Skip to main content

SIHPHIR PASTOR BIAL INKHAWMPUI NEIH A NI


Kar hmasa Zirtawpni aṭanga Pathianni thleng khan Sihphir Pastor Bial Inkhawmpui chu Sihphir Venglai Kohhran Biak inah tluang taka neih a ni a, thupui - 'Tho la, i Pathian ko rawh' (Jona1:6) tih chu bialtu pastor, Rev. C. Sapkaia chuan Pathianni chawhma inkhawmah a sawi.

Inkhawmpui hi Zirtawpni chhunah committee peng hrang hrang neia ṭan a ni a, mipui lam tan zanah inlawmna leh kohhran report hmanga ṭan a ni thung. Report aṭanga a lan dan in : Kohhran zat - 3, Kohhran upa - 28 (Tualchhung upa -4 leh pem upa - 1 an awm bawk) Member - 3745, Danzawhkim- 2721, Innei - 35 (biak in -12 hmun dang - 23) Thunun lai - 75, Mitthi - 31, Chhungkua - 796, Pathian ram pe - 791. 

Inrinni nilengin biak inah palai ten rorel a ni a, agenda lut 11 zinga 6 chu pass a ni. An thu pass te chu heng te hi anni : 1. Bial huapa Kohhran Committee Seminar neih. 2. Bial Sunday School Exam endik hun tih danglam. 3. Presbytery inkhawmpui thlengtu tur kumhnih hmalama hriatlawk dan ngaihtuah. (Presbytery-a thlen tur) 4. Presbyterian English School Uniform thlak dan ngaihtuah. (Presbytery-a thlen tur) 5. Bial Masihi Sangati Sunday School hmunkhata neih ṭhin mahni fellowship ṭheuha neih tawh, tih leh 6. Aizawl khawpui hmarlamah Synod Music School din dan ngaihtuah. (Presbytery-a thlen tur)

Pathianni chawhnu inkhawmah bialtu pastor, Rev. C. Sapkaia chuan Lalpa Zanriah Sakramen a ṭheh. Pathianni zanah chairman kalchhuak, Upa PC Lalthlamuana chuan Valedictory Sermon sawiin, he hunah hian 'Lalpa en' (Mika 7:7) tih thupuia hmangin Pathian thuchah a sawi bawk.

Inkhawmpui chhung hian biak in hulhliapah thu leh hla hmanga inpawlkhawmna neih ṭhin a ni a, kohhran hall-ah ṭhalai zaina neih a ni bawk. Tin, Pathianni tlai-ah kohhran hall-ah mual inkhawm neih a ni bawk! Pastor Johana, Darlawn biala awm ṭhin, zirna sang zawk zir tura a in buatsaih lai anih avanga chawlh hmang mek lehTaiwan lama missionary hna thawk reng ṭhin, tuna DTI Principal ni ta, Rev. Zaidarhzauva te chuan inkhawmpui an uap bawk.

Inkhawmpui hi nakum lamah hetia'ng hian         neih leh a ni ang :- A hun : April 24-26, 2020, A hmun : Hmarveng Kohhran Thupui : Thilpeka rawngbawl (Malakia 3:10)
Puipa te :-
Chairman : Rev. C. Sapkaia, bialtu pastor
Secretaries : Upa HS Lalhlimpuia (Sr.)
Upa Vanlalchhunga (Jr.)
Treasurer : Upa H. Lalrinzuala (bial sum)
Upa Vanlalrawna (Synod sum)
   
Hetih lai hian Sihphir Vengthar Pastor Bial te chuan Vengthar Kohhran Biak Inah inkhawmpui hi an hmang ve bawk.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more