Sihphir khuaah hian Library hi kohhran, pawl leh mimal ang pawhin kan nei thin. A chhawr pawh kan chhawr narawh e. Mihring kan tul tlang em em a, fon atangin thil tam tak chhiar leh en tur a lo awm ta bawk nen, kan Library te chuan tlawh an hlawhlo hlawm ta hle mai.
Chuvang chu nge ni dawn Library nei ve si, hawh chhuah theihloha khar pawh an awm ta nual mai. Hetih mek lai hian fon neilo emaw en reng ning te pawh a awm theih awm e. Lehkhabu ngei chhiar la duh zawk pawh kan la awm nual mai. Chu chu hriain YMA te chuan tunah hian mipui hawh theih turin an hawng leh mek a, Inrinni zingkarah darkar khat chhung thla khata Inrinni hmasa ber, vawithumna leh vawinganaah te an hawng thin a ni.
Library hawn a nih leh thu hriain rawlthar pakhat chuan a nu hnenah Library kal a duh thu a sawi a, a nu chuan ṭul a tihloh thu leh zirlai bak eng lehkhabu dang mah chhiar a ngaihloh thu in a zilh hrep mai nia!
Dik tak chuan zirlaibu atang ringawt hi chuan thiamna tak tak puakchhuah a har a, hetiang mi hi chu sang tak pawh zir thleng mah sela pa fing leh chhawr nahawm tak a chhuah a harsa in a rinawm. Chuvangin, mi lehkhathiam leh chhawr tlak ni thei ngei turin Library i chhawr tangkai ang u.
Comments
Post a Comment