24th. Saturday : Tv Andrew Lalhmachhuana s/o Lalnangliana,  Venghlun chuan  Nebulizer Musk Kit boxes hnih Branch YMA te a pe a, a chungah YMA hruaitute an lawm hle.


25th. Sunday : Lal Isua pian champha (Krismas) kohhran hrang hrangah hman a ni. 


26th. Monday : Lal Isua pian champha (Krismas) lawmna ruai kohhran hrang hrangah theh a ni. 


27th. Tuesday : Sihphir

Road Taxi Stand Welfare te chuan Middle School I-ah Assembly an hmang a, kum thar hruaitu tur

an thlan bakah  zanriah an kil ho nghal.


28th. Wednesday : Tv Lalrinchhana s/o Lalrawna, Chhanhim veng, nikum November ni 3 a Tank lorry kang avanga boral ta chu Chief Minister, Pu Zoramthanga chuan a ral.  


29th. Thursday : Rabecca Laldinpuii d/o Khualkamlova, Biakin veng leh R.

Vanlalhlimpuias/o Hluni Aizawl Venglai te chu

Aizawl Venglai Presyterian Kohhran

Biak Inah an innei.


30th. Friday : Sawiremtlang chanchinbu enkawltute chuan kum 2022 a YMA chanchinbu an chhuah hnuhnung ber tur a nih dawn avangin DFL Restaurant (DT-i), Arpu vengah chaw an eikhawm a, chanchinbu an buaipui nghal.


31st. Saturday : Kum 2022 chhunga ni hnuhnung ber a nih avangin tlang hrang hrang atangin nitla tur mi tam takin an thlirliam.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more