Skip to main content

SUNDAY SCHOOL KAIKIM LAWMMAN KA LA LEH TA


Vawiin chu kumi'n chhunga Sunday School ka kaikim avangin lawmman ṭha tak,  belthleng set ka dawngve leh ta nawlh mai. Ka lawm kher mai.

Sunday School hi kum 12 (kum 1985-'96 & 2015) te khan ka lo kaikim ve tawh a, mahse, kalkim lawmman ka lak erawh chu tum 11 chauh a ni thung. Hei hi a chhan chu Junior ka nih laiin kum 1987 kum khan a nia,  March ni 15 zingkarah tui ka chawi avangin ka tlai a, hming an lo lam vek tawh. Ka sawi leh ngam siloh vang a ni. Mahse, pawi ka ti lutuk rihlo, kum tawp lamah hian zirtirtuten kaikim nia inhria, kaikim lo anga ziah si an awm leh thin avangin kaikim nia inhria in report turin an sawi thin. Mahse, mak leh pawi tak maiin hemi kum tak mai hian hetia'ng zawhna hi a awm tlat lo mai. Ka zakzumin thil awmzia ka sawi ngam silo. Kum sawm zet (Pi Zaii medal awardy) a liam chuan a uiawm duh hle.

Lawmman ka lak hmasak ber ṭum hian ka kaikim tih pawh ka inhre lo. Rin loh leh beisei loh tak maia kaikim lawmman ka han lak takah chuan lawmman lak nawm zia ka man a;  khatatang khan ka theih anga tam kaikim ka tum ta a ni. KṬP member rual kan ni chho a, zin nuam ti mi ka lo ni bawk nen, inkhawmpui kal te duh avangin ka kaikim hleithei talo.

Kaikim tur hian taimak a ngai a; hrisel that a ngaih hle bawk bakah thenawm khawveng leh chhungte karah pawh harsatna thleng chamchi thei kara hetianga ka awm mai hi ka lawm takzet a ni.

A chunga tarlan ang khian  kumin pawh hian harsatna awm thei a  tam hle. Pathianniin mitthi hi pahnih an awm a, keini ṭhalai tan chuan thlanlaih emaw in lama kal emaw hi kan tih ngei ngei tur a ni. Mahse, kumin hian ka kut zungchal hi ṭumhnih ngawt ka'n sat tehreng a, pawi ka tih viau rualin lawmman min dawntir theitu a ni hlauh thung! Mitthi an awm ṭum hian ka kut a nat avangin na tak nilo mah se, mi zinga hnathawhna hmanrua hum ka zuam tlatlo. In lamah kal dawn ila, nawm viau loh nen, an veng a lo hla deuh bawk si a, a hnai zawk biak in (Sunday School) ka kai ta zawk a ni.

Sunday Sikul I kal ang u,
Mi tin tan a lo ni shi;
A pui a pang kai ho zel she,
A hmei a pa tan a ni.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more