Skip to main content

THIL I CHIK ANG U

  (Sawiremtlang editorial, edited)


Tunkar chho-ah kan khawtlang hruaitu (VC) tur kan han inthlang ta a ni a, thlan tlin tak te khawtlang tana theihtawp chhuah turin kan ngen a che u.


Mahni kan in mualpho pawh ni se pawiloah ngai ang aw. He inthlan pual khan history kan chhui ve a, thui tak pawh kan chhui ngamlo. Term thum liam ta chauh a ni kan chhui theih ni. Chanchinbu enkawltu te pawhin thil kan lo chik tak tak loh zia kan inhmuchhuak chiang viau a, a zahthlak pawh kan ti khawp mai. Chutihrualin, a hun laia (2012, 2015 & 2020) party hruaitu, candidate te leh inthlan buaipuitu te thlengin candidate te hriat tumin chin kan ngaihven a, chiangloin, 'emmawn ta kha le, chu chuan a hre maithei' tih vel mai mai in min chhang hlawm a ni.


Diktak chuan inthlan hi kumtin pawh a ni lo a, mi pakhat term tam tak an tel lah a ni heklo. Kum sawm erh awrh chin chauh pawh kan hre let thei tawhlo a nih chuan thil kan lo chik lo tlang  hle tih a lang. Thenkhat chuan ziakin thil kan vawng thlip thlep pawh a ni ang. Ziah kher loh a hriat awm thil te pawh hi a awm ve a nia.  A hun lai a kan thil tih pui te pawh kan hre let thei hlawm lo kha chu a zialo takzet ani. Vawi tam tak thleng nawn a nih avanga hriat fuh chat loh erawh hriatthiam theih tak tur pawh a ni ang. Tun chinah chuan mitinin inthlan kaihhnawih kherlo ah pawh thil hi i chik ve deuh tawh teh ang u.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

THLAZING

  (Sawiremtlang editorial) August thla han hman meuh chuan chhum a zing phui chuai reng mai a, upa ten 'thlazing' an lo ti pawh hi a awm viau mai. Amaherawhchu, heta thlazing tih hi pi pu te thla hming pakhat emaw ti kan awm leh mai thin. Mizo thla chhiar danah chuan Thitin thla a ni tih i hria ang u khai. Hmanlai chuan mitthi te hi pialrala kal nghal mai loin kan velah hian an la tap thin a, August thla hian mitthi khua an pan thin nia an ngaih avanga thitin thla ti pawh an ni niin a hriat. Chuvangin, August thla hi Mizo thla chhiar dan chuan thitin thla tihna a ni a, thenkhat ten thlazing tia an sawi erawh thla hming ang niloin tun thla chu chhum a zing chuai reng mai an tihna a nih chu. Mizo thla chhiar dan hriat hi kan mawhphurhna ni ve in a langa, thla chhiar dan mai bakah an nunphung te pawh hi hriat ve hram hram I tum ang u. August thla chu a zo ruai chu a ni leh ta a, ni reilo te-ah Ber thla kan kan kai anga, derhken, nuaithang, anthur leh senhri nu ten par an chhuang l...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more