1st. Monday: MNF President, Chief Minister ni bawk, Pu Zoramthanga chuan Lunglei-a Mizo Hnam Runah thusawiin MP inthlanah 'issue base' a thawhpui neih chu thu awmze neilo niin a sawi.
2nd. Tuesday: Association for Environmental Preservation chuan Environment, Forest and Climate Change Department sponsor in Pi Hangi lunglen tlangah savabu siamchawp engemawzat an dah.
3rd. Wednesday: KAI Junior National Karate Championship 2019, tunthla ni 5-7 chhunga Gauhati a neih tur hmachhawn turin infiam mi 23 leh official 4 an kal.
4th. Thursday: Nithum awh tur 20th. MiMSA Racing Championship 2019 chu Tuirial-ah ṭan a ni. MiMSA hnuai-ah hian team 12 an awm mek a, an pawl president chu Lalfakzuala a ni.
5th. Friday: MNF President, Chief Minister ni bawk, Pu Zoramthanga chu Lok Sabha inthlan atan Mizoram khawthlang lamah campaign-in a zinchhuak. Mi rethei te kil phakin malsawmna ruai chawi hniam an tum thu a sawi.
6th. Saturday: Criket Association of Mizoram enkawlna hnuai-a criket inelna sang ber, Mahuma Memorial Criket Tournament chu zawhfel a ni ta a, Zarkawt Lords chu Kulikawn CC hnehin an champion. Zarkawt Lords hi kum 2009 khan an lo champion tawh bawk.
7th. Sunday: Lok Sabha MP inthlan lo awm tur a ZPM leh Congress party candidate, Pu Lalnghinglova Hmar chu Ngopa khawtlang hruaitute nen inkawm hona an nei.
8th. Monday: Mamit Chhimveng YMA Hall-ah Lok Sabha inthlan lo awm tura Mamit district chhunga venhimna thawktu tur te chuan thil pawimawh hrang hrang an sawiho a, SP, Sathiyasundaram chuan a telpui.
9th. Tuesday: Synod Moderator, Rev. Lalhmingthanga chu Wales ramah a zin dawn a, amah zui tu tur Synod Choir ho te nen Mizoram an chhuahsan. Synod Choir hi Wales-a International Choral Festival-ah an tel nghal ang.
10th. Wednesday: Malaysia-a tour nei mek India Woman Hockey Team chuan match ruk khelh turah a match ngana an khel a, Mizo nula, Lalremsiami goal khat hmangin India hi 1-0 in an chak. Match li an khelh tawhah hian India hi ṭumthum chak tawhin ṭumkhat an inhnehtawk thung. An inkhelh tawh chinah hian Lalremsiami hian goal a la khung vek a ni.
11th. Thursday: Lok Sabha MP leh Aizawl West-I MLA bye-election inthlan chu tluang taka neih a ni a, Lok Sabha-ah hian vote tla parcentage hi 63.38% a niin bye-election-ah 72.5% a ni thung.
12th. Friday: Aizawl Theological Collage chuan an campus-a chapel-ah zirlai chhuak te thlahna inkhawm Valedictory Service an hmang a, he hunah hian BD-27, DCPC-3, M.Th-34 leh D. Th-2, an vaiin mi 66 an thlah. He hunah hian zirlai, thawktute, Synod hotute leh zirlai chhuak thar chhungte an tel.
13th. Saturday: Mizoram Arm Wrestling Association buatsaihin Ramhlun Indoor Stadium-ah National Arm Wrestling Championship, Chhattishgarh-a neih tur selection neih a ni. Infiammi ṭhahnem tak an tel.
14th. Sunday: Lal Isua Jerusalem-a lal anga a luhna champha, Tumkau Ni a ni a, kohhran hrang hrang ten tumkau chawi-in Lal Isua an chawimawi.
15th. Monday: Vairengte leh Saipum khua-ah thlipui na tak a tleh a, in tam tak a chhia.
16th. Tuesday: Ni hnih awh Mizo Hmeichhe Insuihkhawm Pawl General Conference chu Vanapa Hall-ah ṭan a ni.
17th. Wednesday: Sihphir Vengthar Bial KṬP te chuan Central KṬP Blood Donation Calendar angin an kohhran hall-ah blood donation camp an huaihawt a, Synod Hospital tan thisen unit 42 an pe a, thisen petu te hi mipa 41 leh hmeichhia 1 an ni.
18th. Thursday: MHIP Zarkawt leh Dawrpui branch te chu General Headquarter kal dan fel tawklo a an hriat avangin an in hnukdawk.
19th. Friday: Lawngtlai-ah car pakhat, bike pahnih leh scooty pahnih a kang.
20th. Saturday: ṬKP, Ramhlun Bial chuan Ramhlun North BCM biak inah blood donation camp an huaihawt a, mipa 63 leh hmeichhia 5 ten Aizawl Civil Hospital tan thisen unit 68 an pe.
21st. Sunday: Isua Krista, thihna hneha a thawhlehni champha Easter Sunday a ni a, Mizoram hmun hrang hranga kohhran ten urhsun takin an lawm.
22nd. Monday: Council's of Minister's chu Cief Minister pisa-a Cabinet Room-ah Chief Minister, Zoramthanga hi-in an ṭhukhawm a, thu pawimawh engemawzat an sawi.
23rd. Tuesday: Mizo Academy of Letter's chuan nikum chhunga Mizoṭawng lehkhabu chhuak zinga ṭha bera an thlan 'Hringnun hruihrual' by H. Lalrinfela (Mafa-a) chu Mafa-a nu Pi Lalrinliani hnenah award an hlan. Award hian thuchei leh pawisafai cheng 5,000/- a keng tel a ni.
24th. Wednesday: Bangkok-a khelh mek, Yonex Singha-Roza BTY Junior International Challange neih mekah Mizo naupang, Saitluangpuia chuan Thailand star, Thanakom Meechai chu 21-9, 21-19 in a hnehlo. Saitluangpuia hi SAI Gopichand National Batminton Academy, Hyderabad-a zirlai a ni.
25th. Thursday: Mizoram Upa Pawl chuan Vanapa Hall-ah General Assembly an nei a, kum 2019-'21 chhung a President atan Lalhuapzauva, Bungkawn chu an thlang.
26th. Friday: Mamit Chhimveng YMA hall-ah FOCUS Mizoram Project chungchangah District Level Consultation Meeting buatsaih a ni a, Mamit District chhunga V/C President leh Secretary te an tel.
27th. Saturday: Bishop Stephen Rotluanga chuan hun puma rawngbawl tur an neih thar, Deacon Henry Laldinmawia chu puithiam ni turin a nemnghet.
28th. Sunday: Mizoram Presbyterian kohhran hnuaia pastor bial hrang hrang ten Zirtawpni atanga bial inkhawmpui an hman chu a tiak.
29th. Monday: Lawngtlai khawpui-a mobile phone leh broadband network tha zawk pe tura BSNL an dawrna in awmzia a neilo ni'a an hriat avangin Central Young Lai Association chuan tiamchin awmloin an pisa an kalhsak.
30th. Tuesday: MFA hriatpuina hnuai-a buatsaih, Saitual GSA Cup-2019 chu Saitual Public Playground-ah khelh tan a ni a, a tan ni hian inkhel pahnih awmin hei hi result a ni : Venglai FC Red 2-1 Mualpheng, Church Street-II 0-3 Nghingliana Memorial Team, Tualbung.
Comments
Post a Comment