Skip to main content

MAY 2024, SIH(PHIR) DIARY

 


1st. Wednesday : Govt. High School, Sihphira Headmaster, Pu Lalnghakliana pension-in a chhuak a, School-ah thlahna hun hman a ni.


2nd. Thursday : Lallianzela kum 34 h/o Lalvenpuii, Kawn Veng chu 'Thin tha lo' avangin 7th Day Hospital, Vaivakawnah a boral.  


3rd. Friday : Branch YMA Executive Committee chu Rohrenga Hall-ah neih a ni.


4th. Saturday : Kristian Thalai Pawl, Sihphir Pastor Bial buatsaihin Sihphir Presbyterian kohhran Cenenary Hall-ah tleirawl leh rawitharte pualin ruihhlo hlauhawm zia inzirtirna neih a ni. He hunah hian Dr. C. Ramdinthara, Synod Hospital Durtlang chu Resource person a ni.


5th. Sunday : Lalnemi, kum 52, w/o Dokhuma (L) Arpu Veng chu 'Pneumonia' natna avangin Synod Hospital, Durtlangah a boral.  


6th. Monday : Huankunga, kum 78 h/o Lalzamliani,  Chhanhim Veng chu an chenna Inah 'Thawhah' vangin a boral.  


7th. Tuesday : Taitesena section YMA te chuan tumlaia Sihphir chhul chhuak film thar 'Dak pu' tih chu YMA Hall-ah an chhuah.


8th. Wednesday : Ni za inhlawhna pawisa, cheng 1,800/- a sem sem a ni.


9th. Thursday : Venglai Kohhran Pavalai Pawl te chuan an Rising day vawi 13-na, RT Resort, Neihbawih-ah an lawm a, tlaiah zanriah an kil ho nghal.


10th. Friday : UPC kohhran hnuaia Ladies Auxilliary Dept. Rising day ani a, Sihphir  LAD te pawhin awmni khamin an hmang zanriah an kilho nghal. Day pual hian Urban Primary Health Center tan Rice cooker tha tak an pe bawk.


11th. Saturday : YMA te chu Sakawrhmuituai tlangah kawng sialin an hnatlang.


12th. Sunday : Zingkarah

Pi Lalzamliani, kum 74 m/o  Malsawmkima Tochhawng,  Chhanhim Veng chu a boral a, zanah Pi Thanhliri, kum 93 m/o Hmingthanzauvi (L) Dinthar Veng a boral ve leh.


13th. Monday : Rinchhan venga Pu Lalngaihawma te in chu Vai Pick up cement phur in a su a, in pawh hi a chhe nual. Motor a chuang te hi an tlanbo zui.


14th. Tuesday : YMA Thlanmual Sub-Committee te chu thlan laihna tur lane siam dan tur ngaihtuahin Pu Laldanglova Varte, Dinthar Veng inah an Committee. 


15th. Wednesday : Thanzami, kum 83, m/o H. Rohmingliana, Biakin veng chu Greenwood

Hospital-ah Septicemia natna avangin a boral.  


16th. Thursday : Manzangaii, kum 58 h/o Ginkhawlian, Arpu veng chu Cancer avangin an chenna inah a boral.


17th. Friday : Media sub-committee, Sihphir branch YMA chu secretary, K. Lalrinawma (K. Vanengmawia), Kawnveng te inah an committee a, YMA Day lo awm tur chungchang bakah hmalakna tur hrang hrang te an rel. 


18th. Saturday : Chingngaihliani, kum 37, d/o Vungi Theihaingaw chu awmlai in an chenna inah a boral. A ruang hi

a nuṭapa, Nausel lam mi in a la a ni.


19th. Sunday : Pu Lalhmingmawia, kum 56, s/o Thianghlimi,  Chhanhim veng chu  lungphuchawlin a lenna, a thiante inah a boral.  


20th. Monday :

Ginkhawlian, kum 72, h/o Manzangai (L) Arpu veng chu cancer natna avangin an chenna inah a boral.


21st. Tuesday : Mizoram Board of School Education chuan Higher Secondary School Leaving Certificate result a ti chhuak a. Sihphir Higher Secondary School (Arts) pawh an pass chhe lo, appear 39 atangin mi 32 in an pass a ni. Heng zinga 1 hi Distinction-ah pass in 1st. Division-ah 6, 2nd Division-ah 14 leh 3rd Division-ah 11 te an pass.


22nd. Wednesday : Pu H. Laltanpuia, Neihbawi te bike, (MZ01-Y 4057) garage a dah chu rukbo a ni tih hriat a ni.


23rd. Thursday : YMA sport meet chu Futsal hmanga bultan a ni.


24th. Friday : Sihphir Teacher's Association (STA) Annual General Assembly chu Govt. High School, Sihphirah neih a ni a, he hunah hian zirtirtute infuih tharna neih a nih bakah National Education Policy (NEP), 2020 chungchang zir ho a ni a, resource person-ah Ruth Rosangpui Lecturer, SCERT a ni.


25th. Saturday : Pu Vanlalhlana, Hon'ble Minister, PWD etc. chuan Sihphir leh Durtlang North inkar kawng siam mek a rawn tlawh a. Deputy Speaker Pu Lalfamkima leh PWD Engineer ten an tawiawm. Minister hi Joint YMA Action Committee, Sihphir VC, Selesih Local Council, Local Traffic Committee leh Party hruaitu thenkhatin an lo dawngsawng a ni.


26th. Sunday : Taitesena section YMA te chuan Sakawrhmuituai tlangah parking/entry fee an khawn leh. Anni section hian May thla chhung hian Pathianni bikah an khawn thin a, cheng sing chuang zet an hlawh chhuak a ni. 


27th. Monday : Women Multipurpose Cooperative Society Ltd, Sihphir te chuan Rohrenga Hall, Kawnvengah Annual General Meeting an nei.


28th. Tuesday : Pu Zailiana, kum 70 s/o Ringliani (L), Neihbawi chu Greenwood Hospital-ah 'T.B' natna avangin a boral.  


29th. Wednesday : Pro Division inelna a tel tumin Aizawl District aiawh Sihphir Volleyball Club te chuan Playoff-ah Serchhip District champion, Khawbel khelin match inhnehtawk takah 2-3 (25-22, 22- 25, 26-24, 23-25, 15-12) in an hnehloh hlauh.  


30th. Thursday : Pi H. Lalduhawmi kum 65, Tv Tawnhmingthanga farnu, Neihbawi chu ZMC-ah 'Stroke' avangin a boral.  


31st. Friday :  Dominic

Vanlalpekhlua s/o V. Lalrindika,

Kawnveng chu Mizoram Student

Union (MSU) ten chawimawina MSU

Special Award an hlan. Dominic-a hi zeng hri avanga harsatna tawk mek a ni a, heti chung hian tunhnaia matric result chhuakah khan Distinction a pass-in English, Mizo, Maths, Science-ah te Letter a hmu a ni.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

THLAZING

  (Sawiremtlang editorial) August thla han hman meuh chuan chhum a zing phui chuai reng mai a, upa ten 'thlazing' an lo ti pawh hi a awm viau mai. Amaherawhchu, heta thlazing tih hi pi pu te thla hming pakhat emaw ti kan awm leh mai thin. Mizo thla chhiar danah chuan Thitin thla a ni tih i hria ang u khai. Hmanlai chuan mitthi te hi pialrala kal nghal mai loin kan velah hian an la tap thin a, August thla hian mitthi khua an pan thin nia an ngaih avanga thitin thla ti pawh an ni niin a hriat. Chuvangin, August thla hi Mizo thla chhiar dan chuan thitin thla tihna a ni a, thenkhat ten thlazing tia an sawi erawh thla hming ang niloin tun thla chu chhum a zing chuai reng mai an tihna a nih chu. Mizo thla chhiar dan hriat hi kan mawhphurhna ni ve in a langa, thla chhiar dan mai bakah an nunphung te pawh hi hriat ve hram hram I tum ang u. August thla chu a zo ruai chu a ni leh ta a, ni reilo te-ah Ber thla kan kan kai anga, derhken, nuaithang, anthur leh senhri nu ten par an chhuang l...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more