Skip to main content

INTHLAN RESULT PUAN A NI TA (ZPM chuan seat 27 lain sorkarna an siam)

 

““November ni 7 a Member of Legislative Assembly (MLA) kan thlan result chu tunkar Thawhtanni khan district khawpui tinah chhiar a ni a, he hunah hian seat 40 awm zingah Zoram People Movement (ZPM) chuan seat 27 zet lain sorkarna an siam a, rorel lai, Mizo National Front (MNF) chuan seat 10 la bawkin Bharatiya Janata Party in seat 2 leh Indian National Congress in seat 1 an la ve bawk.


““Kan bial, Aizawl EasI dinhmun lo tarlang ila :

 1. Lalthansanga ZPM 10727“

2. Zoramthanga MNF 8626“

3. Lalsanglura Ralte INC 2520“

4. Lalruatfeli Hlawndo Independent 441“Hei hi Sihphir VC huamchhunga party tin te vote hmuh dan a ni :“Congress 291“MNF 1053“ZPM 1132

“Independent 72 


““Chhinchhiah tlak zual te :


“1. ZPM hi sorkarna la chelh ngailo an ni. 

“2. Chief Minister ni lai, Pu Zoramthanga chu ZMP candidate hnehloin a tla.

“3. ZPM MLA ni lai 6 te an tling leh vek.


“4. ZPM te hian khawpui lian, Aizawl a bial 11 leh Lunglei a bial 4 te an la vek a, MNF in Mamit district chhunga bial awm pathum an la vek thung.

“5. Lawngtlai District a bial pathum awm chu party lian pathum, ZPM, MNF leh Congress ten seat khat theuh in an insem.“6. BJP chuan seat khat nei mekin tunah hian seat hnih an nei ta a, an tan chuan hmasawnna ropui tak a ni.“7. Congress in seat khat chauh an la a, an chhiat lai ber a ni.“8. West Tuipui bial, UT hun atanga congress la tlin char charna hmunah MNF party thlan tlin an ni. “9. Hmeichhia candidate pathum ngawt thlan tlin niin hmeichhe tam ber tum a ni.“10. Thlan tlin zingah ZPM candidate, Lalduhoma, Serchhip bial chu kum 73 niin a upa ber a, ZPM candidate tho, Baryl Vanneihsangi Aizawl S-III bial chu kum 32 niin a naupang ber thung.“11. Inhnehna sang ber chu Aizawl North II bialah niin ZPM candidate, Dr. Vanlalthlana chuan vote 11040 hmuin amah hnaih bertu, MNF candidate,Vanlalsawma chuan vote 5753 (5287 a hmu) laiin a phaklo a, Tuirial biala MNF candidate, K. Laldawngliana chuan vote 6610 hmuin ZPM candidate, Laltlanmawia chuan vote 13 (6597 a hmu) chauha phakloin inhnehna hniam ber a ni thung.


Sorkar thar hi nimin, Inrinni khan Raj Bhavan tualah neih nghal a ni a, he hunah hian Chief Minister atan Pu Lalduhoma chu lakluh a niin a hnuaiah cabinet minister 7 leh minister of state 4 te lawmlu nghal an ni a, cabinet minet ministyer lakluh zingah hian Aizawl East I bialtu, Pu Lalthansanga chu a tel ve nghe nghe.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

THLAZING

  (Sawiremtlang editorial) August thla han hman meuh chuan chhum a zing phui chuai reng mai a, upa ten 'thlazing' an lo ti pawh hi a awm viau mai. Amaherawhchu, heta thlazing tih hi pi pu te thla hming pakhat emaw ti kan awm leh mai thin. Mizo thla chhiar danah chuan Thitin thla a ni tih i hria ang u khai. Hmanlai chuan mitthi te hi pialrala kal nghal mai loin kan velah hian an la tap thin a, August thla hian mitthi khua an pan thin nia an ngaih avanga thitin thla ti pawh an ni niin a hriat. Chuvangin, August thla hi Mizo thla chhiar dan chuan thitin thla tihna a ni a, thenkhat ten thlazing tia an sawi erawh thla hming ang niloin tun thla chu chhum a zing chuai reng mai an tihna a nih chu. Mizo thla chhiar dan hriat hi kan mawhphurhna ni ve in a langa, thla chhiar dan mai bakah an nunphung te pawh hi hriat ve hram hram I tum ang u. August thla chu a zo ruai chu a ni leh ta a, ni reilo te-ah Ber thla kan kan kai anga, derhken, nuaithang, anthur leh senhri nu ten par an chhuang l...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more