Skip to main content

SIHPHIR KHUA IN MATRIC TOPPER KAN NEI

May ni hnih, 2019 a ni a, chanchinthar vela an puan

kan hriat danin HSLC result chhuah ni tur a ni tih kan hre fur.
Mi nawlpui chuan kan hriat kha duhtawkin kan vei zui lem in a
lang lo. Exam hmachhawn tute leh chu'ng mite chhung khat te
chuan an ngaihven viau in a rinawm. Result chu a lo chhuak ta ngei a, Mizorama thiam ber chu kan khua in kan nei nawlh
mai. Hnuk pawh a ulh rum rum hial mai. Top ten huang a lang
hi chu kan nei ve zauh zauh tawh a, a ber han neih em chu
kan suangtuah phak vakin a rinawm lo. Amah Nungnungi kha
lehkha thiam thei a nih mai piahlamah a taima ve thawkhat
viau niin a lang. A taimak em avanga ber nihna hauh thei pawh
a nih hmel. Sihphir khua hi tunhma atangin mi taima khua
anga hriat lar kan ni thin. Kan Topper-i pawh hi chutiang huang
chhunga dah chi pawh a ni ang. A nu hi kharchhawnga eizawng
a ni a, chu chu Nungnungi chuan zak miahloin a pui ve lawp
lawp thin. Ama zarah lehkhathiam khua ni mai loin mi taima
khua nih pawh kan hlawh phah zel thei dawnin a lang a, a
lawmawm takzet a ni. Hnathawh hi a zahthlak loh tih awarness
tha tak pawh a ni awm e.

Tunhnai-ah hna sang kan tih ang chi hrang hrang chelh
kawngah Mizo kan lang tamlo hle. Vei pawh a ngai viau in a
lang. Hemi kawngah hian tuna zirlai te hi an pawimawh. Rual u
te tan chuan tih theih vak a awm lo maithei, chuvangin, tuna
zirlai te hian nasa lehzual zawka tan lak a tul takzet a ni. Hetih
ruala pawimawh chu exam naa pass ngawr ngawr niloin thiam
tum tur a ni. Hman deuh khan 'Hriat awm hriat' tih ka ziak
tawh. Kan zirlai mil tawk thil hriat ve hi a pawimawh hle a,
chhawr tlak ni ngei turin tuna zirlai te tang sauh sauh turin
duhsakna ka hlan a che u.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more