FIAMTHU HI

Hmanni chu kan hnathawh naah kan thawhpui pakhat hian ka nihna diktak nisi, lawmawm lo lam hian min kova; a hma pawn min ko zauh zauh tawh chutiang chuan. “Khatiang khan min ko tawh suh,” ka tia. A ni chuan, “Fiamthu a nih kha,” a ti ve mai a. Hetatang hian thil tamtak ka ngaihtuaha.

Nihlohna puia inpuh hi a na hle. Nihna diktak, a á thalo lam nisi phei chu a lo lawmawm lo lehchhawng tih ka hmuchhuak. Kan thiana pawh hian a fiamthu tih chu a sawi hma pawh hian ka hre tawh. Ka ngaihtuaha, kei ngei pawh hian mi ka lo fiamin an tana rilru nat theih dan turin ka lo fiam fo in ka inhre ta.

‘Khawpui chu an fiamthu a sang’ kan ti fova; Khawpui mi kan niha kan fiamthu a sang a nih pawhin khawpui mi nge nge chuan fiamthu pawh a awm tawk kan hre ngei tur a ni.Kan fiamthu ah hian mi rilru a na theia; an thin ti urin an huat zawngah kan chang hlauh thei bawk.

Kan zingah fiamthu thiam tak tak pawh kan awmin kan thil post/comment velah pawh fiamthu rawlh kan ching hle. Hetiangah hian a chintawk i hria ang u, ka’n ti a ni e. Ka lawm e.