Skip to main content

Sihphir bus leh bike insuah mi pakhatin nunna chan


Tunkar Nilaini khan Sihphir bus MZ 01C-5766, Lalsangpuia s/o Zoawithanga Sailo,  Zemabawk khalh leh bike,  MZ 08-2061, Lalrotluanga (28) s/o H. Thangliana,  Hortoki khalh chu Bawngkawn leh Leitan inkarah an insu a,  bike khalhtu hi ka chhawn loin a thi.

Chetsual lai hmutu thenkhat sawi danin bike hi a tlan chak lutuk hran loa,  bike dang chak taka rawn tlan pel tu an awm avanga phu zuk chuan balance hloh tirin a hmaa bus lo chho awm leh kawngsira motor lian lo ding bawk nen,  a tleng taa,  bus hma hi na takin a tauh taa,  a bek vei lam a sawh nat deuh avangin a thihpui ta niin a lang.

Bike khalhtu Lalrotluanga hi damdawi ina  chhungte buaipui tura lokal a ni a,  hetiang vanduaina runthlak a tawk ta hi a lainatawm takzet a ni.  February thla mai khan a farnu pawh a boral nghe nghe.  Ruang hi Bawngkawn khawtlangin kuang siamsakin Sihphir mi engemawzat bakah laina thenkhat ten ruang hi an khua Hortoki thlengin an zui a,  bus neitu (driver hi bus neitu a ni) te lam hian kalna tur motor an ngaihtuah sak nghe nghe.

Bus leh a driver hi police ten an la nghal a,  driver hi bail a chhuah leh nghal a niin bus pawh hi Ningani khan lakchhuah a ni bawk.

Tuntum vanduaina thleng hi a ai ve hrim hrim ni pawhin a lang.  Bus hi workshop a luh tum a ni a,  mechanic a lo remchan loh avangin anni thahnemngai si service zawm leh tum chuan hetiang hi an tawng ta a ni.  Accident thlen chhan zinga pakhat,  kawngsira motor lo ding hi police lam chuan an man nghal bawk.

Tunhnai maiah Hlimen tlangval scooty khalh chu truck nen an insutna lamah a boral bawk a nih kha.  Two wheeler leh motor lian insua thihna hi a thleng ta zauh zauh mai.  Tunah phei chuan sorkar lamin kawng an siam tha taa,  lirthei tlan vel a chak thei hle.  Fimkhur tlan a tul khawp mai.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

THLAZING

  (Sawiremtlang editorial) August thla han hman meuh chuan chhum a zing phui chuai reng mai a, upa ten 'thlazing' an lo ti pawh hi a awm viau mai. Amaherawhchu, heta thlazing tih hi pi pu te thla hming pakhat emaw ti kan awm leh mai thin. Mizo thla chhiar danah chuan Thitin thla a ni tih i hria ang u khai. Hmanlai chuan mitthi te hi pialrala kal nghal mai loin kan velah hian an la tap thin a, August thla hian mitthi khua an pan thin nia an ngaih avanga thitin thla ti pawh an ni niin a hriat. Chuvangin, August thla hi Mizo thla chhiar dan chuan thitin thla tihna a ni a, thenkhat ten thlazing tia an sawi erawh thla hming ang niloin tun thla chu chhum a zing chuai reng mai an tihna a nih chu. Mizo thla chhiar dan hriat hi kan mawhphurhna ni ve in a langa, thla chhiar dan mai bakah an nunphung te pawh hi hriat ve hram hram I tum ang u. August thla chu a zo ruai chu a ni leh ta a, ni reilo te-ah Ber thla kan kan kai anga, derhken, nuaithang, anthur leh senhri nu ten par an chhuang l...
Post a Comment
Read more